ភ្នំពេញ ៖ យុទ្ធនាការស្តារលូ លាងលូ ក្នុងខណ្ឌទាំងបួន៣សប្តាហ៍នេះ រដ្ឋបាលរាជធានីភ្នំពេញ សម្រេចលទ្ធផលបាន៥៧គីឡូម៉ែត្រហើយ ដើម្បីត្រៀមលក្ខណៈ ក្នុងការរំដោះទឹកភ្លៀងនៅក្នុងរដូវវស្សាខាងមុខនេះ។
នេះបើតាមការបង្ហាញអោយដឹងក្នុងកិច្ចប្រជុំអំពីលទ្ធផលក្នុងការស្តារលូ ក្នុងខណ្ឌទាំងបួន នៅសាលារាជធានីភ្នំពេញ ក្រោមអធិបតីភាពលោកឃួង ស្រេង អភិបាលរាជធានីភ្នំពេញកាលពីរសៀលថ្ងៃទី២៩មករាឆ្នាំ២០១៨នេះ។
លោក ម៉េត មាសភក្តី អ្នកនាំពាក្យរដ្ឋបាលរាជធានីភ្នំពេញ បានអោយដឹងក្រោយកិច្ចប្រជុំនេះថា យុទ្ធនាការស្តារលូ លាងលូ ក្នុងខណ្ឌទាំងបួន ជាលទ្ធផលរយះពេលបីសប្តាហ៍កន្លងមកនេះ ពោលគឺរាប់ចាប់ថ្ងៃទី១៨ ខែមករាមកដល់ពេលនេះ ទាំងមន្ទីរសាធារណការ ក៏ដូចជាខណ្ឌទាំងបួន ដូចជាខណ្ឌ ដូនពេញ ចំការមន ទួលគោក ធ្វើការរួមគ្នាស្តារលូសំរេចបានលទ្ធផល ចំនួន៥៧គីឡូម៉ែត្រស្មើនឹង១៤%នៃចំនួននៃប្រវែងលូដែលត្រូវស្តារសរុបក្នុងផែនការរួម៤១៨គីឡូម៉ែត្រ ។
លោក ម៉េត មាសភក្តី បានគូសបញ្ជាក់ផងដែរថា តួរលេខពីមុនក្នុងការស្តារលូប្រវែងសរុប ៤៦០ម៉ែត្រ ប៉ុន្តែក្រោយពីក្រុមការងារបានចុះពិនិត្រទីតាំងផ្ទាល់ ព្រមទាំងលូមួយចំនួនជាលូថ្មី ដែលពុំមានបញ្ហាតំរូវការ ក្នុងការស្តារនោះទេ បានថយរហូទៅដល់៤០គីឡូម៉ែត្រ ។
លោកបន្ថែមថា ជាផែនការរួមថ្មី យើងកំពុងស្តារលូប្រវែងសរុបជាង៤១៨គីឡូម៉ែត្រ ហើយមកដល់ថ្ងៃទី ២៩ ក្នុងរយះពេលបីសប្តាហ៍នេះ គឺយើងទទួលបាន១៤% ហើយ ចឹងទេយើងនឹងរំពឹងក្នុងការងារនេះ ចប់បានទាន់ពេលវេលាតបតាមផែនការដែលបានគ្រោងទុក ។
ក្នុងឱកាសនោះដែរ លោកអភិបាលបានផ្តាំផ្ញើនឹងជំរុញ អោយមន្ទីរជំនាញ ក៏ដូចជាខណ្ឌ យកចិត្តទុកដាក់ ក្នុងការស្តារលូ អោយហើយ ដើម្បីត្រៀមរំដោះបញ្ហាទឹកលិច ដោយទឹកភ្លៀងក្នុងរដូវវស្សាខាងមុខនេះ ។ ក្រៅពីនេះ លោកអភិបាលរាជធានីបានសំណូមពរអោយមន្ទីរជំនាញពាក់ព័ន្ធ និងខណ្ឌរួមគ្នាបន្តអនុវត្តន៍ការងារនេះ អោយបានជាប់លាប់ និងរួមរាន់គ្រប់គ្នា ។ បន្តពីការងារស្តារលូ និងមានការរៀបចំប្រឡាយ ហើយមន្ទីរសាធារណការបានធ្វើរបាយការណ៍អំពីកិច្ចការប្រឡាយមួយចំនួន រួមមានប្រឡាយ ស្ទឹងមានជ័យ ។ ប្រឡាយស្ទឹងមានជ័យយើងបានស្តារតាំងពីកំឡុងដើមខែធ្នូ ឆ្នាំ ២០១៧ ហើយនឹងស្តារបាន១០០% ដែលយើងរាប់ចាប់ពីស្ពានស្ទឹងមានជ័យ រហូតដល់ស្ថានីយ៍បឹងទំពុន ដែលមានលទ្ធផលក្នុងការស្តានេះ ក្រុមការងារបានស្តារ៥៤០០ម៉ែត្រគីប នៃសំរាមក៏ដូចជាភួក់ សំណល់រឹងផ្សេងៗត្រូវបានចាក់ចូល ឫក៏បោះចូលទៅក្នុងប្រឡាយកន្លងមក។ ចឹងទេការងារប្រឡាយស្ទឹងមានជ័យ ពីកំណត់ក្រោមស្ពាន រហូតទៅដល់ស្ថានីយ៍បូមទឹកបឹងទំពុន គឺបានស្តារ១០០%រួចហើយ ។
ដោយឡែក ប្រឡាយមួយទៀត គឺប្រឡាយផ្លូវរថភ្លើង ដែលការងារស្តារនោះ គឺដើម្បីរំដោះ ទឹកលិចលង់ក្នុងសាលាក្តីខ្មែរក្រហម គឺយើងចាប់ផ្តើមស្តារ៤០០ម៉ែត្រ នឹងកំពុងជំរុញធ្វើយ៉ាងណា អោយការងារស្តារនេះបានលឿន និងល្អប្រសើរ ដើម្បីជំលៀសដោះស្រាយបញ្ហាក្នុងការលិចលង់ទឹកនេះ ក្នុងសាលាក្តីខ្មែរក្រហម។
ពាក់ព័ន្ធនឹងបញ្ហាទឹក និងលូ ប្រឡាយលោកឃួង ស្រេងបានធ្វើការអំពាវ សូមអោយបងប្អូនប្រជាពលរដ្ឋចូលរួម នឹងបញ្ឍប់ទំលាប់ក្នុងកាបោះសំរាម ឫកាកសំណល់រឹងផ្សេងៗ ចូលក្នុងប្រឡាយ ។
លោកស្នើអោយឈប់ជាបន្ទាន់ ហើយចូលរួមសហការគ្នាជាមួយអាជ្ញាធរ និងសម្ថកិច្ច ព្រមទាំងមន្ទីរជំនាញពាក់ព័ន្ធ សំដៅធ្វើយ៉ាងអោយរាជធានីយើងកាត់បន្ថយ បញ្ហាការលិចលង់ដោយជំនន់ទឹកភ្លៀង៕
