ខេត្តពោធិ៍សាត់ ៖ សមត្ថកិច្ចបានចាប់វ៉ៃខ្នោះបុរសល្មោភកាមម្នាក់ ដែលបានចាប់រំលោភកូនស្រីចុងអាយុជាង១០ឆ្នាំ រហូតបាន សម្រេចជាច្រើនដង ហើយគម្រាមសម្លាប់ទៀត បើក្មេងស្រីរងគ្រោះនិយាយប្រាប់គេ ។ ហេតុការណ៍នោះបានកើតឡើង នៅចំណុច ភូមិចំការជ្រៃខាងត្បូង ឃុំអន្លង់រាប ស្រុកវាលវែង ខេត្តពោធិ៍សាត់។
តាមមន្ត្រីនគរបាលបានឲ្យដឹងថា ប៉ុស្តិ៍រដ្ឋបាលឃុំអន្លង់រាប បានទទួលបណ្តឹងពីម្តាយកុមារីរងគ្រោះថា ប្តីរបស់ខ្លួនជា ជនល្មើសឈ្មោះ រ៉េត រុន (ហៅខ្មៅ) អាយុ៣៥ឆ្នាំ រស់នៅជាមួយគ្នា បានចាប់កូនចុងរបស់ខ្លួន រហូតបានសំរេចជាច្រើនដង ហើយបានគំរាមសម្លាប់ថែមទៀត ។
ក្រោយទទួលបណ្តឹងមន្ត្រីនគរបាលជំនាញបានចុះដល់កន្លែងកើកហេតុ ហើយហៅក្មេងស្រីរងគ្រោះ ឈ្មោះ អ.ស.ន ភេទស្រី អាយុ១៣ឆ្នាំ មកសាកសួរ ហើយក្មេងស្រីរងគ្រោះបានប្រាប់ថា ជនស្ស័យជាឪពុកចុង ពិតជាបានចាប់រំលោភនាងពិតប្រាកដមែន ៕
