ភ្នំពេញ ៖ អាជ្ញាធរខណ្ឌគួរមានវិធានការរឹតបន្តឹងលើផ្នែកសន្តិសុខ សុវត្ថិភាពជូនពលរដ្ឋដោយសារតែក្លិបរាត្រីយីហោ Rain Clubបង្កការរំខានសម្បើមណាស់ ។ ជាក់ស្តែង កាលពីរាត្រីថ្ងៃទី២៦ឈានចូលថ្ងៃទី២៧ធ្នូ២០១៧មានសេចក្តីរយការណ៍ថា មានក្រុមអ្នកមាន លុយផឹកស៊ីសប្បាយចូលរាំនៅក្លិបរាត្រីយីហោ Rain Club នៅក្នុងទឹកដីអាណាចក្រ ខណ្ឌមានជ័យ បង្កការវាយប្រហារគ្នាបណ្តាលអោយមានរបួសហូរឈាម និងការភ្ញាក់ផ្អើលដល់ប្រជាពលរដ្ឋនៅជិត ខាង ។ ប្រភពមិនបានបញ្ជាក់លំអិតអំពីអត្តសញ្ញាណជនរងគ្រោះនិងជនបង្កជម្លោះ អោយច្បាស់លាស់នៅឡើយ ដោយប្រាប់ថាពិតជាមានការវ៉ៃគ្នាបែកក្បាលហូរឈាម ។
សូមបញ្ជាក់ថា ករណីនេះមិនមែនជាលើកទី១ទេ គឺជាញឹកញាប់ក្លិបនេះតែងតែបង្ងការភ័យខ្លាចដល់ប្រជាពលរដ្ឋរស់នៅ ក្បែរខាងដោយសារកន្លងមកភ្ញៀវដែលចូលកំសាន្តក្នុងក្លិបនេះក្រៅពីមានការបាញ់បោះសេរីគឺបង្កការវាយប្រហារគ្នា ។ ពលរដ្ឋសំណូមពរលោក ពេជ្រ កែវមុន្នី មេត្តាចុះត្រួតពិនិត្យនិងចាត់វិធានការរឹតបន្តឹង ផ្នែកសន្តិសុខ និង សុវត្ថិភាព ដើម្បីការរស់នៅដោយភាពសុខសាន្តដល់ប្រជាពលរដ្ឋក្បែរខាងក្លិបនេះ ផង។ ប្រភពបានអោយដឹងថាយុវជនម្នាក់រងរបួសបែកក្បាលហូរឈាមជោគខ្លួនត្រូវបញ្ជូនទៅកាន់មន្ទីរពេទ្យជ័យជំនះភ្លាមៗ ដោយសារត្រូវយុវជនម្នាក់ទៀតយកកែវវាយបែកក្បាល គ្រាន់តែដើរទើសដៃ ។ជនបង្ករបួសស្នាមនោះត្រូវបានកម្លាំងល្បាតអាវុធហត្ថខណ្ឌមានជ័យបានឃាត់ខ្លួនបានភ្លាមៗផងដែរ។
ករណីវាយគ្នានេះកើតឡើងកាលពីវេលាម៉ោង០០:២០នាទីរំលងអាធ្រាត្រ ឈានចូលថ្ងៃទី២៦ ខែធ្នូ ឆ្នាំ២០១៧នេះ នៅក្នុងក្លឹបកំសាន្តរ៉េន (RAIN CLUB) ក្នុងដីលេខ១៥៨១ តាមបណ្ដោយផ្លូវជាតិលេខ២ ស្ថិតក្នុងសង្កាត់ចាក់អង្រែក្រោម ខណ្ឌមានជ័យ ភ្នំពេញ ។ប្រភពពីកន្លែងកើតហេតុបានប្រាប់អោយដឹងថា ជនរងគ្រោះមានឈ្មោះ ទូច អាយុ១៨ឆ្នាំ មានទីលំនៅម្ដុំរោងចក្រស៉ីម៉ងត៍ ភូមិព្រែកតាគង់ សង្កាត់ចាក់អង្រែលើ ខណ្ឌមានជ័យ រងរបួសបែកក្បាលហូរឈាមជោគខ្លួនត្រូវបានមិត្តភ័ក្តដឹកទៅមន្ទីរពេទ្យជ័យជំនះដេរជាង៣០ថ្នេរ។