ខេត្តកំពង់ចាម ៖ សមត្ថកិច្ចនគរបាលស្រុកសំបូរបានចាប់ខ្លួនជនសង្ស័យ៣នាក់ ដែលតែងដើរបោកប្រជាពលរដ្ឋដោយលក់ទឹកអប់ត្រូវរង្វាន់ទូរស័ព្ទ ខណដែលការ ចាប់ខ្លួននោះធ្វើឡើងកាលពីថ្ងៃទី២៨ ខែមករា ឆ្នាំ២០១៨ នៅក្នុងភូមិសំភិន ឃុំកំពង់ចាម។
សមត្ថកិច្ចបានឲ្យដឹងថា ជនសង្ស័យទាំង៣នាក់ជាមុខសញ្ញាឆរបោកប្រជាពលរដ្ឋតាមភូមិដោយប្រើរូបភាពលក់ទឹកអប់ក្រុមហ៊ុន មានរង្វាន់ ហើយនៅពេលអ្នកភូមិទិញត្រូវរង្វាន់ទូរស័ព្ទ បែរជាមិនបើកអោយ ថែមទាំងជំរិតសំឡុតទារលុយថ្លៃសំណងទឹកអប់ទៅវិញ។
តាមមន្ត្រីនគរបាលបញ្ជាក់ថា ពួកគេកន្លងមកតែងទទួលជោគជ័យ លើរបររកស៊ីឆបោកគ្រប់រូបភាព ទៅលើប្រជាពលរដ្ឋរស់នៅតាមភូមិដាច់ស្រយ៉ាល តែត្រូវអស់លក្ខណ៍ ក្រោយប្រព្រឹត្តសកម្មភាពលើកចុងក្រោយនេះតែម្តង ៕