ទឹកដីនៃអាណាចក្រខណ្ឌដូនពេញ ក្រោមការគ្រប់គ្រងដឹកនាំដោយ លោម សុខ ពេញវុធ ជាអភិបាល នៃគណៈអភិបាលខណ្ឌដូនពេញ ទោះ ជាថ្មី៑ៗនេះលោកចៅហ្វាយខណ្ឌទើបតែទទួលបានពានរង្វាន់ថាជាខណ្ឌគំរូ ឈានមុខគេលើផ្នែកទេសចរណ៍ ទូទាំងរាជធានីយ៉ាងណាក៏ដោយ ក៏សព្វ ថ្ងៃនេះមូលដ្ឋានខណ្ឌដូនពេញនៅតែមានចំណុចអវិជ្ជមាននៅឡើយ នោះ គឺទីតាំងបនល្បែងស៊ីសងលេងតាមប្រពន្ធ័អេឡិចត្រូនិកខុសច្បាប់ ប្រភេទ ហ្គេមបាញ់ត្រីដែលកំពុងពេញនិយមសំរាប់ក្រុមអ្នកញៀនល្បែង ។
ប្រជា រដ្ឋបានរាយការណ៍អោយសារព័ត៌មាន ដំណឹងភ្នំពេញ ដឹងថា សំបុកវង់បន ល្បែងស៊ីសងមានលកហខណៈទ្រង់ទ្រាយធំមួយកន្លែងថិតនៅខាងមុខអតីតមន្ទីរគ្រឿងញៀនចាស់គឺជាទីតាំងហ្គេមបាញ់ត្រីនៅជាប់នឹងហាងឈ្មោះ ពិភពសាច់អាំង 168 BBQ នៅតាមបណ្តោយផ្លូវលេខ១៧២ សង្កាត់ផ្សារថ្មី៣ ខណ្ឌដូនពេញ រាជធានីភ្នំពេញ ។
តាមប្រភពពីអ្នកញៀន ល្បែងជាច្រើននាក់ក៏ដូចជាប្រជាពលរដ្ឋរស់នៅជិតខាងទីតាំងបានចេញ ចូលលេងជាញឹកញាប់បានបញ្ជាក់អោយដឹងថា នៅក្នុងបន្ទប់នៃទីតាំងបន ល្បែងនោះគេដាក់សុទ្ធតែទូហ្គេមបាញ់ត្រីទាំងអស់មានរហូតដល់ទៅចំនួន ៣៧ទូរ ។
ប្រភពបន្តទៀតថា នៅខាងក្នុងទីតាំងនោះគ្មានល្បែងហ្គេម សំរាប់បម្រើអោយលេងល្បែងកំសាន្តសប្បាយនោះទេ គឺភាគច្រើនលេង ល្បែងស៊ីសងប្រភេទហ្គេមបាញ់ត្រីនេះតែម្តង លេងឡើងដុះស្នឹមជាយូរមក ហើយៗគេបើកបម្រើភ្ញៀវអោយចូលលេង២៤ម៉ោងលើ២៤ម៉ោង។
ពាក់ព័ន្ធនឹងសំបុកបនល្បែងស៊ីសងដ៏ធំខាងលើនេះ លោក ជុំ វុទ្ធី ប្រធានមន្ទីរវប្បធម៌ និងវិចិត្រសិល្បៈរាជធានីភ្នំពេញបានអោយដឹងថា ចំពោះទីតាំងនៅតំបន់នោះលោកបានចេញអាជ្ញាប័ណ្ណអនុញ្ញាតិអោយ មែន តែក្នុងកិច្ចសន្យាអោយបើកលេងតែល្បែងណាដែលបម្រើដល់ការ សប្បាយប៉ុណ្ណោះ មិនបានអនុញ្ញាតិបើកអោយលេងល្បែងស៊ីសងនោះ ទេ ។
ជុំវិញករណីបនល្បែងស៊ីសងទូរហ្គេមបាញ់ត្រីរាប់សិបគ្រឿងនៅទីតាំង ខាងលើនេះមតិមហាជន ក៏ដូចជាពលរដ្ឋរស់នៅជិតតំបន់នោះបានសម្តែង នូវការមិពេញចិត្តំពោះសមត្ថកិច្ច និងអាជ្ញាធរខណ្ឌដូនពេញគ្រប់ជាន់ថ្នាក់ ដោយពួកគេរិះគន់ថា មិនបានយកចិត្តទុកដាក់ចំពោះគោលនយោបាយ ភូមិ-ឃុំ មានសុវត្ថិភាព ពិសេសគឺនៅក្នុងនោះមានចំណុចសំខាន់ គឺភូមិ-ឃុំ គ្មានបនល្បែងស៊ីសង ប៉ុន្តែដោយឡែកក្នុងអាណាចក្រខណ្ឌដូនពេញ ចំណុចនេះគឺមិនត្រូវបានអាជ្ញាធរយកមកអនុវត្តអោយមានប្រសិទ្ធភាព ឡើយ ។
បែរជានាំគ្នាយកតួនាទី អំណាចរបស់ខ្លួនលួចលាក់បិទបាំង បនល្បែងស៊ីសងនៅក្នុងមូលដ្ឋានរបស់ខ្លួនដើម្បីលាភសក្ការៈ ។
ពលរដ្ឋសំណូមពរដល់លោក ឃួន ស្រេង ចៅហ្ចាយរាជធានីភ្នំពេញមេត្តា ចុះត្រួតពិនិត្យដោយផ្ទាល់តែម្តងទៅបានឃើញជាក់ស្តែង ។ រាយការណ៍ពី ប្រជាពលរដ្ឋនៅសង្កាត់ផ្សារថ្មីទី៣
សូមបញ្ជាក់ថា ទីតាំងនោះអ្នកកាសែតមិនអាចចុះទៅថតយករូបភាព បានទេ អោយតែហា៑នថតច្បស់ជាត្រូវក្រុមជើងកាងនៅទីនោះរោមព័ទ្ធវៃ់់ គំរាម មិនខាន ព្រោះកន្លងមកមានអ្នកកាសែតម្នាក់ធ្លាប់ត្រូវក្រុមជើងកាង បង្ខំអោយលុបរូបភាពចេញពីកាម៉េរ៉ា ទើបអាចចាកចេញបាន ៕