ខេត្តក្រចេះ៖ សមត្ថកិច្ចជំនាញនៅខេត្តក្រចេះ ហាក់ដូចជានៅមិនទាន់មានចំណាត់លើវិធាន ការបង្ក្រាបក្បួនរថយន្តសាំយ៉ុងដឹកឈើយ៉ាងអានាធិបតេយ្យនៅឡើយទេ បើទោះបីក្បួនរថយន្តដឹកឈើខុសច្បាប់ទាំងនេះ ជារៀងរាល់ថ្ងៃនៅតែបន្តដឹកជញ្ជូនក្នុងមួយថ្ងៃៗជិត១០០ គ្រឿង ថែមទាំងបង្កគ្រោះថ្នាក់តាមដងផ្លូវជាញឹកញ៉ាប់ទៀតផង។
ប្រភពព័ត៌មានបានឲដឹងថានៃការដឹកជញ្ជូនឈើតាមរថយន្តសាំយ៉ុងពីក្រុមឈ្មួញដែលគេស្គាល់ថា សុទ្ឋ សឹងរស់នៅខេត្តព្រៃវែងបានមកប្រកបរបររកស៊ីដឹកឈើខុសច្បាប់ចេញពីខេត្តស្ទឹងត្រែងឆ្លងកាត់ស្រុកសំបូរ ខេត្ត ក្រចេះ នឹងស្រុកសំបូរ នាំឆ្ពោះទៅលក់នៅខេត្តព្រៃវែង ។ គឺនៅតែមានការដឹកជញ្ជូនជាក្បួនយ៉ាងអានាធិបតេយ្យបើកប្រដេញគ្នាប្រសាចពេញផ្លូវដូចក្នងរឿងគុនចិនចឹងមិនត្រឹមតែប៉ុណ្ណោះថែមទាំងបង្កគ្រោះថ្នាក់ជាញឹកញ៉ាប់ដល់អ្នកធ្វើដំណើរនិងពលរដ្ឋរស់នៅក្បែរចិញ្ចើមផ្លូវជាញឹកញ៉ាប់ទៀតផង។
ក្រៅតែពីការធ្លាប់បង្កគ្រោះថ្នាក់បុកចូលផ្ទះប្រជាពលរដ្ឋបង្កឲ្យគ្រោះថ្នាក់ម្ចាស់ផ្ទះទាំង មិនដឹងខ្លួន បើកក្រឡាប់ដោយខ្លួនឯងបង្កឲ្យអ្នកដ៍ទៃរងគ្រោះថ្នាក់ និងការបើកបុកកៀរលើ រថយន្តសមត្ថកិច្ចនៅក្បែរចិញ្ចើមផ្លូវបង្កឲ្យខូចខាតដោយមិនមានអ្នកទទួលខុសត្រូវនោះ។ ជាក់ស្តែងកាលពីព្រឹកថ្ងៃទី១៤ធ្នូ ឆ្នាំ២០១៧ នេះនៅចំណុចក្បាលស្ពានព្រែកឆ្លូង ស្ថិតក្នុងភូមិដីថ្មី ឃុំព្រែកសាម៉ាន់ស្រុក ឆ្លូងខេត្តក្រចេះមានរថយន្តសាំយ៉ុង១គ្រឿងពណ៌សពាក់ស្លាកលេខភ្នំពេញ2AH5176បានបើកក្នុងល្បឿនលឿនហើយក៏វេចង្កូតធ្លាក់ព្រែកស្ពានឆ្លូងតែម្តងតែមិនបង្កគ្រោះថ្នាក់ដល់មនុស្សឡើយ។
លោក ឆុងតូរ៉ាន់អធិការដ្ឋាននគរបាលស្រុកឆ្លូងបានប្រាប់ឲដឹងថាអ្នកបើករថយន្តដឹកឈើល្មើសច្បាប់បង្កគ្រោះថ្នាក់ចរាចរណ៌ដោយខ្លួនឯងនោះមានឈ្មោះ ម៉ាញ់ សាវី ភេទប្រុសអាយុ៣៨ឆ្នាំជនជាតិខ្មែរមានទីលំនៅក្នុងភូមិព្រៃខ្លាឃុណស្វាយអន្ទរ ស្រុកស្វាយអន្ទរខេត្តព្រៃវែង។លោកបានបន្តថាកំលាំងជំនាញរបស់លោកកំពុងធ្វើការអូសទាញរថយន្តដឹកឈើបង្កគ្រោះថ្នាក់នោះយកមករក្សាទុកនៅអធិការដ្ឋាននគរបាលស្រុកឆ្លងដើម្បីចាត់វិធានការតាមនីតិវិធីច្បាប់បន្ត។
លោក អឹងស៊ីណាង នាយផ្នែករដ្ឋបាលព្រៃឈើក្រចេះ បានឲ្យដឹង
ថាវិធានការបង្ក្រាបលើក្រុមរថយន្តសាំយ៉ុងដឹកឈើល្មើសច្បាប់យ៉ាងអាណាធិបតេយ្យនោះ គឺទាល់តែមានការ ជួយសហការពីកងកម្លាំងប្រដាប់អាវុធជាមួយនិងរដ្ឋបាលព្រៃឈើ ពិសេសគឺនគរបាល ចរាចរណ៍តែម្តងទើបអាចចំណាត់ការទៅបាន១០០ភាគរយតែម្តង ៕
ដោយ៖កិះខន
