រាជធានីភ្នំពេញ ៖ ក្រោយបញ្ចប់ដំណើរទស្សនកិច្ចនៅកម្ពុជា នៅរសៀលថ្ងៃទី១១ ខែមករានេះ នាយករដ្ឋមន្ដ្រីចិន លោក លី ខឺឈាង ត្រឡប់ទៅចិនវិញហើយ ហើយបានទុកចំណងដៃជាជំនួយឥតសំណងនូវទឹកប្រាក់ប្រមាណជិត៣០០លានដុល្លារអាមេរិកសម្រាប់កម្ពុជា អភិវឌ្ឍន៍លើគម្រោងធំៗមួយចំនួន ។
យោងតាមគេហទំព័រហ្វេសប៊ុក របស់សម្ដេច ហ៊ុន សែន នាយករដ្ឋមន្ដ្រីកម្ពុជា នៅថ្ងៃទី១១ ខែមករា ឆ្នាំ២០១៧ ក្រោយបញ្ចប់ជំនួបជាមួយលោក លី គឺឈាំង នាយករដ្ឋមន្ត្រិចិន បានឲ្យដឹងថា “ចំពោះជំនួយឥតសំណងវិញ នាយករដ្ឋមន្ត្រីចិន បានជម្រាបជូនសម្តេចតេជោហ៊ុន សែនថា ប្រទេសចិននឹងផ្តល់ជូនមូលនិធិឥតសំណង ១,២០០លានយ័ន សម្រាប់គម្រោងអភិវឌ្ឍខ្នាតតូច និងមូលនិធិប្រមាណ ៦០០លានយ័នថែមទៀត សម្រាប់គម្រោងអភិវឌ្ឍន៍ធំៗ ដូចជាផ្លូវល្បឿនលឿនជាដើម” ។
សម្តេច ហ៊ុន សែន បានអរគុណដល់មិត្តចិន ដែលតែងតែយកចិត្តទុកដាក់ ជួយដល់ការអភិវឌ្ឍកម្ពុជា រួមទាំងហេដ្ឋារចនាសម្ព័ន្ឋតូចធំ ជាច្រើននៅក្នុងប្រទេស ដើម្បី កាត់បន្ថយភាពក្រីក្រធ្វើ ឲ្យជីវភាពរស់នៅរបស់ ប្រជាពលរដ្ឋកាន់តែ ល្អប្រសើរឡើង ៕