ក្រចេះ ៖ ម៉ូតូនឺងម៉ូតូបើកបរក្នុងទិសដៅបញ្ច្រាសទិសគ្នា បានបង្កគ្រោះថ្នាក់ចរាចរណ៍បុកយ៉ាងពេញទំហឹង បណ្តាលឲ្យមនុស្សម្នាក់របួសធ្ងន់នឹងពីរនាក់របួសស្រាល ហើយភ្លាមៗនោះដែរ ត្រូវបានបងប្អូនបញ្ជូនទៅកាន់មន្ទីរពេទ្យបង្អែកខេត្តក្រចេះហើយករណីគ្រោះថ្នាក់ចរាចរណ៍នេះកើតឡើងនៅត្រង់ចំណុចរង្វង់មូលព្រាបស ស្ថិតក្នុងភូមិផ្សារវែង សង្កាត់ក្រចេះក្រុងក្រចេះកាលពីយប់ថ្ងៃទី១១ខែមករាឆ្នាំ២០១៨នេះ។
លោក ឈិន ពុតនាយផ្នែកទទួលផែនចរាចរណ៍ក្រុងក្រចេះបានឲ្យដឹងថា ករណីគ្រោះថ្នាក់ចរាចរណ៍នេះបង្កឡើងដោយអ្នកបើកបរម៉ូតូម៉ាកZOOMER.X ពណ៌ទឹកក្រូលាយខ្មៅ ពាក់ស្លាក់លេខក្រចេះ1C.9892 បើកបរដោយ ឈ្មោះ ចិន ភេទប្រុស អាយុ24ឆ្នាំ(របួសធ្ងន់) ស្នាក់នៅ សង្កាត់អូរឬស្សីក្រុងក្រចេះខេត្តក្រចេះ បានធ្វើដំណើរពី ទិសខាងកើតទៅទិសខាងលិច មកដល់ចំណុចខាងលើបានបុកម៉ូតូម៉ាកឌ្រីម ពណ៌ខ្មៅ សេរីឆ្នាំ 2011 ពាក់ស្លាក់លេខ 1G.0773 បើកដោយឈ្មោះ លន់ ប៊ុនថន ភេទប្រុស អាយុ 33ឆ្នាំ (គ្មានរបួស) មានទីលំនៅ ភូមិកណ្តាល សង្កាត់វិហារលួង ក្រុងកំពុងចាម អ្នករួមដំណើរជា មួយ 1,ឈ្មោះ ម៉ៅ សីុណេត ភេទស្រី អាយុ26ឆ្នាំ (របួស ស្រាលត្រូវជាប្រពន្ធ ) នៅភូមិ ហាន់ជ័យ3 ឃំុហាន់ជ័យ ស្រុកឆ្លូង 2,ឈ្មោះ ថន ចាន់ ហេង ភេទប្រុស អាយុ11ខែ (របួសស្រាលត្រូវជាកូន) ជនរងគ្រោះបញ្ជូនយកទៅមន្ទីពេទ្យខេត្ត ។ ចំណែកម៉ូតូទាំង2គ្រឿង ត្រូវ បានយកមករក្សាទុកបណ្តោះអាសន្ននៅអធិការដ្ឋាននគរបាលក្រុងក្រចេះបណ្តោះអាសន្នដើម្បីចាត់វិធានការតាមនីតិវិធីច្បាប់ ៕
ដោយ៖កិះខន
