កន្លងទៅថ្មីៗនេះ នៅមហាស្របស្ទឹងសង្កែ បានធ្វើវិធីទិវាជនពិការខេត្តបាត់ដំបង ក្រោមអធិបតីភាព ឯកឧត្តម ច័ន្ទ សុផល អភិបាលខេត្តនៃគណៈអភិបាលខេត្តបាត់ដំបង នឹង ឯកឧត្តម អ៊ុក វង្ស ប្រធានក្រុមប្រឹក្សា ខេត្ត ឯកឧត្តម ជាម ច័ន្ទសុភ័ណ អភិបាលរងខេត្ត មន្ត្រី រាជការ នៅតាមមន្ទីរជុំវិញខេត្ត ក្នុងសារលិខិត សម្តេចអគ្គតេជោ ហ៊ុន សែន នាយករដ្ឋមន្ត្រី កម្ពុជាប្រធានកិត្តិយសក្រុមប្រឹក្សាសកម្មជន ពិការដោយសារ ឯកឧត្តម ច័ន្ទ សុផល អភិបាល ខេត្តបាត់ដំបងជាប្រធានក្រុមប្រឹក្សាជនពិការ ខេត្តបាត់ដំបង បានបញ្ជាក់ថាការប្រារព្ធទិវានេះ
គឺជាការបង្ហាញអំពីឆន្ទៈ និងការប្តេជ្ញាចិត្តរបស់រដ្ឋាភិបាលក្នុងការលើកកំពស់សិទ្ធិសេរីភាព ជនពិការហើយការអំពាវនាវដល់បងប្អូនជនរួមជាតិសូមជួយគាំទ្រដោយគ្មានការរើងអើង ចំពោះបងប្អូនជនពិការ ដែលជាធនធានមិនអាចមើលរំលងបានក្នុងការចូលរួមអភិវឌ្ឍន៍ ប្រទេសជាតិ ។
ទិវាជនពិការកម្ពុជានឹងទិវាជនពិការអន្តរជាតិឆ្នាំនេះ ប្រារព្ធធ្វើឡើងក្រោមប្រធាន បទរួមគ្នាបង្កលក្ខណៈងាយស្រួលដល់ជនពិការដើម្បីបរិស្ថានគ្មានពិការភាព។
ឯកឧត្តម ច័ន្ទ សុផល បានអញ្ជើញចែកអំណោយជូនដល់ជនពិការមានចំនួន ៣០០នាក់ ក្នុងមួយនាក់ ទទួលបានថវិការ២ម៉ឺនប្រាំពាន់រៀល នឹង មុង១ ភួយ១ សាប៊ូ១ដុំ ថ្នាំដុះធ្មេញច្រាស់១ ផងដែរ កាលពីថ្ងៃទី ០៥ ខែធ្នូ ឆ្នាំ២០១៥ ៕
