មណ្ឌលគិរី ៖ ច្រកទ្វារទ្វេរភាគីណាំលៀ(ហៅប៉ុស្តិ៍៧) ក្នុងស្រុកពេជ្រដា ខេត្តមណ្ឌលគិរី ត្រូវបានគេចាត់ទុកថាជាច្រកទ្វារនាំឈើប្រណីតខុសច្បាប់ឆ្លងដែន ទៅប្រទេសវៀតណាម យ៉ាងរលូនគ្មានការរំខាន ព្រោះមេៗប្រចាំនៅច្រកទ្វារនោះ ដូចជា ប្រធានច្រកទ្វារ មេប៉ុស្តិ៍ កាំកុងត្រូល និងគយធូរលុង ជាមួយក្រុមឈ្មួញទាំងនោះ។
មន្ត្រីសមត្ថកិច្ចមូលដ្ឋាននៅតំបន់នោះ បានទម្លាយថា ការដឹកជញ្ជូនទំនិញខុសច្បាប់ ឈើប្រណីតឆ្លងដែនតាមច្រកទ្វារនេះ បានយ៉ាងងាយស្រួលយ៉ាងនេះ បើគ្មានការបើកភ្លើងខៀងពីលោក ហឿន សុខណា ប្រធានច្រកទ្វារទ្វារភាគីណាំលៀ(ហៅប៉ុស្តិ៍៧) ជាពិសេស មេប៉ុស្តិ៍ប្រចាំច្រកទ្វារឈ្មោះ សំរិទ្ធ ណយដែលជាមន្ត្រីនគរបាលស្នងការដ្ឋាននគបាលខេត្តមណ្ដលគីរីទេមិនអាចឡើយ។
ថ្មីៗនេះទៀតមានសេចក្តីរាយការណ៍ថាឈើប្រណិតលោកឧកញ៉ាហ៊ុនជាដែលជាមន្ត្រីជាន់ខ្ពស់នគរបាលជាតិដែលធ្លាប់នាំចេញទៅស្រុកយួនតាមច្រកដាក់ដាំក៏បានង្វែរទឹសមកណាំលៀផងដែរដោយសារមានការសម្របសម្រួលពីលោកសំរឹទ្ធណយ?។លោកឧកញ៉ាហ៊ុនជាដែលគេស្គាល់ថាជាក្មួយនាយករដ្ឋមន្ត្រីសម្តេចហ៊ុនសែនដែលសង្វៀនមាន់នៅកណ្តាលក្រុងសែនមនោរម្យផស់គាត់ទើបតែត្រូវបានបិទថ្មីៗនោះធ្លាប់បានបដិសេធថាកំជឿផឡេ(ភរទេ)គេយកឈ្មោះលោកទៅប្រើទេ។
ប៉ុន្តែសម្រាប់អ្នករកស៊ីនិប្រជាពលរដ្ឋបានឲ្យដឹងថាអ្នកទទួលខុសត្រូវរត់សេវានាំចេញឈើគេស្គាល់ថាឈ្មោះក្របីដែលជាមនុស្សជំនិតលោកឧកញ៉ាហ៊ុនជា!?។មានការកត់ សម្គាល់ថា៖ទោះបីមានការផ្លាស់ប្ដូរតំណែងស្នងការនគរបាលខេត្ត និងតំណែងនាយខណ្ឌរដ្ឋបាលព្រៃឈើខេត្តយ៉ាងណាក៏ដោយ ក៏បទល្មើសកាប់ឈើនិងដឹកជញ្ជូនឈើខុសច្បាប់ចេញទៅស្រុកយួនចេញពីអាណាចក្រខេត្តំណ្ឌលគិរីនៅតែកើតឡើងយ៉ាងអនាធិបតេយ្យជាពិសេសតាមច្រកណាំលៀក្នុងស្រុកពេជ្រដា។
បានសេចក្តីថាលោក សំរិត ណយ មេប៉ុស្ដិ៍ណាំលៀ(ប៉ុស្ដិ៍៧) នៅតែបើកដៃឲ្យឈ្មួញដឹកជញ្ជូនឈើចេញទៅស្រុកយួនយ៉ាងពេញបន្ទុក ហើយលោក ស្វាយ សំអ៊ាង ជាអភិបាលខេត្ត លោក អ៊ុក សំណាង ជាស្នងការនគរបាលខេត្ដែលធ្លាប់អះអាងថានឹងតាមដានពិនិត្យ ក៏ដូចជានាយខណ្ឌរដ្ឋបាលព្រៃឈើខេត្តមណ្ឌលគិរីដែរ បែជាបានរក្សាភាពស្ងប់ស្ងាត់ទៅវិញ។
សូមបញ្ជាក់ថា ៖ ច្រកណាំលៀមានឈ្មួញដឹកជញ្ជូនឈើប្រណីតប្រភេទធ្នង់តាមរថយន្តឡង់គ្រឺស័រចេញទៅស្រុកយួនតាមច្រកនេះយ៉ាងតិចប្រមាណ១០គ្រឿងក្នុង១ថ្ងៃៗឈ្មួញបានដឹកចេញពីចំណុចស្រែអំពូម ស្រុកពេជ្រាដា ខេត្តមណ្ឌលគិរី ហើយចេញទៅស្រុកយួនតាមច្រកណាំលៀ ឬតាមប៉ុស្ដិ៍៧ដែលជាដែនសមត្តកិច្ចគ្រប់គ្រងដោយលោក សំរិត ណយ មេប៉ុស្ដិ៍ណាំលៀ(ប៉ុស្ដិ៍៧។