បាត់ដំបង ៖ ឯកឧត្តម ច័ន្ទ សុផល អភិបាលនៃគណអភិបាលខេត្តបាត់ដំបង បានអញ្ជើញចូលរួមជាគណអធិប តី ក្នុងកិច្ចប្រជុំពីភាក្សាពិនិត្យ និងផ្តល់យោបល់ លើសេចក្តីព្រាងរបាយការណ៍ស្តីពីលទ្ធផលការងារ ឆ្នាំ២០១៥ និងទិសដៅការងារឆ្នាំ២០១៦ របស់ក្រសួងមហាផ្ទៃ សេចក្តីព្រាងរបាយការណ៍ បូកសរុបលទ្ធ ផល ការងារឆ្នាំ២០១៥ និងទិសដៅអនុវត្តបន្តឆ្នាំ២០១៦ របស់រដ្ឋបាលខេត្តបាត់ដំបងសេចក្តីព្រាង ប្រធាន បទ សម្រាប់សិក្សាក្នុងសន្និបាត បូកសរុបលទ្ធផលការងារប្រចាំឆ្នាំ២០១៥ និងទិសដៅការងារ ឆ្នាំ២០១៦ របស់រដ្ឋបាលខេត្តបាត់ដំបង សេចក្តីព្រាងចំណាត់តាំងស្តីពីការរៀបចំក្រុមពិភាក្សា តាមប្រធាបទនីមួយៗ សម្រាប់ធ្វើបទអន្តរាគមន៍ កាលពីថ្ងៃទី២០ ខែមករា នៅសាលប្រជុំសាលាខេត្ត។
ក្នុងសេចក្តីណែនាំ របស់ក្រសួងមហាផ្ទៃស្តីពីការរៀបចំសន្និបាតបូកសរុបលទ្ធផលប្រចាំឆ្នាំ និង លើកទិសដៅ អនុវត្តបន្តរបស់រដ្ឋបាលរាជធានីខេត្តក្នុងគោលបំណងឆ្លុះបញ្ចាំងពីលទ្ធផល នៃការអនុវត្ត តួនាទី ភារៈកិច្ចរបស់រដ្ឋបាលរាជធានីខេត្ត ទៅនិងផែនការអនុវត្តប្រចាំឆ្នាំ ផ្សព្វផ្សាយពីសមិទ្ធិផល និលទ្ធ ផលនានា នៃការអនុវត្តរបស់រដ្ឋបាលរាជធានីខេត្ត និងអាចរៀបចំពិពរណ៍រូបភាព ឬតាំងផលិតផលនានា ដែលសម្រេចបាន ធានាឲ្យមានការចូលរួមពីគ្រប់ភាគីពាក់ព័ន្ធនានា ក្នុងដំណើរការអភិវឌ្ឍន៍ នៅតាម រាជធានីខេត្ត និងស្វែងរកដំណោះស្រាយ ចំពោះបញ្ហាប្រឈមនានា ដែលកើតមានឡើង ពាក់ព័ន្ធ និងការ អនុវត្តតួនាទីភារកិច្ចរបស់រដ្ឋបាលរាជធានីខេត្ត។
ឯកឧត្តម ច័ន្ទ សុផល បានមានប្រសាសន៍ថា នេះជាកិច្ចប្រជុំមួយដើម្បីអនុវត្តកិច្ចដំណើរការនៃការ រៀបចំសន្និបាតបូកសរុបការងារឆ្នាំ២០១៥ របស់យើង ទៅតាមសេចក្តីណែនាំរបស់ក្រសួងមហាផ្ទៃលេខ ០៣៤។ ដូចនេះសូមឲ្យសាលាខេត្តក៏ដូចជា ក្រុង ស្រុក ត្រូវខិតខំអនុវត្តឲ្យបានល្អ ទៅតាមការណែនាំនេះ ដែលបានប្រាប់ឲ្យយើង ធ្វើការបូកសរុបលទ្ធផលឆ្នាំ២០១៥ ហើយកម្មវិធីសេចក្តីព្រាង សមាសភាពចូល រួមសន្និបាត ដែលខេត្តយើងចាប់ដំណើរការនាដើមខែកុម្ភៈខាងមុខនេះ។ ក្រោយពីសន្និបាត បូកសរុបរួចមកយើងនិងផ្ញើឯកសារទាំងនេះទៅក្រសួង ត្រៀមរៀបចំសន្និបាត នៅថ្នាក់ក្រសួងរួបទើបយើងយកលទ្ធ ផល ទាំងនោះមកផ្សព្វផ្សាយ។ បច្ចុប្បន្នរដ្ឋបាលខេត្ត បានរៀបចំការងារនេះ បានមួយចំនួនធំហើយ ហើយថ្ងៃនេះគឺជាការឆ្លងសេចក្តីព្រាងរបាយការណ៍បូកសរុបលទ្ធផលការងារប្រចាំឆ្នាំ២០១៥ ហើយនិង លើកទិសដៅឆ្នាំ២០១៦ សម្រាប់រដ្ឋបាលខេត្តបាត់ដំបងរបស់យើង ៕