ស្រុកកោះញែក ៖ នៅថ្ងៃទី២៣ ខែមករា ឆ្នាំ ២០១៦ នៅវេលាម៉ោង ២ រសៀល កំលាំងរដ្ឋបាលព្រៃឈើស្រុកកោះញែក ដឹកនាំកំលាំងដោយលោក ឈួន សេរីវឌ្ឍន៍ នាយផ្នែករដ្ឋបាលព្រៃឈើស្រុកកោះញែក លោក លឿង ភារុណ នាយសង្កាត់រដ្ឋបាលព្រៃឈើស្រុកកោះញែក លោក លុន បញ្ញា នាយសង្កាត់រ៉យ បានចុះបង្ក្រាប និងរឹបអូសឈើប្រភេទសុក្រម បានចំនួន៤៥ កំណាត់ ប្រវែង ៨ មែត្រ ប្រភេទឈើសុក្រម នៅចំណុចភូមិអូយេះ ឃុំស្រែសង្គម ស្រុកកោះញែក ខេត្តមណ្ឌលគីរី ។
បើយោងតាមសំដីពីអក្នភូមិក្បែរនោះបានអោយដឹងថា ឈើទាំងនោះ គាត់មិនបានដឹងថាជាឈើរបស់អ្នកណាទេ គាត់គ្រាន់តែដឹងថា មានគេដឹកឈើទាំងនោះយកមកលាក់ទុកក្បែរជញ្ចាំងក្រុមហ៊ុន UniGreen (ហៅជញ្ចាំងខៀវ)ជាយូរណាស់មកហើយ ។
អក្នសារព័ត៌មានយើងបានទូរសព្ទ័ទាក់ទងទៅម្ចាស់គ្រប់គ្រងក្រុមហ៊ុន UniGreen ដើម្បីសុំការបំភ្លឺពីករណីដែលពាក់ពន្ធ័ឈើទាំងនោះ ហើយគាត់ក៏បានឆ្លើយបកស្រាយមកវិញថា ឈើទាំងនោះមិនពាក់ព័ន្ធជាមួយក្រុមហ៊ុនរបស់គាត់ទេ ។
សារព័ត៌មានយើងក៏បានទាក់ទងនាយខណ្ឌរដ្ឋបាលព្រៃឈើស្រុកកោះញែកដើម្បីចុះបង្ក្រាប និងរឹបអូសយកទៅរក្សាទុកនៅផ្នែករដ្ឋបាលព្រៃឈើត្រពាំងត្រាច ស្រុកកោះញែក ខេត្តមណ្ឌលគីរី ៕
