ចិន ៖ ដើម្បីក្លាយជាសមាជិកជួយសង្គ្រោះ ឬហៅថា Goddess Lifesavers របស់ក្រុមហ៊ុនទេសចរណ៍របស់ប្រទេសចិនមួយឈ្មោះហ្គូឡុងសៀ( Gulongxia Rafting) ក្នុងខេត្តក្វាងទុងបានតម្រូវឲ្យបេក្ខជនដាក់ពាក្យជានារីទាំងអស់ត្រូវស្លៀកឈុតប៊ីគីនី រួចហាត់ជាមួយគ្រូក្បាច់គុនកុងហ្វូ ជាមួយសង្ឃសៅលិញ មុនពេលត្រូវជ្រើសរើសយក។
ប្រភពពីសារពតិមានបរទេសបានឲ្យដឹងថា៖ការហ្វឹកហាត់រយៈពេលមួយសប្ដាហ៍ មានបេក្ខជនចូលរួមជាង ៣០នាក់ ដើម្បីជម្រើសជាអ្នកជួយសង្គ្រោះប្រចាំតំបន់ជិះកម្សាន្ត។ បេក្ខជននីមួយៗ ត្រូវចេះយ៉ាងហោចណាស់ ២ក្បាច់ មុនឈានដល់វគ្គជម្រុះវាយតម្លៃចុងក្រោយ ដើម្បីក្លាយជាបុគ្គលិករបស់ក្រុមហ៊ុន។ ពួកគេភាគច្រើនបានបញ្ចប់ថ្នាក់មហាវិទ្យាល័យផ្នែកកីឡា និងតម្រូវឲ្យចេះមូលដ្ឋានគ្រឹះចំបាប់ក្នុងទឹកទៀតផង។
អ្នកនាំពាក្យតំបន់ទេសចរណ៍ខាងលើប្រាប់កាសែតថា សិល្បៈក្បាច់គុន និងចំបាប់ក្នុងទឹក អាចជួយឲ្យពួកគេមានរូបរាងស្អាត រឹងមាំ និងជាអ្នកសង្គ្រោះជីវិតដ៏ពូកែថែមទៀត។ នៅពេលឆ្លងផុតវគ្គហ្វឹកហាត់ ឆ្មាំនារីទាំងនេះនឹងត្រូវរាប់រងជួយសង្គ្រោះជីវិតភ្ញៀវទេសចរជានារីដូចគ្នា និងផ្ដល់ភាពកក់ក្ដៅដល់ពួកគេ។គេមិនដឹងថាថាវន័យសង្ឃស្រុកចិនមានការហាមប៉ះពាល់រាងកាយស្រីៗដូចវន័យសង្ឃពុទ្ធសាសនានៅស្រុកខ្មែរអត់នោះទេ?៕