មណ្ឌលគិរី ៖ ជាក់ស្តែងក្រុមការងារចំរុះថ្នាក់ជាតិចុះ ស្រាវជ្រាវចាប់ឃាតករនិងបក្ខពួក ៦នាក់ដែលពាក់ពន្ធ័និងការបាញ់សម្លាប់ មន្ត្រីការពារព្រៃឈើ ចំនួន៣នាក់ នៅខេត្តមណ្ឌលគិរីតែប៉ុណ្ណោះបញ្ជូនទៅតុលាការខេត្តមណ្ឌលគិរីកាលពីវេលាម៉ោង ១៥និង០០ នាទី ថ្ងៃទី៤ខែគុម្ភៈឆ្នាំ២០១៨ ។ ក្រុមការងារដែលតាមភារកិច្ចមានភារកិច្ចបង្កានិងបង្ក្រាបបទល្មើសព្រៃឈើនេះស្ថិតនេះក្រោមបញ្ជា នាយឧត្តមសេនីយ៍ សៅ សុខា អគ្គមេបញ្ជាការរង នៃកងយោធពលខេមរៈភូមិន្ទ មេបញ្ជាការ កងរាជអាវុធហត្ថ លើផ្ទៃប្រទេស និង ជាប្រធានគណៈកម្មការជាតិ ទប់ស្កាត់ និង បង្ក្រាបបទល្មើសធនធាន ធម្មជាតិ ។
ករណី ឃុប ឃិតជាមួយ ជនបរទេស (ជនជាតិវៀតណាម) ឲ្យចូលមកបោះជំរុំ កាប់ព្រៃឈើ និង បំផ្លិចបំផ្លាញធនធានធម្មជាតិ ជាហេតុនាំឲ្យកើតមានឡើង បទល្មើសឃាតកម្ម(មន្ត្រីច្បាបប់ថាជាឃាតកម្មគិតទុកជាមុន )ដោយបាញ់សម្លាប់មនុស្ស ចំនួន៣នាក់ (មន្ត្រីរដ្ឋ២នាក់ និងបុគ្គលឹកអង្គការ អភិរក្សសត្វព្រៃចំនួន០១នាក់ ស្ថិតក្នុងឯកសណ្ឋាន)កាលពីថ្ងៃទី៣០មករាឆ្នាំ២០១៨ ដែលមានឈ្មោះដូចខាងក្រោម ៖១/- សេក វឌ្ឍនា នាយអាវុធហត្ថលើផ្ទៃប្រទេស ។២/- ឈ្មេាះ តើន សុខណៃ មន្ត្រីឧទ្យាណនុរក្ស ដែន ជម្រកសត្វព្រៃ ជីវៈចម្រុះ (កែវសីមា) ហៅ (WCS) ។៣/-ឈ្មោះធុល ខ្នា បុគ្គលិកអង្គការ សមាគមអភិរក្សសត្វព្រៃ (wcs) ស្ថិតនៅចំណុច ភូមិពូហ្យាម ឃុំសែន មនោរម្យ ស្រុកអូររាំង ខេត្តមណ្ឌលគិរី ។
ឃាតករនិងបក្ខពួក ៦នាក់់ដែលត្រូវបានក្រុមការងារចំរុះថ្នាក់ជាតិ ស្រាវជ្រាវចាប់ មាន ៖១/- ឈ្មោះ ផល ពេញ នាយប៉ុស្តិ៍ នគរបាលការពារព្រំដែនអូរលែ នៃនគរបាលវរការពារព្រំដែនលេខ៦២១២/-ឈ្មោះ កើត វេហា មេប៉ុស្តិ៍យោធាការពារព្រំដែន (ដាក់កា) នៃយោធា វរៈការពារព្រំដែន លេខ១០៣ ។៣/- ឈ្មោះ កើត វេត្តា យោធា.វរៈការពារព្រំដែន១០៣។
៤/- ឈ្មោះទន ធារ៉ា មន្ត្រីនគរបលប៉ុស្តិ៍ (អូរលែ)។៥/- ឈ្មោះ ឡាយ សាវី មន្ត្រីយោធាវរៈព្រំដែលេខ១០៣.៦/- ឈ្មោះ ឈាង វ៉ាន់និត ជាជនសុីវិល ត្រូវជាប្អូនរបស់ជនសង្ស័យឈ្មោះ (ផល ពេញ) ។
គួរបញ្ជាក់ផងដែរថា អំពើឃាតកម្មបាញ់មន្ដ្រីការពារព្រៃឈើ៣នាក់ នៅខេត្តមណ្ឌលគិរី ដែលក្រសួងបរិស្ថានចាត់ទុកថា ជាវរៈជនការពារ និងអភិរក្សធនធានធម្មជាតិ បានធ្វើឲ្យកក្រើក និងផ្ទុះការចាប់អារម្មណ៍ នៅទូទាំងប្រទេស ហើយគេអាចចាត់ទុកថា ជាសំណុំរឿងសន្ដិសុខដ៏ធំបំផុតនៅដើមឆ្នាំ២០១៨នេះតែចុងក្រោយរកឃើញតែមនុស្ស៦នាក់ប៉ុណ្ណោះ? ។ ឯយួនដែលចូលមកចាប់មិនបានឬក៏មិនចាប់តែម្តង?។
សំណុំរឿងនេះត្រូវបានបិទបញ្ចប់ទាំងស្រុង តាំងពីដំណាក់កាលស៊ើបអង្កេត និងឈានដល់ការឃាត់ខ្លួនជនល្មើសទាំង៦នាក់បាន័យថា៖គេមិនស្រាវជ្រាវរកអ្នកពាក់ពន្ធ័នៅពីក្រោយនិងទទួលផកប្រយោជន៍ពីបទល្មើសខាងលើឡើយ។មិនដឹងថា៖តើតុលាការខ្មែរយើងអាចបន្តរកទៀតបានឬអត់ទេ?។ ព្រោះរឿងបន្ដទៀតនោះគឺ ស្ថិតក្នុងដំណាក់កាលដំណើរការនីតិវិធីរបស់ស្ថាប័នតុលាការ ដើម្បីឈានទៅដល់ការបើកសវនាជំនុំជម្រះ និងផ្ដន្ទាទោសតាមច្បាប់ នូវសំណុំរឿងដ៏ក្ដៅគគុកដែលបានកើតឡើងនៅគៀកនឹងព្រំដែន កម្ពុជា-វៀតណាម ក្នុងស្រុកអូររាំង ខេត្តមណ្ឌលគិរី កាលពីរសៀលថ្ងៃទី៣០ ខែមករា ឆ្នាំ២០១៨ ក្នុងពេលដែលសមត្តកិច្ចបានបានប្រកាសបិទបញ្ចប់និងថាបានទទួលបានភាពជោគជ័យ និងផ្លែផ្កាដ៏ធំធេងបែបនេះ ។
សូមរំលឹកថា តាំងពីថ្ងៃកើតហេតុ(៣០មករា)រហូត មកដល់រសៀលថ្ងៃទី០៥ ខែកុម្ភៈ ឆ្នាំ២០១៨នេះ ជាវេលាដឹកក្រុមជនល្មើសចូលទៅកាន់ពន្ធនាគារ ក្រោយតុលាការចេញដីការឃុំខ្លួន គេនិយាយថា៖សមត្ថកិច្ចពាក់ព័ន្ធទាំងអស់ រួមមាន នគរបាល កងរាជអាវុធហត្ថ និងយោធា បានប្រឹងប្រែងអស់ពីសមត្ថភាពហើយ!!។ផ្ទុយទៅវិញសម្រាប់អ្នកសង្កេតការណ៍ចាត់ទុកថា៖វាគ្រាន់តែជាការពន្លត់ភ្លើងករណី៍កុំឲ្យរាលដាលតែប៉ុណ្ណោះមិនមែនជាការបង្ការកុំឲ្យមានភ្លើងកើតឡើងនោះទេ។
មានន័យថា ក្រុមសមត្តកិច្ចចំរុះមិនបានអើពើទប់ស្កាត់កុំឲ្យកើតបទល្មើសនោះឡើយ ។ ព្រោះថាបទល្មើសព្រៃឈើនៅខេត្តភូមិភាគឥសាន្តមិនមែនទើតែកើតណាវាកើតរាប់ឆ្នាំរាប់ខែឈ្មួញខ្លះក្លាយជាឧកញ៉ាដោយសាររកស៊ីកាប់ឈើកាសែតក៏បានចុះផ្សាយព្រោងព្រាតតែគ្មានអ្នកណាយកចិត្តទុកដាក់ឡើយបើទោះជានាយករដ្ឋមន្ត្រីប្រាប់ថាឲ្យបង្ក្រាបក៏ដោយ?ឧកញ៉ាទាំងនោះមានជាអាទិ៖ឧកញ៉ាខ្នា។ឧកញ៉ាសឹងសំអុល ។ ឧកញ៉ាតុបវិដា ។ ឧកញ៉ាសី ។ ឧកញ៉ាពៅ ។ ឧកញ៉ាតាន់ស៊ីវិរៈហៅលក្ស័ ។ ឧកញ៉ា គិតម៉េង ។ ឧកញ៉ាជ័យ ៕ល៕