ភ្នំពេញ៖ តារាស្រីស្រស់សោភាពីររូបគឺកញ្ញា ឌុច លីដា និងកញ្ញា ម៉ាក សែនសូនីតា អាចនឹងធ្វើឲ្យលោកហ្វៃសំអាងល្បីដោយសាចូលរួមសម្តែងរួមគ្នាជាមួយសត្វពស់ក្នុងភាពយន្តភាគថ្មីមួយ ។ កញ្ញា ឌុច លីដា សម្តែងជាតួអង្គឈ្មោះនាងសូរិយា ដែលជាតួអង្គកូនស្រី នាងរាជនីក្នុងរឿងភាគរឿង”កូនពស់កេងកង”។ ឌុច លីដាភ័យមិនស្ទើទេព្រោះតែពស់ខៀវជាច្រើនក្បាលវារវាមមិនឈប់លើកក្បាលទម្រាំថតចប់ប្លង់នេះម្តងៗក៏មិនងាយដែរ។
ប្រភពលើកឡើងដែរថា សត្វពស់ខៀវនេះត្រូវបាខាងផលិតកម្មហង្សមាសទិញមកពីប្រទេសថៃរាប់រយក្បាលដើម្បីថតរឿង ហើយមួយក្បាលមានតម្លៃប្រមាណ៨ដុល្លារអាមេរិក។ ឯកញ្ញា ម៉ាកសែន សូនីតាហៅតូតាវិញត្រូវបានសម្តែងជាតួអង្គឈ្មោះនាងរាជនីដែលត្រូវដេកប្រឡែង ឱបរិតពស់ថ្លាន់ទម្ងន់ជាង១០០គីឡូក្រាម។
ប្រភពបន្តថា ទម្រាំនឹងសាំជាមួយពស់ដ៏ធំនេះគឺនាងត្រូវចំណាយពេលខ្លាំងដែលដំបូងឡើយនាងពិតជាមានអារម្មណ៍ភ័យខ្លាចខ្លាំងដល់ថ្នាក់ចង់រត់ចោល និងស្ទើលស់ព្រលឹងម្តងៗ។
លោក ហ្វៃ សំអាងផលិតកររឿង”កូនពស់កេងកង”បានប្រាប់តាមហ្វេសប៊ុកថា គឺជាការលំបាកខ្លាំងទម្រាំតែបានថតបាននូវឈុតឆាកនីមួយដើម្បីយកទៅបង្ហាញដល់ទូរទស្សនិកជនលើកញ្ចក់ទូរទស្សន៍។
រឿងនេះក៏ជាភាពយន្តដែលមានខ្ទង់ចំណាយមួយខ្ពស់ដើម្បីប្រាកដថាជាភាពយន្តដែលមានគុណភាពខ្ពស់។ តារាស្រីទាំងពីររូបខាងលើកនេះមានតារាប្រុសពីររូបផ្សេងទៀតសម្តែងជាមួយគឺលោក យិត មាសឧស្សាហ៍ និងលោក ញ៉ែម សុគន្ធ។
