រាជធានីភ្នំពេញ ៖ ក្រសួងមហាផ្ទៃត្រូវបានស្នើដោយស្ថាប័នរដ្ឋសភាឲ្យចាត់វិធានការលើអតីតតំណាងរាស្ត្រគណបក្សសង្គ្រោះជាតិ ពាក់ព័ន្ធការបន្តប្រើប្រាស់រូបសញ្ញាស្ថាប័ននេះ ដោយថា អាចធ្វើឲ្យមានការភាន់ច្រឡំ និងមានផលប៉ះពាល់ ខណដែលលោក អេង ឆៃអ៊ាង អតីតតំណាងរាស្ត្របក្សប្រឆាំងបានប្រើប្រាស់រូបសញ្ញាស្ថាប័នរដ្ឋសភានៅលើលិខិតមួយច្បាប់ ដើម្បីរម្លឹកទុក្ខ នៃមរណភាពលោក ស៊ាន ប៉េងសែ ប្រធានគណៈកម្មាធិការព្រំដែនកម្ពុជា នៅប្រទេសបារាំង ។
សូមជម្រាបថា អគ្គលេខាធិការដ្ឋសភាលោក ឡេង ប៉េងឡុង ផ្ញើទៅសម្តេច ស ខេង រដ្ឋមន្ត្រីក្រសួងមហាផ្ទៃ ឲ្យចាត់វិធានការលើអតីតតំណាងរាស្ត្រគណបក្សសង្គ្រោះជាតិដោយថា នៅតែបន្តប្រើប្រាស់រូបសញ្ញាសភា ។ តាមមន្ត្រីអះអាងថា ក្រសួងមហាផ្ទៃនឹងចាត់វិធានការតាមផ្លូវច្បាប់ ចំពោះករណីខាងលើនេះ ៕