បាត់ដំបង ៖ ថ្មីៗនេះនៅមន្ទីរអប់រំយុវជននិងកីឡា ខេត្តបាត់ដំបង បានរៀបចំពីធី បិទសន្និបាតបុក សរុបវាយតម្លៃការងារអប់រំ យុវជននិងកីឡាខេត្ត ឆ្នាំសិក្សា២០១៥-២០១៦ និងលើទិសដៅ អនុវត្តឆ្នាំសិក្សា២០១៥-២០១៦ ក្រោមការចូលរួមពីលោក ជាម ច័ន្ទសោភ័ណ អភិបាលរងខេត្ត។
ក្នុងរបាយការរបស់លោកស្រី មាស ភិរុណ អនុប្រធានមន្ទីរអប់រំយុវជននិងកីឡា ខេត្តបានឲ្យដឹងថា តាមរយៈការពិភាក្សាជារួមលើប្រធានបទ ដោយផ្តោតលើអនុវិស័យទាំង៦របស់ មន្ទីរអប់រំយុវជននិងកីឡាខេត្ត ដែលសន្និបាតបានលើកឡើងគឺ អនុវិស័យអប់រំកុមារតូច អនុវិស័យបឋមសិក្សា អនុវិស័យ មធ្យមសិក្សា អនុវិស័យអប់រំក្រៅប្រព័ន្ធអនុវិស័យ អភិវឌ្ឍន៍ យុវជន និងអនុវិស័យ អប់រំកាយនិងកីឡា។ ឆ្លងកាត់តាមការវិភាគ និងការសំយោគ អង្គសន្និ បាតទាំងមូលបានរកឃើញ នូវបញ្ហាប្រឈម និងដំណោះស្រាយលើអនុវិស័យទាំង៦ ក្នុង គោលដៅជម្រុញវិស័យអប់រំយុវជន និងកីឡាខេត្តបាត់ដំបង ឲ្យអនុវត្តការងារបានកាន់តែល្អ ប្រសើរឈានទៅសម្រេចផែនការយុទ្ធសាស្ត្រវិស័យអប់រំឆ្នាំ២០១៤-២០១៨ ខាងមុខ។
លោក ជាម ច័ន្ទសោភ័ណ បានបញ្ជាក់ថាបទពិសោធន៍ទាំងប៉ុន្មាន ដែលបានបង្ហាញ ជូនក្នុងអង្គសន្និបាត សុទ្ធតែមានអត្ថប្រយោជន៍ និងមានប្រសិទ្ធិភាពក្នុងការអនុវត្តគោនយោ បាយ ឆ្លើយតបទៅនិងការ ពង្រឹងគុណភាពវិស័យអប់រំ ធ្វើឲ្យកុមារ និងយុវជនរបស់យើង ឈានឆ្ពោះទៅរកអនាគតភ្ឡឺស្វាង។
ក្នុងនាមរដ្ឋបាលខេត្ត ខ្ញុំមានមោទនភាព និងក្តីសង្ឃឹមយ៉ាងកក់ក្តៅចំពោះលទ្ធផល ដែលមន្ទីរអប់រំយុវជននិងកីឡាខេត្ត សម្រេចបាន ហើយខ្ញុំជឿជាក់ថា លោកលោកស្រីជា មន្ត្រីគ្រប់គ្រង អប់រំគ្រប់លំដាប់ថ្នាក់ ព្រមទាំងគ្រប់សមាសភាពពាក់ព័ន្ធ ពិតជាបន្តការខិតខំ ប្រឹងប្រែង និងបន្តជួយឧបត្ថម្ភគាំទ្រ ដល់ការអភវឌ្ឍន៍វិស័យអប់រំយុវជន និងកីឡាខេត្តឲ្យកាន់ តែមានភាពរីកចំរើនមួយកំរិតថែមទៀត។ លោកបានផ្តាំផ្ញើដល់មន្ត្រីអប់រំគ្រប់លំដាប់ថ្នាក់ សូម មេត្តាខិតខំបំពេញបន្ថែមទៀតនូវការងារមួយចំនួនមានដូចជា ពង្រឹងការងារអប់រំកុមារតូច គ្រប់រូបភាពទាំងមត្តេយ្យរដ្ឋ សហគមន៍ មត្តេយ្យខ្នងផ្ទះ និងវិស័យឯកជន ដើម្បីប្រមូលកុមារ អាយុពី៣ទៅ៥ឆ្នាំ បានចូលរៀន ពង្រឹងថែមទៀតគុណភាព និងប្រសិទ្ធិភាពនៃការបង្រៀន និងរៀន និងពង្រឹង លើការងារគ្រប់គ្រង និងប្រើប្រាស់ថវិការ ឲ្យមានប្រសិទ្ធិភាព តម្លាភាព និងគណនេយ្យភាពជាដើម ៕