ឧត្តរមានជ័យ ៖ ចាប់តាំងពីអគ្គនាយដ្ឋានគយ និងរដ្ឋាករកម្ពុជា ចាត់តាំងលោក គួន សុភាព ជាអនុ ប្រធានឲ្យកាន់តំណែងជាប្រធានការិយាល័យគយ និងរដ្ឋករច្រកទ្វារព្រំដែនអូរស្មាច់ ជំនួស លោក ហង្ស វណ្ណ និងផ្លាស់លោកយូ ហេងមេគយខេត្តកំពង់ឆ្នាំង អោយទៅកាន់ជាមេគយខេត្តឧត្តមានជ័យដើម្បីពង្រឹងប្រសិទ្ធភាពប្រព័ន្ធប្រភពចំណូលពន្ធ និងលុបបំបាត់អំពើពុករលួយនោះមក គេនៅតែសង្កេតឃើញថា៖ដូចជាគ្មានការប្រែប្រួលអ្វីលឡើយ។តាមអ្នករកស៊ីឲ្យដឹងថា៖លោក គួន សុភាពនិងលោកយូ ហេង នៅតែមិនទាន់មានឆន្ទៈច្បាស់លាស់ ក្នុងការធ្វើកំណែទម្រង់នៅច្រកមួយនេះ ដើម្បីបង្កើនចំណូលពន្ធនៅឡើយទេ ដោយ លោក គួន សុភាព នៅតែបន្តអនុវត្តរូបមន្តរបស់ លោក ហង្ស វណ្ណ ក្នុងការរក្សាទុកប្រព័ន្ធប្រមូលលុយគ្មានវិក្កយបត្រជាច្រើនដដែល ។
មន្ត្រីស្ថាប័នពាក់ព័ន្ធដែលឈរជើងនៅមាត់ទ្វារព្រំដែនអូរស្មាច់បានបង្ហើបថា ក្នុងមួយថ្ងៃៗ ឈ្មួញនិងប្រជាពលរដ្ឋ ដឹកទំនិញគ្រប់ប្រភេទ រួមទាំងម្ហូបងាហារចេញពីប្រទេសថៃ តាមរថយន្ត ម៉ូតូ និងតាមរទេះ ចូលប្រទេសកម្ពុជា តាមច្រកទ្វារព្រំដែនអូរស្មាច់ ត្រូវបានមន្ត្រីគយ ក្រោមបញ្ជារបស់ លោក គួន សុភាព តម្រូវឲ្យបង់លុយ ដោយគ្មានវិក្កយបត្រ ដែលជាជាឱកាសសម្រាប់ ប្រព្រឹត្តអំពើពុករលួយប្រមូលលុយច្រកហោប៉ៅផ្ទុយពីការប្តេជ្ញាចិត្តក្តែងៗនៃថ្ងៃចូលកាន់តំណែង ។
ប្រសិនបើឈ្មួញដឹកជញ្ជូនទំនិញ ឆ្លងកាត់ព្រំដែនលោតឆ័ត្រមិនបានបង់លុយជូន លោក គួន សុភាព នឹងត្រូវជំនាញគយ ប្រដេញចាប់យកទៅផាកពិន័យធ្ងន់ដោយគ្មានការយោគយល់ដើម្បីជាការព្រមានកុំឲ្យគេចវេសជាលើកទីពីរ។ ប្រភពបានបន្តថា ច្រកអន្តរជាតិអូរស្មាច់ មានសកម្មភាព នាំចូលទំនិញគេចពន្ធ ច្រើនប្រភេទ ដូចជា ប្រេងសាំង គ្រឿងសំណង់ ភេស្ជជៈ ស្រាបៀរ គ្រឿងហូបចុក ហើយជាញឹកញាប់ ក៏មានការនាំចូលម៉ូតូ និងរថយន្ត ចង្កូតស្តាំ ជាពិសេសម្ហូបអាហារ ខូចគុណភាព ដោយគ្មានការត្រួតពិនិត្យ ឬបង់ពន្ធឲ្យបានត្រឹមត្រូវនោះទេដែលបញ្ហានេះ បានធ្វើឲ្យបាត់បង់វ្រាក់ចំណូលពន្ធរដ្ឋយ៉ាងច្រើនសន្ធឹកសន្ធាប់ដដែល។
បើនិយាយអំពីការរត់ពន្ធប្រេងសាំងវិញ រថយន្តដឹកចូលក្នុង១ថ្ងៃៗរាប់សិបតោនរាប់ម៉ឺនលីត្រ ដឹកយកមកលក់ ចែកចាយក្នុងខេត្តឧត្តរមានជ័យ និងខេត្តសៀមរាប យ៉ាងអនាធិបតេយ្យបំផុត មិនដឹងថា លោក គួន សុភាពមេគយច្រកនិង លោក យូ ហេង ប្រធានសាខាគយខេត្តឧត្តរមានជ័យដែលទើបឡើងថ្មី សើមមាត់សើមកប៉ុណ្ណាទេ ។
