ខេត្តក្រចេះ ៖ បងប្រុសតិរច្ឆានម្នាក់ហ៊ានប្រព្រឹត្តអំពើអសិលធ៌មមកលើប្អូនស្រីបង្កើតរបស់ខ្លួន ដោយចាប់រំលោភប្អូនស្រីម្តងហើយ ម្តងទៀត រហូតនាងទ្រាំលែងបានក៏ប្តឹងឱ្យនគរបាលចាប់ខ្លួនតែម្តង ខណៈដែលករណីរំលោភនេះកើតឡើងកាលថ្ងៃទី៣មករា ឆ្នាំ២០១៨ នៅក្នុងខ្ទមចាំចម្ការមួយកន្លែងនៅក្នុង ភូមិសំរិត ឃុំគោលាប់ស្រុកចិត្របុរី ខេត្តក្រចេះ។
តាមសមត្ថកិច្ចបានឲ្យដឹងថា ជនសង្ស័យដែលបងបង្កើតរូបនោះត្រូវបាននគរបាលចាប់ខ្លួនៅ ថ្ងៃទី ៤ ខែមករា ឆ្នាំ២០១៨ ។ ប្រភពបញ្ជាក់ថា ជនសង្ស័យមានឈ្មោះ អ៊ឹម ស៊ី ភេទប្រុស អាយុ២១ ឆ្នាំ ជនជាតិខ្មែរមុខរបរកសិករ។ ចំណែកនារីជនរងគ្រោះឈ្មោះ អ ព ភេទស្រី អាយុ១៥ ឆ្នាំ រស់នៅភូមិ ឃុំខាងលើ ។
ជនសង្ស័យបានសារភាពថា ខ្លួនពិតជាបានចាប់រំលោភប្អូនស្រីចំនួន២ដងរួចមកហើយ ចង់ចាប់រំលោភម្តងទៀតក៏ត្រូវប្អូនស្រីរត់ទៅប្តឹងឱ្យសមត្ថកិច្ចចាប់ខ្លួនតែម្តង។ បច្ចុប្បន្នជនសង្ស័យត្រូវបានកម្លាំង សមត្ថកិច្ចរៀបចំកសាងសំណុំរឿងដើម្បីចាត់ការតាមច្បាប់ ៕
