កណ្ដាល ៖ នគរបាលខេត្តកណ្តាល នៅព្រឹកថ្ងៃទី២៧ ខែធ្នូ នេះបានថ្វើការ កម្ទេចមាន់ជល់ចំនួន៩២ក្បាលតាមដិការតុលាការ ដែលជាភស្តុតាងក្នុងការបង្ក្រាបបទល្មើសល្បែងស៊ីសងខុសច្បាប់នៅឃុំអរិយក្សត្រ ស្រុកល្វាឯមកាលពីថ្ងៃទី៥ធ្នូឆ្នាំឈ២០១៧ ដែលមានម្ចាស់ទីតាំងឈ្មោះ ថៃ ផានី ហៅម៉ាប់អូស្ត្រាលី កូនប្រសារលោកហ៊ុន សាន ។
លោកហុក វ៉ាន់ធីណា ប្រធានសាលាដំបូងខេត្តកណ្តាល និង ជាចៅក្រមស៊ើបសួរ ព្រមទាំងលោកឯក ស៊ុនរស្មី ព្រះរាជអាជ្ញារងនៃអយ្យការអមសាលាដំបូងខេត្តកណ្តាលបានចេញដិការឲ្យកំទេចដោយសារ យល់ឃើញថា”ការថែរក្សានូវមាន់ជល់ចំនួន៩២ក្បាល មានការលំបាកនិងចំណាយសោហ៊ុយផ្សេងៗនិងដើម្បីបង្ការកុំឱ្យមានបទល្មើសកើតឡើងជាថ្មី និង ដើម្បីពន្លឿននីតិវិធីនៃការស៊ើបសួរឱ្យបានឆាប់រហ័ស គប្បីចៅក្រមស៊ើបសួរកម្ទេចចោលនូវមាន់ជល់ចំនួន៩២ក្បាលនេះ “?!។
គួររំលឹកថា ម្ចាស់សង្វៀនជល់មាន់ដ៏ធំ នៅឃុំអរិយក្សត្រ ខេត្តកណ្ដាល និង នៅស្រុកបាទី ខេត្តតាកែវ លោក ថៃ ផានី ហៅម៉ាប់អូស្ត្រាលី ត្រូវបានបញ្ជូនទៅពន្ធនាគារហើយ កាលពីល្ងាចថ្ងៃទី០៥ ខែធ្នូ ឆ្នាំ២០១៧ ដើម្បីរង់ចាំការស៊ើបសួរបន្តទៀត ។ រីឯអ្នកលេងល្បែងជល់មាន់៦៤នាក់ក្នុងចំណោម១៥០នាក់ដែលចាប់បាន ត្រូវបានតុលាការតុលាការជំនុំជម្រះភ្លាម រួចផ្តន្ទាទោសមួយខែតែទោសនេះត្រូវព្យួរ ហើយដោះលែងឱ្យមានសេរីភាពឡើងវិញ ។
ឯម្ចាស់សង្វៀនឈ្នោះ ថៃ ផានី ហៅម៉ាប់អូស្ត្រាលី ត្រូវបានលោក ឯក ស៊ុនរស្មី ព្រះរាជអាជ្ញារងនៃអយ្យការអមសាលាដំបូងខេត្តកណ្ដាល ចោទប្រកាន់ពីបទ «ភ្នាក់ងារល្បែងស៊ីសងខុសច្បាប់» តាមមាត្រា៥ច្បាប់ស្តីពីការបង្ក្រាបល្បែងស៊ីសង។លោកឧត្តមសេនីយ៍ទោ អ៊ាវ ចំរើន ស្នងការនគរបាលខេត្តកណ្ដាលបញ្ជាក់ថា សម្រាប់វត្ថុតាងដែលត្រូវបានរឹបអូសវិញ លោកស្នងការ បានបញ្ជាក់ថា រថយន្តមានចំនួនជិត៦០គ្រឿង ម៉ូតូជាង១០០គ្រឿង ព្រមទាំងមាន់ជល់ជាង១០០ក្បាល។សូមបញ្ជាក់ថាក្នុងចំណោមមាន់ជល់ទាំង១០០ក្បាលនោះមាន់ខ្លះមានតម្លៃ១ក្បាលរហូតដល់១ម៉ឺនដុល្លារអាមេរិក។
ការបង្រាបសង្វៀនមាន់ខុសច្បាប់ដ៏ធំនេះគឺ បន្ទាប់ពីមានបទបញ្ជាដាច់ណាត់របស់សម្តេចតេជោ ហ៊ុន សែន នាយករដ្ឋមន្ត្រីនៃកម្ពុជា បញ្ជាឱ្យម្ចាស់សង្វៀនជល់មាន់ល្មើសច្បាប់ដ៏ធំនៅអរិយក្សត្រ ខេត្តកណ្តាល និងនៅស្រុកបាទី ខេត្តតាកែវ ។ «ខ្ញុំបញ្ជាឱ្យអ្នកនៅពីក្រោយខ្នង ករណីបើកសង្វៀនជល់មាន់ដ៏ធំនៅអរិយក្សត្រ ខេត្តកណ្តាល ប្រគល់ខ្លួនឱ្យសមត្ថកិច្ចជាបន្ទាន់។ បើពួកគេមិនប្រគល់ខ្លួនទេ ខ្ញុំនឹង បញ្ជាឱ្យសមត្ថកិច្ចតាមចាប់ខ្លួនឱ្យខាងតែបាន ដើម្បីចាត់វិធានការ តាមផ្លូវច្បាប់ដោយគ្មានការលើកលែង ឬបន្ធូបន្ថយ បើទោះអ្នកទាំងនោះជាក្មួយ ឬក៏ក្មួយប្រសារបស់ខ្ញុំក៏ដោយ»។
ប្រតិបត្តិការក្នុងរូបភាពដ៏ធំបែបនេះ ក៏បានកើតឡើងដូចទៅនឹងប្រតិបត្តិការកាលពីថ្ងៃទី៤ធ្នូ នៅក្នុងទឹកដី ស្រុកបាទី ខេត្តតាកែវ អាណាចក្ររបស់ លោក ឡាយ វណ្ណៈ ផងដែរ។ក្រោយការបង្ក្រាបនេះវាលេចចេញនៅបទល្មើសពុករលួយដែលសមត្តកិច្ចបានខុបឃឺតជាមួយម្ចាស់សង្វៀន។ក្រៅពីសមត្តកិច្ចស្នងការនគរបាលខេត្តកណ្តាលលោកអ៊ាវចំរើនបានបង្ហោះនាមបណ្ណ័អ្នកកាសែតជិត២០០នាក់ដែលទៅទទួលលុយពីម្ចាស់សង្វៀនមាន់ផងដែរ។
អ្នកខ្លះយលថាជាល្បិចរបស់លោកស្នងការចង់លាងជម្រះពតិមានថាលោកមានចំណែកឃុបឃឺតជាមួយម្ចាស់សង្វៀន។តែរឿងនេះបានស្ងប់ស្ងាត់ទៅវិញបន្ទាប់ពីមានការពន្យល់ពីលោកទេសរដ្ឋមន្ត្រីឱមយ៊ិនទៀងប្រធានអង្គភាពប្រឆាំងអពើរពុករលួយ។ដូច្នេះទង្វើរបំផ្លាញមាន់ចំនួន៩២ក្បាលដែលជាភស្តុតាងនៃបទល្មើសអាចបង្ហាញថារឿងមួយនេះគេគ្របទុកហើយ!!!៕
