ភ្នំពេញ៖ អភិបាលរាជធានីភ្នំពេញលោក ឃួង ស្រេង រួមដំណើរដោយអាជ្ញាធរខណ្ឌ សង្កាត់និងមន្ទីរពាក់ព័ន្ធ នៅរសៀលថ្ងៃ សៅរ៏ ៣រោច ខែមាឃ ឆ្នាំរកានព្វស័កព.ស ២៥៦១ ត្រូវនិងថ្ងៃទី៣កុម្ភះ ឆ្នាំ២០១៨ បានអញ្ជើញ ចុះសួរសុខទុក្ខប្រជាពលរដ្ឋនៅបូរីសន្តិភាព៣ សង្កាត់ចោមចៅទី២ ក្នុងខណ្ឌពោធិសែនជ័យ ។ ក្នុងបំណងចង់ដឹង ពីកង្វល់ និងសំណូមពរ របស់បងប្អូនប្រជាពលរដ្ឋ ដែលរស់នៅទីនេះ ។ ដើម្បីបំពេញទៅតាមការចង់បានរបស់ បងប្អូនប្រជាពលរដ្ឋ ដែលរស់នៅលើខ្នងប្រឡាយក្នុងខណ្ឌចំការមនកន្លងមក ដោយបានស្ម័គ្រចិត្ដ ចាប់ឆ្នោត យក ផ្ទះល្វែង៧ល្វែង មករស់នៅសហគមន៏នេះ ។
លោក ឃួង ស្រេង បានសម្រេចអោយបើកជាមណ្ឌលសុខភាពមួយកន្លែង ដែលមានផ្ទះមួយល្វែងរួមនឹងការផ្តល់ជារថយន្តសង្គ្រោះបន្ទាន់១គ្រឿង មត្តេយ្យសាលា មួយផ្ទះ២ស្វែង ស្នាក់ការភូមិ១ល្វែង ហើយកក្រៅពីនេះសហគមន៍ក៏អាចប្រើប្រាស់ផ្ទះស្វែងទាំងនេះផងដែរ ។
គួរបញ្ជាក់ថា បូរីសន្តិភាព៣នេះកាលពីមុនស្ថិតក្នុងសង្កាត់ពងទឹក ខណ្ឌដង្កោ ដោយទើបកាត់ចូលមក សង្កាត់ចោមចៅទី២ ខណ្ឌពោធិសែនជ័យ នាពេល២ខែកន្លងមកនេះទេ៕
