ភ្នំពេញ ៖ ទោះជារស់នៅលើគំនរទ្រព្យមានជីវភាពសមរម្យជាមួយប្តីជនជាតិបរទេសក៏ដោយ អ្នកនាង កែវ ស្រីនាង នៅតែមិនបោះបង់ចោល អាជីពរបស់ខ្លួនជាសិល្បៈព្រោះ ទំរាំតែឈានជើងចូលសិល្បះ ទំរាំតែមានអ្នកស្គាល់អ្នកនាងច្រើន ។ បន្ទាប់ពីសំងំមួយរយៈកែវស្រីនាងបានវិលមកវិញក្នុងឈុតស្រើបស្រាលជាមួយលោកិអែនឌី។បទ “វិលវិញអូន” និងបទ “មនុស្សសំខាន់សម្រាប់ថ្ងៃថ្មី” ដែលច្រៀងដោយតារាចម្រៀងលោកអែនឌី ទាំង២បទនេះ គឺសុទ្ធតែជាការសម្តែងរបស់អ្នកនាងកែវ ស្រីនាង ។ អ្វីដែលគួរឱ្យចាប់អារម្មណ៍នោះ គឺកែវ ស្រីនាង ដែលមានកូនស្រីមា្នក់ជិតក្រមុំទៅហើយនោះ មិនត្រូវបានប្តីជនជាតិអង់គ្លេស ដែលជាអ្នកជំនួញធំនោះ ហាមឃាត់មិនឱ្យអ្នកនាងលេងឈុតស្នេហាស្រើបស្រាល ឱបថើប និងដោះអាវក្រៅចេញអស់ នៅសល់តែអាវក្នុង ថើបប្រលែងគ្នាលេងជាមួយលោកអែនឌី ដោយសេរីទៀតណោះឡើយ។
ផ្ទុយគ្នាស្រឡះពីកែវ ពិសីបងស្រីរបស់នាងដែល តាំងពីភ្ជាប់ស្នេហ៍ជាមួយ លោកលោកនាយឧត្តមសេនីយ៍ឈុំ សុជាតិ អ្នកនាំពាក្យក្រសួងការពារជាតិ នោះមក អតីតតារាសម្តែងល្បីឈ្មោះនេះមិនដែលឃើញមុខតាមកម្មវិធីអ្នកសិល្បៈ និងថតសម្តែងភាពយន្ត ឬខារ៉ាអូខេដូចមុនទៀតឡើយ។
កែវ ស្រីនាង ត្រូវបានចាត់ទុកថាជាតារា មានទ្រព្យមិនចាញ់សេដ្ឋិនីឡើយ ដោយនាងមានហាងរក្សាសម្រស់ និងភូមិគ្រឹះនៅក្រុងសៀមរាប និងខេត្តកែប ទៀតផង ។អ្នកនាងចុះមកថតកុន គឺជិះយន្តហោះទៅមក ដូចនេះ បើយកប្រាក់ចំណូលពីសិល្បៈមកទូទាត់ គឺមិនអាចទៅរួចឡើយ។សូមបញ្ជាក់ថាតារាស្រី ត្រកូលកែវ មានបីនាក់ ជាបងប្អូនគ្នាបង្កើត គឺមានកែវ ពិសី, កែវ ស្រីនាង និងកែវ វរលក្ខណ៍ ។ អ្នកដែលនៅបន្តអាជីពសិល្បៈ គឺមានតែអ្នកនាងកែវ ស្រីនាង ម្នាក់គត់ ដែលយូរម្តងៗ នៅតែលេចមុខតាម MV និងភាពយន្ត បើទោះជាគេដឹងថា ពេលនេះសុខភាពស្រីនាង ហាក់មិនសូវអំណោយផល ក្តី ។
