រាជធានីភ្នំពេញ ៖ យោងតាមការបញ្ជាក់របស់លោក ផៃ ស៊ីផាន អ្នកនាំពាក្យរាជរដ្ឋាភិបាល បានលើកឡើងថា សម្តេច ហ៊ុន សែន នាយករដ្ឋមន្ត្រីនៃកម្ពុជា បានបង្ហើបអំពីការស្ទង់មតិមួយថា ចំនួនអ្នកអ្នកស្ម័គ្រចិត្តចូលរួមបោះឆ្នោត នៅពេលខាងមុខនេះ មានចំនួនរហូតដល់ ៧៥% ចំណែកឯអ្នកមិនចង់បោះឆ្នោត មានចំនួនតែ៩% តែប៉ុណ្ណោះ ។ លោកថា សម្តេចថ្លែងបែបនេះ នៅក្នុងកិច្ចប្រជុំគណៈរដ្ឋមន្ត្រី នៅព្រឹកថ្ងៃទី០២ ខែកុម្ភៈ ឆ្នាំ២០១៨នេះ។
កម្ពុជានឹងរៀបចំការបោះឆ្នោតចំនួន២នៅពេលខាងមុខនេះ ក្នុងនោះមានការបោះឆ្នោតព្រឹទ្ធសភា នៅថ្ងៃទី២៥ ខែកុម្ភៈ និងការបោះឆ្នោតជ្រើសតាំងតំណាងរាស្ត្រ អាណត្តិទី៦ នៅថ្ងៃទី២៩ ខែកក្កដា ឆ្នាំ២០១៨ ខាងមុខ ខណៈដែលមានការរំពឹងទុកថា នឹងមានគណបក្សច្រើនចូលរួមនៅក្នុងការបោះឆ្នោតនោះ ៕
