ភ្នំពេញ ៖ មេធាវី អ៊ិត ពិសិដ្ឋរង្សី ដែលត្រូវបានឃុំខ្លួនថ្ងៃទី២០ធ្នូករណិយ៍បាញ់គេរបួស ឥឡូវនេះ ត្រូវបានសភាស៊ើបសួរសាលាឧទ្ធរណ៍ ដោះលែងឱ្យនៅក្រៅឃុំបណ្តោះអាសន្នហើយ។បើតាមប្រភពពីតុលាការនៅថ្ងៃទី១៨ ខែមករា នេះ។មេធាវី អ៊ិត ពិសិដ្ឋរង្សី ត្រូវបានចៅក្រមស៊ើបសួរសាលាដំបូងរាជធានីភ្នំពេញ បដិសេធការសុំនៅក្រៅឃុំបណ្តោះអាសន្ន រួចបានប្តឹង
បន្តទៅសភាស៊ើបសួរសាលាឧទ្ធរណ៍ ទើបត្រូវបាន ដោះលែងឱ្យនៅក្រៅតែម្ដង។ មេធាវី អ៊ិត ពិសិដ្ឋរង្ស៊ីដែលត្រូវឃុំនៅនគរបាលប៉េហ្ស៊ីក្រុងភ្នំពេញនឹងអាចរួចខ្លួននាសៀលថ្ងៃទី១៨មករាឆ្នាំ២០១៨នេះ។
សូមបញ្ជាក់ថា កាលពីវេលម៉ោង១០៖៣០នាទីយប់ថ្ងៃទី១៨ ខែធ្នូ ឆ្នាំ២០១៧ មេធាវី អ៊ិត ពិសិដ្ឋរង្សី អាយុ៣៥ឆ្នាំ ស្នាក់នៅផ្ទះលេខ៥៨៣ ផ្លូវលេខ១០១៩ សង្កាត់ភ្នំពេញថ្មី ខណ្ឌសែនសុខ បានបាញ់បោះចំនួន២គ្រាប់ នៅក្បែរភូមិគ្រឹះអគ្គស្នងការនគរបាលជាតិ នាយឧត្តមសេនីយ៍ នេត សាវឿន ស្ថិតនៅតាមផ្លូវលេខ២១១ កែងផ្លូវលេខ២១៧ ក្នុងសង្កាត់វាលវល់ ខណ្ឌ៧មករា។
ជនសង្ស័យបានជីះឡានឡិចស៊ិស៤៧០ចេញពីហូបការ រួចជិះរថយន្តរបស់ខ្លួនម៉ាក Lexus 470 ពណ៌ស ពាក់ស្លាកលេខ ភ្នំពេញ 2AP-8254 តែម្នាក់ឯង មកផឹកបន្តជាមួយមិត្តភក្តិ នៅចំណុចកើតហេតុ ផ្លូវលេខ២១១ កែងផ្លូវ២១៧ សង្កាត់វាលវង់ ខណ្ឌ៧មករាបន្ត។ ពេលកំពុងផឹកស៊ីនោះ ស្រាប់តែពួកគេមានជម្លោះជាមួយគ្នា ហើយជនសង្ស័យបានទៅយកកាំភ្លើងនៅក្នុងរថយន្ត មកបាញ់ជនរងគ្រោះឈ្មោះ លី តុលា អាយុ២២ឆ្នាំ បណ្តាលឲ្យរងរបួសជើង និងបាញ់ឡើងលើមួយគ្រាប់។
បន្ទាប់មកជនសង្ស័យក៏បានយកកាំភ្លើង ទៅភ្ជង់ក្បាលជនរងគ្រោះម្នាក់ឈ្មោះ ខុនទៀត ។មេធាវីរូបនេះត្រូវការប្រពន្ធផងចឹងប្រហែលតុលាការជួយសម្រួលឲ្យបានឡើងឋានសួគ៍ហើយ!!។គេមិនដឹងថាតើមេធាវីរូបនេះមានតំកល់លុយប៉ុន្មាននិងចាយប៉ុន្មានដើម្បីបាននៅក្រៅឃុំនោះទេ?៕
