ខេត្តក្រចេះ៖ ក្រោយពីមានការរុករកឃើញគំនរឈើ ហ៊ុបមូល និងឈើអារឡាំងជ្រុង ប្រភេទឈើសុក្រម និងឈើគគីជាច្រើនពាន់ដើមនៅក្នុងព្រៃក្រុមហ៊ុនវិនិយៅព្រៃសម្បទាន របស់ចិន នៅព្រឹកថ្ងៃទី១៩ មករា នាយឧត្តសេនីយ៍ សៅ សុខា អគ្គមេបញ្ជាររងនៃកងយុទ្ឋ ពលខេមរភូមិន្ទ មេបញ្ជាការរកងរាជអាវុធហត្ថលើផ្ទៃប្រទេស និងជាប្រធានគណៈកម្មការ ជាតិដើម្បីទប់ស្កាត់និងបង្ក្រាបបទល្មើសព្រៃឈើ បានដឹកនាំក្រុមការងារចុះទៅពិនិត្យ មើល លើនិតិវិធីរបស់ក្រុមមន្ត្រីដល់ទីតាំងក្រុមហ៊ុន។
ប្រតិបត្តិការក្តៅលើការបង្ក្រាបបទល្មើសព្រៃឈើ ក្នុងបរិវេណក្រុមហ៊ុនវិនិយោគនេះ គឺបានធ្វើឡើងជាយុទ្ឋនាការក្តៅគគុកមួយ ក្រោយបទបញ្ជាររបស់ប្រមុខរាជរដ្ឋាភិបាល ដោយកម្លាំងអាវុធហត្ថខេត្តក្រចេះចំនួនជាង៤០រូប ក្រោមការដឹកនាំរបស់លោកឧត្តម សេនីយ៍ត្រីសាន្ត ប៊ុនថា មេបញ្ជារខេត្តក្រចេះ បានចុះស្រាវជ្រាវរុករកឃើញគំនរឈើ សុក្រមនិងឈើគគីធំៗចំនួនរាប់ពាន់ដើម ដែលស្តុកនៅក្នុងនិងក្រៅបរិវេណក្រុមហ៊ុនវិនិយោគព្រៃសម្ប ទានរបស់ចិនឈ្មោះ ឆាយណា ឌីណាម៉ិក Chan Dynamic) នៅចំនុចអូរ គគី ក្នុងឃុំរលួស និងឃុំស្រែជិះ ស្រុកសំបូរ។
ក្នុងសកម្មភាពនៃការចុះពិនិត្យផ្ទាល់ដល់កន្លែងទីតាំងក្រុមហ៊ុន បន្ទាប់ពីមានការរុករក ឃើញមានស្តុកឈើរាប់ពាន់ដើម ដោយសង្ស័យថាជាឈើខុសច្បាប់ផងដែរនោះ នាយ ឧត្តមសេនីយ៍ សៅ សុខា អគ្គមេបញ្ជាររងនៃកងយុទ្ឋពលខេមរភូមិន្ទមេបញ្ជាការរកងរាជ អាវុធហត្ថលើផ្ទៃប្រទេស និងជាប្រធានគណៈកម្មការជាតិដើម្បីទប់ស្កាត់និងបង្ក្រាបបទ ល្មើសព្រៃឈើ បានមានប្រសាសន៍ដាក់បទបញ្ជារយ៉ាងម៉ឺងមាត់ដល់មន្ត្រីដែលកំពុងតែ អនុវត្តនិតីវិធី ត្រូវយាមកាមការពារសន្តិសុខឲ្យតឹងរឹង មិនឲ្យមានការចល័តឈើចេញ ។ ហើយវិធានការបន្តលោកនាយឧត្តមសេនីយ៍ បានជម្រុញឲ្យអាជ្ញាធរ សហការជាមួយ ពលរដ្ឋនិងមហាជននានា ដើម្បីប្រមូលផ្តុំយកព័ត៌មានស្រាវជ្រាវរកប្រភពឈើមួយចំនួន ទៀតតាមបណ្តារព្រៃនិងក្រុមហ៊ុននានា និងរកប្រភពឈើខុសច្បាប់ ដើម្បីមានវិធានការ ។
បើទោះបីជាមានការលើកឡើងថា ឈើអារ និងឈើហ៊ុបមូលទាំងនេះ គឺមានច្បាប់ និងបានធ្វើការអារកាត់ចេញ ពីដីព្រៃសម្បទានសេដ្ឋកិច្ចយ៉ាងណាក៏ដោយ ក៏លោកនាយ ឧត្តមសេនីយ៍ បានបញ្ជារឲ្យមន្ត្រីជំនាញវាស់វែងលើចំនួនឈើទាំងនេះ ដើម្បីផ្ទៀងផ្ទាត់ទៅ និងច្បាប់ និងបន្តពិនិត្យទីតាំងប្រភពដែលបានកាត់អារ។
ក្រុមមន្ត្រីបានបញ្ជាក់ថា ក្រោយពីសកម្មភាពចុះពិនិត្យមើលទីតាំងគំនរឈើដែលមាន ការប៉ាន់ប្រមាណថា មិនតិចជាង៣ពាន់ដើម នៅព្រឹកថ្ងៃដដែលនាយឧត្តសេនីយ៍ សៅ សុខា អគ្គមេបញ្ជាររងនៃកងយុទ្ឋពលខេមរភូមិន្ទ មេបញ្ជាការរកងរាជអាវុធហត្ថលើផ្ទៃ ប្រទេសនិងជាប្រធានគណៈកម្មការ ជាតិដើម្បីទប់ស្កាត់និងបង្ក្រាបបទល្មើសព្រៃឈើ បានបន្តដឹកនាំក្រុមការងារគណៈកម្មការ ចុះពិនិត្យមើលទីតាំង ក្រុមហ៊ុនវិនិយោគ ព្រៃសម្បទានចិន ឈ្មោះ តុង មិន មានទីតាំងនៅភូមិស្រែត្រែង ឃុំក្បាល ដំរី ស្រុកសំបូរ។ តែលទ្ឋផលនៅមិនទាន់ដឹងថា យ៉ាងណានៅឡើយទេ។
ក្រុមហ៊ុនវិនិយោគព្រៃសម្បទានតុងមិន ដែលមានច្បាប់វិនិយោគដីព្រៃរាប់ម៉ឺនហិកតា ក្នុងភូមិសាស្ត្រន៍ទឹកដីខេត្តក្រចេះ និងខេត្តមណ្ឌលគិរី កន្លងមកក៏ធ្លាប់មានរឿងចម្រូង ចម្រាស់ជាច្រើនពាក់ព័ន្ឋការនាំឈើចូលរបស់ឈ្មួញ ក្រោមរូបភាពបន្លំថា ជាឈើមាន ច្បាប់៕
កិៈ ខន