រាជធានីភ្នំពេញ ៖ ថ្លែងឲ្យដឹងនៅក្នុងកិច្ចសម្ភាសន៍ជាមួយអ្នកសារព័ត៌មានកាលពីព្រឹកម្សិលមិញនេះ លោក អ៊ិត សំហេង រដ្ឋមន្ត្រីក្រសូងការងារ និងបណ្តុះបណ្តាល វិជ្ជាជីវៈ បានបញ្ជាក់ថា រាជរដ្ឋាភិបាលគ្រោងនឹងបញ្ជូនពលករកម្ពុជាទៅបំរើការងារនៅម៉ាឡេស៊ីឡើងវិញ នៅដើមខែមិថុនា ឆ្នាំ២០១៨ នេះ បន្ទាប់ពីមានការអាក់ខានមួយរយៈ ។
លោក អ៊ិត សំហេង បានថ្លែងថា ចាប់តាំងពីឆ្នាំ២០១៥ មក រដ្ឋាភិបាលកម្ពុជា និងម៉ាឡេស៊ី បានចុះកិច្ច ព្រមព្រៀងក្នុងការបញ្ជូន និងទទួលពលករកម្ពុជា ទៅធ្វើការនៅប្រទេសម៉ាឡេស៊ី ។ រហូតមកដល់ពេល ក្រសួងការងារទាំងពីរ បានជួបពិភាក្សាគ្នាជាច្រើនលើកមក ដើម្បីជជែកគ្នាពីនីតិវិធីក្នុងការជ្រើសរើស និងបញ្ជូនពលករដោយសុវត្ថិភាព ។ លោកថា ភាគីទាំងពីរបានឯកភាពគ្នា នឹងបញ្ជូនពលករ ដែ លជាក្រុមទី១ នឹងត្រូវបញ្ជូននៅក្នុងថ្ងៃទី១ ខែមិថុនាខាងមុខនេះ ៕