កំពង់ឆ្នាំង៖ ព្រះសង្ឃ អាចារ្យគណៈកម្មការនិងពុទ្ធបរិស័ទ្ធចំណុះជើងវត្តអារញ្ញរង្សី(ហៅវត្តព្រែករាំង)ស្ថិតក្នុងភូមិព្រែករាំង ឃុំទឹកហូត ស្រុករលាប្អៀរសំណូមពរសុំមន្ត្រីសង្ឃខេត្ត មន្ទីរធម្មការនិងឯកឧត្តមអភិបាលខេត្តកំពង់ឆ្នាំងអន្តរាគមន៍ជួយដោះស្រាយករណីជាងសាងសង់ព្រះវិហាររវត្តព្រែករាំង បានអុកឡុក ទារលុយពីព្រះសង្សនិងគណៈកម្មការវត្តដោយមិនព្រមសាងសង់បន្តនិង មិនគោយរពកិច្ចសន្យា មិនតែប៉ុណ្ណោះថែមទាំងប្រមាថមើលងាយព្រះសង្ឃថែមទៀតផង ។
ព្រះគ្រូចៅអធិការវត្តព្រែករាំងព្រះនាម មានសង្ឃដិការៀបរាប់អោយដឹងថា៖ការសាងសង់វត្តព្រែករាំងនេះមានរយៈពេលជាង២ឆ្នាំមកហើយ គឺទើបតែដំណើការបានប្រមាណ១០%ប៉ុណ្ណោះ ផ្ទុយទៅនឹងកិច្ចសន្យាថាអោយរួចរាល់ជាស្ថាពរនៅឆ្នាំ២០១៧។ ឥឡូវមកដល់ឆ្នាំ២០១៨ហើយជាងទើបតែធ្វើបានប្រមាណ១០%ប៉ុណ្ណោះ។ មិនត្រឹមតែប៉ុណ្ណោះកំពូលព្រះវិហ៊ាគឺជាងបានធ្វើខុសស្តង់ដាទៀតផង។ទោះអោយជាងធ្វើការកែតម្រូវឡើងវិញក៏មិនព្រមកែហើយជាងចេះតែមកអុកឡុកទារលុយពីព្រះសង្ឃរហូតដោយមិនគោរពតាមកិច្ចសន្យាបានកណត់ថា៖នៅពេលសាងសង់បាន៥០%ទើបអាចបើកលុយបានមួយចំនួន ។ ប៉ុន្តែជាងសាងសង់វិហ៊ារនេះមិនគោរតាមកិច្ចសន្យា ហើយបច្ចុប្បន្នបានផ្អាកការសាងសង់ហើយ ដែលជាហេតុធ្វើអោយការសាងសង់នៅទ្រឹងមួយកន្លែង លែងដំណើរការ។
ចំណែកជាងម៉ៅការសង់ព្រះវិហារវិញមិនធ្វើបន្តហើយបានប្តឹងព្រះសង្ឃទៅតុលាការទៀតផងដោយគេអះអាងថា៖គេមានខ្សែមានខ្នងរបស់គេជាអ្នកធំ?។ ពុទ្ធបរិសទ្ធ័ថា៖ករណីនេះបើមិនមានការជួយអន្តរាគមន៍ដោះស្រាយពីថ្នាក់លើទេនោះការសាងសង់ព្រះវិហ៊ារវត្តព្រែករាំងនេះមិនអាចដំណើរការ តទៅទៀតបានឡើយ។
នៅថ្ងៃទី២៦មករា២០១៨នេះមានការប្រជុំដោះស្រាយករណីទំនាស់រវៀងជាងសាសង់វិហារខាងលើនេះហើយ ប៉ុន្តែមិនដឹងថាបានលទ្ធផលយ៉ាងណានោះទេ ៕
