កម្លាំ ង នគរ បាលក្រសួ ង ម ហាផ្ទៃ និង នគរបាលខេត្តកណ្តាលបានបញ្ជូន ជន សង្ស័យ ៥នាក់ ដែលជាឆ្មាំ យាម កោដ្ឋដាក់សារីរិកធាតុ និងវត្ថុបុរាណ មានតម្លៃ នៅលើភ្នំព្រះរាជទ្រព្យ ហៅភ្នំឧដុង្គ ទៅកាន់សាលាដំបូងខេត្តកណ្តាល នារសៀលថ្ងៃទី១៤ ខែធ្នូ ឆ្នាំ២០១៣នេះ ដោយជាប់ពាក់ព័ន្ធនិងករណី លួចកោដ្ឋដាក់សារីរិកធាតុ ដែលបង្ក ឱ្យមានការភ្ញាក់ផ្អើល កាលពីយប់រំលងអាធ្រាត្រ ឈានចូលថ្ងៃទី១០ ខែធ្នូ ឆ្នាំ២០១៣ ។
ឆ្មាំយាមនៅទីនោះ គឺជាជនសង្ស័យដំបូង ដែលកម្លាំង សមត្ថកិច្ចឃាត់ខ្លួន ដើម្បីធ្វើការសួរនាំ បន្ទាប់ពីបានឆែកឆេររកឃើញ ភស្តុតាងមួយចំនួននៅផ្ទះ អតីតប្រធានការិយាល័យវប្បធម៌ស្រុក និងជាប្រធានឃ្មាំ និង អ្នកកាន់សោរកន្លែងទុកសារិរិកធាតុ លោក ផា សុខែម ដូចជា រូបបដិមាករជាច្រើន និងការស្កេនស្នាមក្រយៅដៃ នៅកន្លែងទុកដាក់សារិរិកធាតុជាដើម និងភស្តុតាងផ្សេងៗជាច្រើន ទើបឈានទៅឃាត់ខ្លួនអ្នកទាំងនោះ ។
ជនសង្ស័យទាំង៥នាក់នោះមាន ទី១៖ ផា សុខែម ប្រធានឆ្មាំយាម និងអ្នកកាន់សោរ ទី២៖ ឈ្មោះ ចោម ថៃ ឆ្មាំយាម ទី៣.ឈ្មោះ សៀង សារិន ជាឆ្មាំយាម ធ្លាប់ពាក់ពន្ធលក់ និងកកាយយកវត្ថុបុរាណ លក់ឲ្យឈ្មួញកាលឆ្នាំ២០០១ ទី៤. ឈ្មោះ កា សាត ឆ្មាំយាម និងជាអ្នកធ្លាប់កកាយលួចវត្ថុបូរាណលក់ផងដែរ និងទី ៥៖ កាន់ សុភក្ត្រ័ ប្រជាជន ដែលយប់ពេលកើតហេតុមានវត្តមានផឹកស៊ី នៅទីនោះ និងធ្លាប់មានមុខរបរលួចកកាយវត្តុបូរាណលក់ទៀតផង ។
ពាក់ព័ន្ធនឹងករណីខាងលើលួចនេះ សមត្ថកិច្ចខេត្តកណ្តាល បានតានដានយ៉ាងយកចិត្តទុកជាទីបំផុត នឹងមានការប្រជុំពិភាក្សា យ៉ាងល្អិតល្អន់ជាមួយថ្នាក់ដឹកនាំ ដែលជាសមត្ថកិច្ចនៅក្រសួងមហាផ្ទៃ ដើម្បីឈានទៅរកការចាប់ខ្លួនជនពាក់ព័ន្ធបន្ថែមទៀត ។
យ៉ាងណាក៏ដោយ មិនទាន់មានប្រភព ព័ត៌មានផ្លូវការ ត្រូវបានបញ្ជាក់ចេញពីរាជរដ្ឋាភិបាល ក្រសួងមហាផ្ទៃ ក៏ដូចជាក្រសួងវប្បធម៌នោះ ឡើយ ចំពោះព័ត៌មានលំអិត នៃករណីចោរលួចកោដ្ឋមាស ដាក់សារីរិកធាតុ និងវត្ថុមានតម្លៃ ពោល តាំងពីថ្ងៃកើតហេតុមក កម្លាំងនគរបាលបច្ចេកទេស ក្រសួងមហាផ្ទៃ និងកម្លាំងនគរបាលខេត្ដកណ្ដាល បានបើក ការស្រាវជ្រាវទាំងថ្ងៃទាំងយប់ ស្ងៀមស្ងាត់ បំផុត រហូតដល់ឃាត់ខ្លួនឆ្មាំទាំង៥នាក់ កសាងសំណុំរឿងបញ្ជូនទៅកាន់តុលាការតែម្ដង។
សូមជំរាបថា បន្ទាប់មកមន្ទីរវប្បធម៌ខេត្តកណ្តាល បានប្រគល់ភារកិច្ចបន្តទៅការិយាល័យវប្បធម៌ស្រុក ដោយឲ្យលោក ផា សុខែម ជាអ្នកមើលការខុសត្រូវ និងថែរក្សាព្រះសក្យមុនីចេតិយនេះ តែបច្ចុប្បន្ន លោក ផា សុខែម បានចូលនិវត្តទៅហើយ។ ដោយឡែកឆ្មាំថែរក្សា និងការពារនៅតំបន់នោះចំនួន២៣ នាក់ ត្រូវបានលោក ផា សុខែម ជាអ្នករើសមកការពារ និងមើលថែទាំនៅតំបន់នោះ។
គួរបញ្ជាក់ថាសព្វថ្ងៃមានឆ្មាំតែ ៩នាក់ប៉ុណ្ណោះ បន្តមកធ្វើការការពារ និងមើលថែ ដោយឡែក១៤នាក់ផ្សេងទៀត មិនដែលមាន វត្តមាននោះទេ។ ការអវត្តមានរបស់មន្រ្តីឆ្មាំទាំង ១១នាក់នោះ ត្រូវបានគេសង្ស័យថា ព្រោះតែមិនទទួលបានប្រាក់ ខែ ៕