ភ្នំពេញ ៖ សម្តេច ពិជយ័សេនា ទៀ បាញ់ ឧបនាយករដ្ឋមន្ត្រី រដ្ឋមន្ត្រីក្រសួងការពារជាតិ នៅថ្ងៃទី២៥ ខែមករា ឆ្នាំ២០១៨ បាន បញ្ជាឲ្យចាប់រថយន្តពាក់ស្លាក់លេខ ខ.ម ឬ ន.ប ដែលអត់បង់ពន្ធចូលរដ្ឋ។ ព្រោះកន្លងមកមានអ្នកសុំស្លាកលេខ ដោយមិនចាំបាច់បង់ពន្ធ?!។ថ្លែងក្នុងសិក្ខាសាលាការងារបច្ចេកទេសទូទាំងកងយោធពលខេមរភូមិន្ទរយៈពេល៥ឆ្នាំ និងលើកទិសដៅ ការងារ រយៈពេល៥ឆ្នាំ២០១៨-២០២៣ សម្តេច ទៀ បាញ់ បានមានប្រសាសន៍បញ្ជាក់ថា“មានអ្នកមកសុំលេខដោយមិនបានបង់ពន្ធ គឺអត់បានទេ ។ ចាប់ភ្លាមអារឿងអត់ពន្ធហ្នឹង កងរាជអាវុធហត្ថចាំឲ្យច្បាស់តែម្តង ឲ្យតែពាក់ស្លាក់លេខអត់ច្បាប់? មិនចាំបាច់និយាយគ្នាទេ។ ឲ្យតែខុសច្បាប់មិនថា ខ.ម ឬ ន.ប ទេ ចាប់យក ទាំងអស់ហ្នឹង ដើម្បីតម្រង់ទិសតាមផ្លូវច្បាប់”។សម្តេច ទៀ បាញ់ថា កន្លងមក មានអ្នកខ្លះគ្មានតួនាទីអ្វីនៅក្នុងកងរាជអាវុធហត្ថទេ ប៉ុន្តែរថយន្ត បានស្លាក លេខ ខ.ម។
ករណីយ៍នេះ មន្ត្រីជំនាញបានលើកឡើងថា៖ប្រសាសន៍ល្អតែដើម្បីឲ្យកាន់តែល្អនិងមានមូលដ្ឋានអនុវត្តន៍ក្រសួងការពាលជាតិឬអន្តរក្រសួងការពារជាតិមហាផ្ទៃសហការគ្នាចេញប្រកាសឬសារាចរមួយទៅបានមានប្រសិទ្ធីភាពមិនមែនគ្រាន់តែនិយាយមាត់ទទេនោះទេ ។ ព្រោះកន្លងមកកាលពីឆ្នាំ២០១៦តាមសំណើរអគ្គស្នងការនគរបាលជាតិរាជរដ្ឋាភិបាលបានចេញអនុក្រឹត្យឲ្យនគរបាលប្រើប្រាសរដ្ឋយន្តស៊សេរីខ្ពស់៤៧០គ្រឿងប្រើប្រាស់ស្លាកលេខន.បដោយមិនបាច់បង់ពន្ទនាំចូល ៕
