ប្រទេសថៃ ៖ ថ្ងៃពុធទី១៧ ខែមករា ឆ្នាំ២០១៨លោកអភិបាល ខេត្តសាមុតសាខន ប្រទេសថៃ ដឹកនាំកម្លាំងអាជ្ញាធរមូលដ្ឋាននិងតម្រួត(តម៉) ចុះត្រួតពិនិត្យនិងបង្ក្រាបបញ្ហាពលករបរទេសធ្វេីការលក់ដូរនៅក្នុងផ្សារខ្លងគ្រុរនិងផ្សាររោងម៉ៃ ស្ថិតនៅក្នុងភូមិ៧ ឃុំថាសាយ ស្រុកមឿង ខេត្តសាមុតសាខន ។កាលពីថ្ងៃ្ទី១៦មករាអាជ្ញាធរតម្រួតក្រុងប៉ាតាយាស្រុកបាងឡាម៉ុងខេត្តឈុនបុរី ប្រទេសថៃក៏បាន ចុះធ្វើការបង្ក្រាបក្រុមជនអន្តោប្រវេសន៍ស្នាក់ខុសច្បាប់និងពលករបរទេសដែលឆ្លងដែនមកប្រកបមុខរបស៊ីលក់ដូរនៅឆ្នេរសមុទ្រ ក្រុងប៉ាតាយ៉ា ។កម្លាំងអាជ្ញាធរក្រុងប៉ាតាយាឃាត់ខ្លួនបានចំនួន០៩នាក់រួចមកហើយ។
លោកអាដុល សែងសិងកែវ រដ្ឋមន្ត្រីក្រសួងការងារថៃ បានដាក់បញ្ជាអោយមន្ត្រីក្រសួងការងារថ្នាក់ក្រោម ចុះចាត់វិធានការយ៉ាងដាច់ខាតចំពោះ ថៅកែថៃ ដែលធ្វើឯកសារអោយពលករបរទេសអស់ទាំងនោះ ដែល មកប្រកបមុខ របររកស៊ី ដោយខុសពីច្បាប់អនុញ្ញាតដែលស្នើសុំ ព្រមទាំងស្នើអោយកម្លាំងសម្ថកិច្ចតាមស្រាវជ្រាវ ចាប់ខ្លួនម្ចាស់ផ្ទះដែលផ្ដល់កន្លែងស្នាក់នៅដល់ពលករខុសច្បាប់អស់ទាំងនោះផងដែរ។ ដើម្បីយកមកផ្តន្ទាទោសតាមច្បាប់ ដោយសារតែរឿងនេះធ្វើអោយប៉ះពាលដល់អាជីពរបស់ប្រជាពលរដ្ឋថៃ ហើយត្រូវព្រះរាជក្រឹត្យហាមឃាត់មិនអោយពលករធ្វើផងដែរ។
យោងតាមប្រភពព័ត៌មានបានឲ្យដឹងថាកម្លាំងអាជ្ញាធរថៃកំពុងបើកកិច្ចព្រឹត្តិការណ៍បង្ក្រាបពលករខ្មែរ,ភូមា,ឡាវ, ឥណ្ឌា និងជនជាតិផ្សេងទៀតដែលកំពុងប្រកបមុខរកស៊ីនៅក្នុងប្រទេសថៃ បន្ទាប់ពីអាជ្ញាធរថៃ ប្រកាសប្រយុទ្ធប្រឆាំងអំពើជួញដូរមនុស្សនិងបញ្ហាពលករចំណាកខុសច្បាប់ ដែលកំពុងចូលមកដណ្ដើមមុខរបររកស៊ីរបស់ពលរដ្ឋថៃ។
សូមបញ្ជាក់ថាអាជ្ញាធរយោធាថៃបានប្រកាសឲ្យដឹងថាចាប់ពីថ្ងៃទី១មករាឆ្នាំ២០១៨សមត្តកិច្ចថៃនឹងត្រួតពិនិត្យរឹតបន្តឹងបណ្តេញពលករបរទេសដែលធ្វើការនៅតាមហាងលកដូក្នុងប្រទេសថៃ។
កិច្ចប្រជុំរបស់គណៈរដ្ឋមន្ត្រីថៃកាលពីព្រឹកថ្ងៃអង្គារទី១៦ខែមករាឆ្នាំ២០១៨ រាជរដ្ឋាភិបាលថៃបានសម្រេចអនុម័តសំណើរចំនួន៣(ខ)សម្រាប់ក្រសួងការងារថៃរួមមាន៖
១-ពន្យារពេលស្នាក់នៅបន្តដល់ពលករ(លុងបៀនថ្មី)និងប័ត្រស៊ីជម្ពូ អោយបានត្រួតសញ្ជាតិចប់សព្វគ្រប់ដល់ថ្ងៃទី៣១ខែមិថុនាឆ្នាំ២០១៨។
២-បើកអោយពលករមានប័ត្រស៊ីជម្ពូធ្វើការនេសាទនិងផ្នែកការងារសមុទ្រ ដែលមានប័ត្រស៊ីជម្ពូដាច់កាលពីថ្ងៃទី០១ខែ១១ឆ្នាំ២០១៧ អាចទៅត្រួតសញ្ជាតិធ្វើប៉ាស្ព័របាននៅក្នុងការិយាល័យផ្ដល់ភាពស្របច្បាប់ជូនពលករកម្ពុជាក្នុងប្រទេសថៃទាំងបីកន្លែងក្នុងប្រទេសថៃ។
៣-បើកសូន្យវ៉ាន់ស្តប់សឺវីស(OSS, OneStopService) គ្រប់ខេត្តក្រុង,ដើម្បីវ៉ៃត្រាវីសារអោយពលករ(លុងបៀនថ្មី) និងវីសាហួស១៥ថ្ងៃ,និងអ្នកមានប័ត្រស៊ីជម្ពូនេសាទដាច់តែវ៉ៃត្រាវីសារអត់បាននាពេលកន្លង។ ដោយក្រសួងការងារថៃនិងសហការជាមួយតម្រួត(តម៉), ពេទ្យ ត្រួតពិនិត្យសុខភាព,ធ្វេីវីសារនិងច្បាប់ការងារនិងក្នុងសូន្យវ៉ាន់ស្តប់សុឺវីតនិងតែម្ដង។
* ដូច្នេះចំពោះពលករដែលបានបញ្ជាក់ទាំងបីក្រុមខាងលើត្រូវត្រៀមខ្លួនដើម្បីត្រួតសញ្ជាតិ,ពិនិត្យសុខភាព,សុំវីសារ,ច្បាប់ការងារ អោយបានត្រឹមត្រូវតាមនយោបាយរបស់រាជរដ្ឋាភិបាលថៃដែលបានបានកំណត់។
បញ្ជាក់÷ចំំពោះពលករអន្តោប្រវេសន៍ខុសច្បាប់ រាជរដ្ឋាភិបាលថៃ មិនបានពន្យារអោយស្នាក់នៅក្នុងប្រទេសថៃទៀតទេ ហើយក៏មិនបើកអោយចុះឈ្មោះធ្វេីថ្មីទៀតដែរ ដូច្នេះពលករខុសច្បាប់គួរតែធ្វើដំណើរវិលត្រឡប់ទៅស្រុកកំណើតរបស់ខ្លួនវិញ ហើយចូលមកធ្វើការក្នុងប្រទេសថៃតាមរយ:ច្បាប់ការងារMOUអោយបានត្រឹមត្រូវ។
