រាជធានីភ្នំពេញ ៖ លោក អេង ឆៃអ៊ាង អតីតអនុប្រធានគណបក្សសង្គ្រោះជាតិ បានប្រកាសជំហរតាមរយះទំព័រ Facebook របស់លោក នៅថ្ងៃទី១៨ ខែធ្នូ ឆ្នាំ២០១៧នេះ ថា ថ្នាក់ដឹកនាំអតីតគណបក្សសង្គ្រោះជាតិ នឹងមិនបង្កើត គណបក្សថ្មីនោះទេ ទោះបីជាថ្នាក់ដឹកនាំគណបក្សកាន់អំណាចបានបើកផ្លូវឲ្យក្រុម អតីតបក្សនេះបង្កើតបក្សចូលរួម ប្រកួតប្រជែងបោះឆ្នោត យ៉ាងណាក្តី ។
ការប្រកាសបែបនោះរបស់លោក អេង ឆៃអ៊ាង ធ្វើឡើង បន្ទាប់ពីសម្តេច ហ៊ុន សែន បានផ្តល់ជាគំនិតឬបើកផ្លូវឲ្យអ្នកគាំទ្រ គណបក្សប្រឆាំងបង្កើត បក្សថ្មីចូលរួមប្រកួតប្រជែង ការបោះឆ្នោត កុំរំពឹងគណបក្សនយោបាយដែលរំលាយចោលនោះ ព្រោះគ្មានថ្ងៃរស់ឡើងវិញនោះឡើយ។
យ៉ាងណាក៏ដោយ ប្រភពព័ត៌មានក្រៅផ្លូវការមួយបានទម្លាយឲ្យដឹងថា លោក សម រង្ស៊ី បាននិងកំពុងរៀបចំរចនាសម្ពន្ធ័បង្កើតគណបក្សថ្មីមួយនៅក្រៅប្រទេស ដើម្បីចូលរួមការបោះឆ្នោតឆ្នាំ២០១៨ខាងមុខ ។ ទន្ទឹមនោះលោក សម រង្ស៊ី រួមទាំងភរិយារបស់លោកក៏កំពុងតែរៀបចំឲ្យមានការប្រកាសលក់កៅអីរដ្ឋសភាចំនួន៥៥អសនៈផងដែរ ៕
