រាជធានីភ្នំពេញ ៖ តុលាការកំពូលកាលពីព្រឹកមិញនេះ បានបដិសេធការសុំនៅក្រៅឃុំបណ្តោះអាសន្នរបស់បុរសជនជាតិអូស្ត្រាលីម្នាក់ ដែលស៊ើបការណ៍ព័ត៌មានពីកម្ពុជា បញ្ជូនឱ្យបរទេសដោយខុសច្បាប់នោះ ខណដែលតុលាការកំពូល សំអាងថា សំណុំរឿងនេះ កំពុងស្ថិតក្រោមការស៊ើបសួរ មិនអាចអនុញ្ញាតឱ្យនៅក្រៅឃុំបានទេ។
ជនជាប់ចោទជនជាតិអូស្ត្រាលីរូបនេះឈ្មោះ Jame Ricketson អាយុ៦៨ឆ្នាំ ត្រូវបានសាលាដំបូងរាជធានីភ្នំពេញ សម្រេចឃុំខ្លួនដាក់ពន្ធនាគារ ក្រោមការចោទប្រកាន់ពីបទ «ប្រមូលផ្តុំព័ត៌មានជាអាទិ៍ ដែលអាចធ្វើឱ្យអន្តរាយការការពារជាតិ អំពើទទួល ឬប្រមូលផ្តុំដើម្បីផ្តល់ព័ត៌មានវិទ្យា ឬសលាកបត្រដែលអាចធ្វើឱ្យអន្តរាយការការពារជាតិ» តាមមាត្រា៤៤៦នៃក្រមព្រហ្មទណ្ឌ ៕