ភ្នំពេញ ៖ អ្នកបើកបររថយន្តកុងតឺន័រម្នាក់រងរបួសដោយសាររងការប្រើហឹង្សាពីមន្ត្រីយោធានិងបក្ខពួកកាលពីវេលាម៉ោង១និង១០នាទី អធ្រាត្រឆ្លងចូលថ្ងៃទី១៦ ខែមករា ឆ្នាំ២០១៨ នៅលើកំណាត់ផ្លូវ២៧១ ត្រង់ចំណុចខាងត្បូងមន្ទីរពេទ្យព្រះកុសុមៈ ឬហៅថា មន្ទីរពេទ្យលោកសង្ឃ ប្រមាណ១០០ម៉ែត្រ ស្ថិតក្នុងទឹកដីសង្កាត់ទឹកល្អក់២ ខណ្ឌទួលគោក រាជធានីភ្នំពេញ។
ប្រភពពីកន្លែងកើលតហេតុបានឲ្យដឹងថា៖ជនបង្កបើកបរកាមរីបាឡែន ក្នុងសភាពស្រវឹងជា យោធាស័ក្ដិ៥ម្នាក់ឈ្មោះខាត់ នីមធ្វើការនៅនាយកដ្ឋានពិសេស នៃគណៈកម្មាធិការជាតិប្រឆាំងអំពើភារវកម្ម និងគូកន ទើបចេញពីផឹកស៊ីនៅខារ៉ាអូខេផងនោះ បានបើករថយន្តកាមរីបាឡែនមួយគ្រឿង វ៉ាជែងរថយន្តកុងតឺន័រមួយគ្រឿងទៀត ប៉ុន្តែដោយវ៉ាមិនបាន ក៏បើករថយន្តទៅកាក់ពីមុខរថយន្តកុងតឺន័រទាំងអាការៈខឹងសម្បារ ហើយស្ទុះយកកាំបិតទៅចាក់ និងដកកាំភ្លើងភ្ជង់អ្នកបើកបររថយន្តកុងតឺន័រ បណ្ដាលឲ្យរបួសខ្នង។
តែ ជនរងគ្រោះបានរួចផុតជីវិត បន្ទាប់ពីសមត្ថកិច្ចអន្តរាគមន៍ជួយទាន់ពេលវេលា ។ បើតាមកាតសម្គាល់ខ្លួននៅក្នុងរថយន្ត ប៉ុន្តែនៅលើឯកសណ្ឋានក្នុងរថយន្តបង្កដដែលនោះ គេក៏មានឃើញអាវមន្ត្រីយោធារបស់ឈ្មោះ ខាត់ នីម បំពាក់ឋានន្តរស័ក្ដិថ្នាក់ វរសេនីយ៍ឯក (ស័ក្ដិ៥) ផងដែរ។
ចំណែកជនរងគ្រោះជាអ្នកបើកបររថយន្តកុងតឺន័រ ត្រូវបានគេស្គាល់ឈ្មោះ ញ៉ាន ឌួច ភេទប្រុស អាយុ២៦ឆ្នាំ មុខរបរបើកបររថយន្តក្រុមហ៊ុន SP ស្នាក់នៅម្ដុំធនាគារជាតិ តាមបណ្ដោយផ្លូវហាណូយ ស្ថិតក្នុងសង្កាត់គោកឃ្លាំង ខណ្ឌសែនសុខ រាជធានីភ្នំពេញ។
