ក្រចេះ ៖ ករណីគ្រោះថ្នាក់ចរាចរណ៍មួយកើតឡើង បង្កដោយរថយន្ដមិនស្គាល់ម៉ាក បានបុកម៉ូតូ ក្នុងទិសដៅបញ្ច្រាសទិសគ្នា បណ្ដាលឲ្យមនុស្ស១នាក់បានស្លាប់និងកន្លែង និងពីរនាក់រងរបួសធ្ងន់ នៅលើផ្លូវជាតិលេខ៧៦ ក្រចេះ- មណ្ឌលគីរី ស្ថិតនៅភូមិ ក្រញូងសែនជ័យ ឃុំក្រញូងសែនជ័យ ស្រុក ស្នួល ខេត្តក្រចេះកាលពីល្ងាចថ្ងៃទី២០ខែធ្នូឆ្នាំ២០១៧នេះ។
លោកចាន់ សុគីមអធិការនគរបាលស្រុកស្នួលបានឲ្យដឹងថា កើតឡើងដោយសាររថយន្ដមិនស្គាល់ម៉ាកបានបុកម៉តូ ក្នុងទិសដៅ បញ្ជ្រាសទិសគ្នា ធ្វើដំណើរពីលិចទៅកើត ដល់ចំនុចកើតហេតុខាងលើ បានបុកម៉តូ បណ្ដាលឲ្យអ្នកបើកម៉តូ ឈ្មោះ ជិន អេង ភេទស្រី អាយុ៥៦ឆ្នាំ បានស្លាប់នៅកន្លែងកើតហេតុនិងអ្នករួមដំណើរ ចំនួន២នាក់ទៀតរងរបួសធ្ងន់ ទី១៖ឈ្មោះពៀក ស្រី ពេជ ភេទ ស្រី អាយុ ១០ឆ្នាំ និងទី២៖ឈ្មោះ ពៀក ស្រី ពេញ ភេទ ប្រុសអាយុ ៧ឆ្នាំ របួសបាក់ជើងស្ដាំ ហើយជនរងគ្រោះទាំង៣នាក់រស់នៅភូមិ វាលបីចក្រីហេង ឃុំក្រញូងសែនជ័យ ស្រុកស្នួល ខេត្តក្រចេះ។
លោកបាន បន្ដទៀតថា ក្រោយទទួលដំណឹងកម្លាំងនគរបាលជំនាញរបស់លោកបានចុះដល់កន្លែងកើតហេតុបានហៅ រថយន្ដសង្គ្រោះយកជនរងគ្រោះទៅមន្ទីពេទ្យស្រុកស្នួល ហើយចំណែកសាកសពបានប្រគល់ឲ្យគ្រួសារនែសពយកទៅធ្វើបុណ្យតាមប្រពៃណីហើយបច្ចុប្បន្ននេះ កម្លាំងនគរបាលជំនាញរបស់លោក កំពុងស្រាវជ្រាយរករថយន្ដ បង្កហេតុខាងលើនេះ៕
ដោយ៖កិះខន
