ក្រចេះ ៖ហេតុការណ៍ភ្ញាក់ផ្អើលមួយបានកើតឡើងដោយអគ្គីភយ័ឆាប់ឆេះផ្ទះពលរដ្ឋ១ខ្នងខូចខាតទាំងស្រុងដោយឆ្លងចរន្តអគ្គិសនី ស្ថិតនៅភូមិក្បាលត្រាច ឃុំស្រែចារ ស្រុកស្នួលខេត្តក្រចេះកាលពីព្រឹកថ្ងៃទី២០ ខែធ្នូឆ្នាំ២០១៧នេះ។
លោក ចាន់ សុគីមអធិការនគរបាលស្រុកស្នួលបានបញ្ជាក់តាមទូរស័ព្ទ ឲ្យដឹងថាហេតុការណ៍នេះបានកើតឡើងអស់រយះពេល២ទៅ៣ម៉ោង ទើបរលត់អណ្ដាត់ ភ្លើងតែមិនទាន់រលត់ទាំងស្រុងនោះទេ ហើយខណះពេលនេះមន្ត្រីជំនាញរបស់លោក កំពុងបាញ់ទឹកពន្លត់ ដោយប្រេីទឹកអស់០១ឡានហើយទើបរលត់ទាំងស្រុងទៅវិញ។
លោកអធិការស្រុកបានបន្តទៀតថាផ្ទះពលរដ្ឋដែលលរងគ្រោះអគ្គីភយ័នោះមានចំនួនផ្ទះ១ខ្នងខូចខាតទាំងស្រុងមានទំហំសរុប៤×៥ម៉ែត្រ នឹងទឺកប្រាក់សរុបអស់ជាង២លានរៀលមាស៤ជីនឹងសម្ភារះផ្ទះបាយត្រូវខូចខាតទាំងស្រុង គឺបណ្ដាលមកពីឆ្លងចរន្តអគ្គិសនី។ហើយម្ចាស់ផ្ទះរងគ្រោះឈ្មោះ ឡុង បូ ភេទប្រុសអាយុ ៤៨ឆ្នាំរស់នៅក្នុងភូមិក្បាលត្រាចឃុំស្រែចារ ស្រុកស្នួលខេត្តក្រចេះ។
លោក អធិការនគរបាលស្រុកស្នួល បានបញ្ជាក់បន្ថែមទៀតថាក្នុងហេតុការណ៍អគ្គីភ័យឆាបឆេះនេះគឺមានការបញ្ជាពីលោក លន់ សុផាតស្នងការដ្ឋាននគរបាលខេត្តហើយខណៈនោះក៏មានវត្តមានលោក អធិការនគរបាលស្រុកស្នួល បានចុះទៅដល់កន្លែងកើតហេតុដើម្បីត្រួតពិនិត្យ នឹងបញ្ជាកម្លាំងជួយក្នុងការពន្កត់នឹងរារាំង មិនឲ្យភ្លើងឆេះរាលដាលទៅដល់លំនៅដ្ឋានរបស់ពលរដ្ឋផ្សេងទៀត ហើយលោកក៏សូមអំពាវនាវដល់បងប្អូនប្រជាពលរដ្ឋរស់នៅតាមមូលដ្ឋាននីមួយៗ ត្រូវប្រុងប្រយ័ត្នភ្លើងផ្សែង(ដូចជាធូបទៀនជាដើម)ជាពិសេសខ្សែចរន្តអគ្គិសនីមុនពេលចាកចេញពីផ្ទះសម្បែងពីព្រោះរដូវនេះជារដូវប្រាំងនឹងរដូវធ្លាក់ខ្យល់ផងហើយមានអាកាសធាតុក្តៅខ្លាំងផង ៕
ដោយ ៖ កិះខន
