ខេត្តបន្ទាយមានជ័យ ៖ លោកវរៈសេនីយ៍ឯក អ៊ុក សុផាតអធិការនគរបាលស្រុកថ្មពួក ជាមន្ត្រីនគរបាលដែលមានរឿងអាស្រូវជាបន្តបន្ទាប់ ប៉ុន្តែគេឆ្ងល់ថាហេតុអីបានជាលោកអធិការចេះតែសុខសប្បាយលើគំនរទុក្ខគេបានរហូតចឹង?។ ជាក់ស្តែងថ្មីៗកន្លងមកនេះប្រជាពលរដ្ឋម្នាកត្រូវបានលោកអធិការវាយហើមមុខបែកចិញ្ចើមដេរជាច្រើថ្នេរហើយអត់ហ៊ានប្តឹងទៀតព្រោះខ្លាច? ។ ករណីយ៍នេះបើតាមប្រជាពលរដ្ឋរស់នៅ ម្ដុំផ្សារថ្មពួក និងផ្សារថ្មី បានឱ្យ ដឹងថា៖ កាលពីយប់ថ្ងៃទី១៨មករាឆ្នាំ២០១៨នៅក្នុងពីធីជប់លាងកាត់ចំណងដៃផ្ទះប្រជាពលរដ្ឋនៅមុខផ្សារគំរូ ហៅផ្សារ (ថ្មី) ស្ថិតនៅក្នុង ភូមិឃុំគំរូស្រុកថ្មពួក ម្ចាស់កម្មពិធីក៏បានអញ្ជើញ ក្រុមប៉ូលីសស្រុកអោយ ទៅជួយ យាមការពារ ហើយបានផឹកស៊ីក្នុងកម្មពិធីផងដែរ។ ខណៈពេលកម្មពិធីកំពុងតែសប្បាយរីករាយ ពេលនោះ គេឃើញ ស្ត្រីម្ចាស់កម្មពិធីរងរបួស បែកក្បាល ។
ពេលនោះ យុវជន ឈ្មោះ សិទ្ធ រ៉េតអាយុ២៦ឆ្នាំ ត្រូវជាក្មួយ រស់នៅខេត្តសៀមរាប ដែលមកចូលរួមក្នុងកម្មពិធី បានសួរទៅស្ត្រី ម្ចាស់កម្មពិធីថា៖ មីង កើតអីបានមានហូឈាម? ។ស្ត្រីជាម្ចាស់កម្មវិធីនោះបានប្រាប់ថា មានគេគប់ត្រូវតែមិនដឹងមុខនោះទេ កុំខ្វល់ផឹកស៊ីបន្តទៀតទៅ ។ខណៈពេលនោះយុវជន ឈ្មោះ សិទ្ធ រ៉េត ស្រែកខ្លាំងថា អាណាគប់មីងអញ កុំអោយអញឃើញ ហើយក៏បានចប់ទៅ។ មួយសន្ទុះក្រោយមក បុរស ឈ្មោះ សិទ្ធ រ៉េត ក៏បានទៅរកស្រាបៀរមកផឹក តែពេលដល់ ចូលទៅបានមួយភ្លែត គេបានឃើញ លោក អធិការ ដឹកនាំកូនចៅ ចូលទៅសួរថា ហ្អែងមករករឿង កូនកំលោះ មែន? ពេលនោះ បុរសឈ្មោះ សិទ្ធ រ៉េត បានប្រាប់ថា អត់ទេ ខ្ញុំបងប្អូនខាងកូនកំលោះទេ។
បើតាមអ្នកឃើញហេតុការនិយាយថា៖ លោក អធិការរបៀបស្រវឹងនៅតែសួរ ដដែល ៗ ហើយក៏បានទះកំផ្លៀងទៅជនរងគ្រោះ ចំនួន ពីរដៃ និងបញ្ជារកូនចៅ ឱ្យចាប់គ្រៀកជនរងគ្រោះ មកវៃជនបណ្ដាលឱ្យរងរបួស បែក ជញ្ជើម ដេរចំនួន ៦ ថ្នេរ ដែលគេសង្ស័យថា វៃនិង អាយកូម(វិទ្យុទាក់ទង) ។
នៅព្រឹកឡើងថ្ងៃទី ១៩ ខែមករា ឆ្នាំ២០១៨ ជនរងគ្រោះបានទៅសួរ កូនចៅលោក អធិការ ថាហេតុអីបានចាប់គ្រៀកហើយ វៃខ្ញុំ ពេលនោះ កូនចៅ លោកអធិការបានប្រាប់ថា ខ្ញុំអត់ដឹងអីទេ ខ្ញុំធ្វើតាមបញ្ជារ របស់មេខ្ញុំទេ ។ ក្រោយពីមានរឿង វ៉ៃប្រជាពលរដ្ឋ អ្វីហួសចិត្តនោះគឺលោកវរៈសេនីយ៍ឯកអ៊ុក សុផាត បានគម្រាមដល់ ជនរងគ្រោះពិសេសម្ចាស់កម្មវិធីនិងប្រជាពលរដ្ឋដែលឃើញហេតុការណ៍មិនឱ្យ និយាយឬធ្វើជាសាក្សីប្តឹងអ្វីឡើយ?។
បើតាមប្រភពពីបងប្អូនរបស់ជនរងគ្រោះបានអោយដឹងថា ក្រោយពីមានរឿងរួចមក នៅថ្ងៃទី ២៤ ខែមករា ឆ្នាំ២០១៨ មើលទៅដឹងថាអាចមានរឿងធំ ក៏ លោកវរៈសេនីយ៍ឯក អ៊ុក សុផាតអធិការនគរបាលស្រុកថ្មពួក បាន យកលិខិត មកអោយមីងរបស់ជនរងគ្រោះ ផ្ដិតមេដៃ ។ប៉ុន្តែដោយសារ ការសរសេរ ក្នុងលិខិត មានការបំភ្លើសពីការពិត ខ្លាំងពេក ដោយចោទថាក្មួយរបស់គាត់ បានដើរអុកឡុក ក្នុងរោងជប់លាង កាត់ចំណងដៃ ទាំងក្មួយរបស់គាត់មិនបានធ្វើដូចការចោតប្រកាន់របស់លោកអធិការ ពេលមីងរបស់ជនរងគ្រោះសុំថតលិខិត នោះតែលោក អធិការមិនព្រមអោយថតទេ គឺយកទៅវិញបាត់ ។ បន្ទាប់មក បានអោយកូនចៅ យកលិខិត មក១ច្បាប់ទៀត ដើម្បី សុំធ្វើការបដិសេធ មិនប្ដឹងផ្ដល់ និងសូមបញ្ចាប់រឿងហេតុពាក់ព័ន្ធ នឹងហឹង្សា នៅយប់ថ្ងៃទី ១៨ ខែមករា ឆ្នាំ២០១៨ ។
ប្រជាពលរដ្ឋ នៅម្ដុំ ផ្សារថ្មពួកពួកគាត់មានការមិនពេញចិត្តចំពោះទង្វើរបស់លោក អធិការនោះទេ តែមិនហ៊ានប្តឹងផ្តល់ព្រោះខ្លាច។
តែពួកគាត់បាននិយាយសុំឲ្យ លោកឧត្តមសេនីយ៍ទោ អាត់ ខែម ស្នងការនគរបាលខេត្តបន្ទាយមានជ័យ ពិសេសអគ្គស្នងការនគរបាលជាតិលោកនាយឧត្តមសេនីយ៍នេតសាវឿន. គួរមើលកូនចៅផងទាន .។ ជាពិសេស លោកមាស ច័ន្ទពិសិទ្ធ ព្រះរាជអាជ្ញាអមសាលាដំបូង ខេត្តបន្ទាយមានជ័យ គួរមានចំណាត់ការយ៉ាងណា ចំពោះ លោក វរៈសេនីយ៍ឯក អ៊ុក សុផាតអធិការនគរបាលស្រុកថ្មពួក ដែលបានប្រើអំពើរហឹង្សា ទៅប្រជាពលរដ្ឋ ទាំងខ្លួនស្រវឹងបែបនេះ កុំចាំតែមានបណ្តឹងបានធ្វើការនោះ។
សូមបញ្ជាក់ផងដែរ ថាកន្លងមក កាលពី ថ្ងៃទី២៦ ខែមករាឆ្នាំ ២០១៧ វេលាម៉ោងប្រហែល១៨:៣០នាទីយប់ លោក អ៊ុក សុផាត អធិការនគរបាលស្រុកថ្មពួក ដែលគេជឿជាក់ថាស្រវឹង បានបើករថយន្តរបស់ខ្លួនម៉ាកត្រៃតុន ពណ៌ខ្មៅស៊េរីឆ្នាំ២០១២ ចង្កូតស្តាំ គ្មានស្លាកលេខ ទៅបុកជាមួយគោយន្តកន្ត្រៃដឹកដំឡូង ដែលបើកបរក្នុងទិសដៅ ស្របគ្នាបណ្តាលអោយអ្នកបើកបរគោយន្តនោះ រងរបួសបាក់ភ្លៅខាងឆ្វេងនិងរងរបួសយ៉ាងធ្ងន់ធ្ង នៅលើកំណាត់ផ្លូវជាតិ លេខ៥៦ នៅចំណុច មុខសាលាអនុវិទ្យាហ៊ុនសែន តាបែន ស្ថិតនៅក្នុងភូមិគោករការ ឃុំតាបែន ស្រុកស្វាយចេក ខេត្តបន្ទាយមានជ័យផងដែរ ។
ជនរងគ្រោះជាអ្នកបើកគោយន្ត មានឈ្មោះ ឈុំ ដៀង ភេទប្រុសអាយុ៤២ឆ្នាំមាន រួមដំណើរពីនាក់ មានទីលំនៅជាមួយគ្នា ភូមិអូវែងត្បូង ឃុំតាបែន ស្រុកស្វាយចេក បានរងរបួសបាក់ភ្លៅឆ្វេងហើយបានបញ្ជូនមកព្យាបាលនៅមន្ទីរសំរាកព្យាបាលទេវិន្ទរក្សាសុខ។ករណីយ៍បើកឡានអត់ស្លាកលេខបុកប្រជាពលរដ្ឋននេះក៏ស្ងាត់ឈឹងដែរ!? ៕
