ភ្នំពេញ៖ លោកស្រីលោកស្រី ថ្លាង សុផាណែត ជាចៅក្រម សាលាដំបូងរាជធានីភ្នំពេញបាននិងកំពុងធ្វើឲ្យមានមន្ទឹលសង្ស័យពីភាពមនិប្រក្រតីនៃចំណាត់ការរបស់ខ្លួនក្នុងនាមជាចៅក្រមស៊ើបសួរនៃសំណុំរឿងព្រហ្មទណ្ឌ័ដែលជនបង្កមិនគួត្រូវបានឲ្យនៅក្រៅឃុំនោះឡើយ។
ជាក់ស្តែងនៅរសៀលថ្ងៃទី២៩ ខែមករា ឆ្នាំ២០១៨នេះ មានសេចក្តីរាយការណ៍ថា លោកស្រី ថ្លាង សុផាណែតក្នងតួនាទីជា ចៅក្រមស៊ើបសួរ បានសម្រេចដោះលែង មន្ត្រីយោធាផ្កាយ ១ម្នាក់ ដែលពាក់ព័ន្ធ ករណី ប៉ុនប៉ងឃាតកម្ម និងកាន់កាប់អាវុធដោយគ្មានការអនុញ្ញាតដែលមន្ត្រីអយ្យការបានចោទ ឱ្យមានសេរីភាពវិញក្រោមមូលហេតុចនរងគ្រោះដកពាក្យបណ្តឹង?!។
ជនត្រូវចោទដែលលោកស្រី ថ្លាង សុផាណែត ដោះលែងនោះមានឈ្មោះ សោ សុហៀម ហៅលោកគ្រូហៀម ភេទប្រុស អាយុ ៥៨ឆ្នាំ មុខរបរ មន្ត្រីយោធាបញ្ជាការកងទ័ពជើងគោក មានទីលំនៅផ្ទះលេខ១២៦បេ សង្កាត់ផ្សារដើមថ្កូវ ខណ្ឌចំការមន រាជធានីភ្នំពេញ។
ការដោះលែងជនត្រូវចោទខាងលើ បានធ្វើឡើងក្រោយពី លោក រៀល សុភិន ព្រះរាជអាជ្ញារងអមសាលាដំបូងរាជធានីភ្នំពេញបាន សម្រេចបើកការស៊ើបសួរ និងចោទប្រកាន់លើ សោ សុហៀម ហៅលោកគ្រូ ហៀម ពីបទ ប៉ុនប៉ងឃាតកម្ម និងបទ កាន់កាប់អាវុធដោយគ្មានការអនុញ្ញាត ប្រព្រឹត្តកាលពីយប់ថ្ងៃទី០៤ ខែវិច្ឆិកា ឆ្នាំ២០១៧ នៅចំណុចផ្ទះលេខ ៤៦៩ ផ្លូវ២៤BT ភូមិត្នោតជ្រុំ៥ សង្កាត់បឹងទំពុនខណ្ឌមានជ័យ រាជធានីភ្នំពេញ យោងតាមមាត្រា ២៧ មាត្រា ១៩៩ និងមាត្រា ៤៩០ នៃក្រមព្រហ្មទណ្ឌ និងបញ្ជូនសំណុំរឿងទៅឱ្យលោកស្រី ថ្លាង សុផាណែត ចាត់ការបន្ត។
ភាគីជនរងគ្រោះ បានឱ្យអ្នកសារព័ត៌មានដឹងថា ភាគីជនត្រូវចោទ បានព្រមព្រៀងសងសំណងឱ្យខ្លួន(មិនដឹងសងប៉ុន្មាន) នៅព្រឹកថ្ងៃចន្ទ ទី២៩ ខែមករា ឆ្នាំ២០១៨នេះ ទើបខ្លួនសុខចិត្តដកពាក្យបណ្តឹង។
គួររំលឹកថា កាលពីយប់ថ្ងៃទី០៤ ខែវិច្ឆិកា ឆ្នាំ២០១៧ ជនត្រូវចោទឈ្មោះ សោ ហៀម ហៅលោកគ្រូហៀម បានទៅធាក់ទ្វារបងស័ង្កសី របស់ជនរងគ្រោះឈ្មោះ អ៊ុន វាសនា មានទីតាំងនៅផ្ទះលេខ ៤៦៩ ផ្លូវ២៤BT ភូមិត្នោតជ្រុំ៥ សង្កាត់បឹងទំពុនខណ្ឌមានជ័យ រាជធានីភ្នំពេញ។នៅពេលនោះជនរងគ្រោះឈ្មោះ អ៊ុន វាសនា បានសួរនាំទៅជនសង្ស័យថា ហេតុអ្វីក៏មកធាក់ទ្វារបងផ្ទះខ្លួន ស្រាប់តែជនត្រូវចោទឈ្មោះ សោ ហៀម ហៅលោកគ្រូហៀម ដកកាំភ្លើងខ្លី (មិនស្គាល់ម៉ាក) ញុកចូលប្រហោងទ្វារបងផ្ទះជនរងគ្រោះ បាញ់សំដៅទៅលើជនរងគ្រោះចំនួន ៥គ្រាប់ (ផ្ទុះ ០២គ្រាប់ មិនផ្ទុះ ០៣គ្រាប់)។
ក្រោយមកជនរងគ្រោះបានរត់ទៅប្តឹងសមត្ថកិច្ច ឱ្យមកជួយអន្តរាគមន៍ នៅពេលជនរងគ្រោះត្រលប់មកដល់ផ្ទះវិញ ស្រាប់តែជនសង្ស័យ ដកកាំភ្លើង បាញ់ទៅលើជនរងគ្រោះ ជាច្រើនគ្រាប់ទៀត តែសំណាងល្អ កាំភ្លើងនោះមិនផ្ទុះ។
សូមបញ្ជាក់ផងដែរថា កាលពីរសៀលថ្ងៃទី១៨ ខែមករា ឆ្នាំ២០១៨កន្លងទៅ លោកស្រី ថ្លាង ផាណែត ប្រធានក្រុមប្រឹក្សាចៅក្រមជំនុំជម្រះនៃសាលាដំបូងរាជធានីភ្នំពេញ ដោយមានលោក រៀល សុភិន ជាតំណាងអយ្យការសវនាការ បានប្រកាសសាលក្រមលើកលែងបទចោទ និងតម្រូវឱ្យដោះលែងជនជាប់ចោទ ឈ្មោះ Liu Wing Hing ភេទប្រុស អាយុ ៤២ឆ្នាំ ឱ្យមានសេរីភាព វិញផងដែរក្រោយពី ជនជាប់ចោទបានប្តឹងទាស់ នឹងសាលក្រមចាស់ដែលបានផ្តន្ទាទោសរូបគេដាក់គុក ៧ឆ្នាំ ពាក់ព័ន្ធករណី នាំនិស្សិតខ្មែរ រាប់សិននាក់ទៅលក់ឱ្យធ្វើកម្មកររបស់រោងកាត់ដេរនៅប្រទេសចិន។
ក្រោយពី តុលាការបានសម្រេចលើកលែងចោទប្រកាន់ និងដោះលែង ជនជាប់ចោទជាជនជាតិឈ្មោះ Liu Wing Hing ពីគុកវិញ ក្រុមជនរងគ្រោះបានត្រឹមតែប្តឹងឧទ្ធរណ៍ ទាំងក្តីឈឺចាប់ដែលពួកគេត្រូវបាន ជនជាតិបរទេសយកទៅលក់ដូរដូចសត្វ ហើយត្រូវតុលាការមិនអាចផ្តល់យុត្តិធម៌បាន ផ្ទុយទៅវិញបែរជាលែងជនជាប់ចោទទៅទៀត៕
ពាក់ព័ន្ធមូលហេតុនៃការសម្រេចដោះលែង ជនត្រូវចោទខាងលើនេះ យើងនៅមិនទាន់អាចសុំការបញ្ជាក់ពីមូលហេតុ ពីលោក លី សុផាណា អ្នកនាំពាក្យអយ្យការអមសាលាដំបូងរាជធានីភ្នំពេញ បាននៅឡើយទេ ដោយសារលោកមិនបានឆ្លើយតបនឹងសួរតាម គ្រុប Telegram ដែលបានផ្ញើជូននោះទេ។តែយ៉ាងណាបើពួកគេមិនត្រូវគ្នាជាប្រពន្ធ័ទេការដោះលែងក៏មិនអាចកើតមានទៅកើតដែរ។តុលាការយើងស្រួលចឹង!៕