ឯកឧត្តម ច័ន្ទ សុផល អភិបាលនៃគណអភិបាលខេត្តបាត់ដំបង បានអញ្ជើញចូលរួម ជាគណអធិបតី ក្នុងពិធីបុណ្យកឋិនទានសាមគ្គី ដង្ហែយកទៅវេរប្រគេនដល់ព្រះសង្ឃ គង់ចាំ ព្រះវស្សាអស់ត្រីមាស ក្នុងខ័ណ្ឌសីមា វត្តពោធិវាល ក្រុងបាត់ដំបង ខេត្តបាត់ដំបង។
នេះជាសកម្មភាពមួយបញ្ជាក់ឲ្យឃើញពីការយកចិត្តទុកដាក់ក្នុងការថែទាំរក្សាទំនាម ទម្លាប់ វប្បធម៌ប្រពៃណីដ៏ល្អផូរផង់របស់ជាតិឲ្យស្ថិតស្ថេរគង់វង្ស។ បុណ្យកឋិនទានសាមគ្គី ជាបុណ្យប្រពៃណីមួយ ផ្នែកខាងព្រះពុទ្ធសាសនា ដែលពុទ្ធបរិស័ទ អ្នកកាន់ព្រះពុទ្ធសាសនា តែងតែប្រារព្ធធ្វើឡើងជារៀងរាល់ឆ្នាំ ដែលមានរយៈពេល ២៩ ចាប់ពីថ្ងៃចេញព្រះវស្សា គឺថ្ងៃ ១រោជ ខែអស្សុជ ដល់ថ្ងៃពេញបូរមី ខែកក្តិត ក្នុងគោលបំណងឧបត្ថម្ភគាំទ្រដល់ ព្រះសង្ឃ បានកាន់ព្រះវស្សាអស់ត្រីមាសក៏ដូចជាការលើកកំពស់ក្រោយ ឲ្យមានការយល់ដឹង និង អនុវត្តបន្ត។ ពិសេសជាងនេះទៀតនោះប្រមូលបច្ច័យដែលបានមកពីសទ្ធាជ្រះថ្លា របស់ពុទ្ធ បរិស័ទសឹងគ្រប់មជ្ឍដ្ឋាន វេរប្រគេនដល់ព្រះសង្ឃសម្រាប់កសាងសមិទ្ធិផលអ្វីមួយ ដែល បំរើ ឲ្យផលប្រយោជន៍សម្រាប់វិស័យព្រះពុទ្ធសាសនា ហើយក៏ជាការចូលរួមលើកកំពស់វិស័យ ព្រះពុទ្ធសាសនាដែលជាសាសនារបស់រដ្ឋ ឲ្យកាន់តែមានភាពថ្កុំថ្កើងរុងរឿង គ្រប់ប្រាំពាន់ ព្រះវស្សាតាមការប្រតិស្ថានទុករបស់ព្រះសម្មាសម្ពុទ្ធបរមគ្រូនៃយើង។
បុញ្ញកុសលដែលកើតឡើងពីសទ្ធាជ្រះថ្លា ការបរិច្ចាក របស់ពុទ្ធបរិស័ទនាពេលនេះ សូមឧទ្ទិសប្រគេនថ្វាយជូនដល់បុព្វវិញ្ញាណក្ខន្ធ របស់ព្រះមហាក្សត្រដែលបានសោយទីវង្គត់ ក៏ដូចជាវិញ្ញាណក្ខន្ធ អ្នកស្នេហាជាតិគ្រប់ជំនាន់ព្រមទាំងកងកម្លាំងប្រដាប់អាវុធ ដែលបាន បូជាអាយុជីវិត ចំណេះជាតិមាតុភូមិ ពិសេស វិញ្ញាណក្ខន្ធ័ បុព្វការីជន សូមឲ្យវិញ្ញាណក្ខន្ធ អ្នក ទាំងនោះទៅកាន់សុគតិភព កុំបីអាក់ខានឡើយ។
គួរបញ្ជាក់ផងដែរ បច្ច័យសង្កត់ត្រ័យមានចំនួនជាង ៧៣ លានរៀល ៕
