(កំពង់ឆ្នាំង)៖ ពលរដ្ឋម្ចស់ឆ្នោតនៅស្រុកជលគីរី និងមន្ត្រីរាជការ កងកម្លាំងប្រដាប់អាវុធដែលមានលំនៅដ្ឋាន ផ្ទះសម្បែង នៅក្រុងកំពង់ឆ្នាំងប៉ុន្តែទៅធ្វើការនៅស្រុកជលគីរី អំពាវនាវសុំអោយសម្ដេចតេជោហ៊ុនសែននិងសម្ដេចកិត្តិព្រឹទ្ធបណ្ឌឹតប៊ុន រ៉ានីហ៊ុន សែនមេត្តាជួយកសាងផ្លូវលំមួយខ្សែពីភូមិកោះថ្កូវទៅទីរួមស្រុកជលគីរីផង។ព្រោះនៅពេលភ្លៀងម្តងៗផ្លូវធ្វើដំណើរមួយខ្សែនេះជួបការលំបាកខ្លាំងណាស់ គឺផ្លូវមានសភាពបែកភក់ខ្វល់ហើយរអិលជិះម៉ូតូមិនកើត ផ្លូវដែលលំបាកខ្លាំងគឺនៅឃុំកោះថ្កូវសែនមហាលំបាក ពិសេសនៅភូមិកោះថ្កូវហ្នឹងតែម្តង មិនតែប៉ុណ្ណោះអ្នកភូមិកោះថ្កូវនេះភាគច្រើនដែលមុខផ្ទះរបស់គាត់មានទឹកដក់បែកភក់នោះមានចិត្តអាក្រក់ កំណាញ់ខ្លាំងណាស់គាត់មិនអោយអ្នកដំណើរជិះម៉ូតូកាត់មុខផ្ទះគាត់ទេ សុខចិត្តឱ្យអ្នកធ្វើដំណើរជិៈម៉ូតូបើកបរក្នុងភក់ រីឯដីភូមិមុខផ្ទះគាត់ៗសុខចិត្តលើកឈើមកដាក់បាំងមិនឱ្យម៉ូតូចេញចូលបើក បរកាត់ដីភូមិមុខផ្ទះគាត់ទេ។ដែលជាហេតុធ្វើអោយអ្នកដំណើរជួបផលវិបាកនិងមានអារម្មណ៍ខឹងនឹងម្ចាស់ផ្ទះនោះយ៉ាងខ្លាំង។
ប្រជាពលរដ្ឋ បានរអ៊ូ រទាំនិងសួរថា៖ តើទម្ងន់ម៉ូតូប៉ុណ្ណឹងអាចធ្វើឱ្យដីមុខផ្ទះរបស់គាត់ខូចដែរឬ? បើទម្ងន់ឡានឬគោយន្តទៅថា ក្រែងលោខូចដីមុខផ្ទះគាត់នោះ តែនេះម៉ូតូ សោះមិនគួរណាគាត់កំណាញ់ដល់ថ្នាក់ហ្នឹងសោះ អីក៏កំណាញ់ចិតអាក្រក់យ៉ាងនេះ ខុសគេខុសឯងមិនមើលគេអ្នកជិតខាងអីបន្តិចសោះលោកម្ចាស់ថ្លៃ។
ប្រជាពលរដ្ឋ មន្ត្រីរាជការ កងកម្លាំងប្រដាប់អាវុធព្រមទាំងអាជ្ញាធរមូលដ្ឋានសូមសំណូមពរដល់ឯកឧត្តមអ៊ុក រ៉ាប៊ុនរដ្ឋមន្ត្រីក្រសួងអភិវឌ្ឍន៍ជនបទ ពិសេសសម្ដេចអគ្គមហាសេនាបតីតេជោហ៊ុន សែននិងសម្ដេចកិត្តិព្រឹតបណ្ឌឹតប៊ុន រ៉ានីហ៊ុន សែនមេត្តាជួយអន្តរាគមន៍កសាងផ្លូវលំមួយខ្សែនេះដើម្បីពួកគាត់បានធ្វើដំណើរស្រួលនិងគេផងព្រោះផ្លូវមួយខ្សែនេះពួកគាត់ធ្វើដំណើរជួបផលវិបាកអស់រយៈជាយូឆ្នាំមកហើយ មិនមានអាជ្ញាធរឬថ្នាក់ដឹកនាំណាយកភ្នែកមើលឡើយ។
បើនិយាយពីចៅហ្វាយខេត្តវិញគឺបានផ្លាស់ប្ដូរ អស់ចំនួន៥នាក់មកហើយ។ដូចនេះមានតែសម្ដេចតេជោហ៊ុន សែននិងសម្ដេចកិត្តិព្រឹតបណ្ឌិតប៊ុន រ៉ានីហ៊ុន សែនទេដែលអាចជួយពួកគាត់បាន។សព្វថ្ងៃនេះភ្លើងមានហើយនៅខ្វះតែផ្លូវ ប្រសិនបើសម្ដេចជួយធ្វើផ្លូវមួយខ្សែនេះជូនប្រជាពលរដ្ឋ ប្រពលរដ្ឋច្បាស់ជាដឹងគុណសម្ដេចយ៉ាងធំធេងជាទីបំផុតរកអ្វីប្រៀបផ្ទឹមពំុបានឡើយ ។ ម្យ៉ាងទៀតផ្លូវមួយខ្សែនេះជាប្រព័ន្ធផ្លូវគមនាគមន៍មួយយ៉ាងសំខាន់សម្រាប់ តភ្ជាប់ពីផ្លូវជាតិលេខ៥ខេត្តកំពង់ឆ្នាំងទៅផ្លូវជាតិលេខ៦Aខេត្តកំពង់ចាមហើយការធ្វើដំណើរតាមផ្លូវនេះបានរហ័សទាន់ចិត្តទៀងផងព្រោះជាផ្លូវកាត់ ចំពាក់កណ្ដាលប្រទេស៕
