កណ្តាល៖ អ្នកបើកបរឡាមដឹកត្រីរ៉ស់ថៅកែរបស់ខ្លួន ឈ្មោះ ឡេង យូ ម្នាក់បានរងរបួស ដោយសារថយន្តដឹកត្រីរបស់ខ្លួនបុកដុំថ្មបែងចែកទ្រូងផ្លូវកាលពីវេលាម៉ោង៥ទៀបភ្លឺ ថ្ងៃទី២៨ ខែវិច្ឆកា ឆ្នាំ២០១៧ ស្ថិតនៅត្រង់ចំណុចខាងមុខដេប៉ូលក់គ្រឿងសំណង់យីហោ អ៊ុក ចន្ថាវី លើផ្លូវជាតិលេខ២១បេ ក្នុងភូមិព្រែកសំរោង៣ សង្កាត់តាខ្មៅ ក្រុងតាខ្មៅ ខេត្តកណ្តាលរួចបើកទ្វារឡានរត់បាត់ ។
លោកវរៈសេនីយន៍ទោ ស កែវពិសិដ្ឋ អធិការនគរបាលក្រុងតាខ្មៅ បានប្រាប់ឱ្យដឹងថា ឡានបង្កគ្រោះថ្នាក់ចរាចរនេះម៉ាក ISUZU ពណ៌ ស ស្លាកលេខភ្នំពេញ 3B.7598 បើកបរដោយឈ្មោះ ដា ភេទប្រុស អាយុ៣៥ឆ្នាំ រងរបួសស្រាល ដោយសារបើកបរងងុយដេកក៏បានរេចង្កូតរថយន្តមកខាងឆ្វេងដៃទៅបុកខឿនពុះចែកទ្រូងផ្លូវ បណ្តាលឥ្យរថយន្តខូចខាតយ៉ាងធ្ងន់ធ្ងរ និងខូចខឿនពុះចែកទ្រូងផ្លូវចំនួន៧ផ្ទាំងប្រវែង១៤ម៉ែត្រ។
រថយន្ដដឹកត្រីដែលបង្កគ្រោះថ្នាក់នេះ ជាកម្មសិទ្ធិរបស់ឈ្មួញនាំត្រីរ៉ស់ពីស្រុកយួនដុះស្លែម្នាក់ឆ្មោះលោក ឡេង យូ ដែលក្នុងមួយថ្ងៃៗដឹករាប់សិបឡាន មិនថាថ្ងៃយប់នោះទេ ហើយថែមទាំងបើកបរលឿនៗ ដែលកន្លងមកធ្លាប់បានបង្កគ្រោះថ្នាក់ចរាចរណ៍បណ្តាលឲ្យមនុស្សស្លាប់ និងរបួសជាហូរហែ។ប្រជាពលរដ្ឋថា
ក្បួនរថយន្តដឹកជញ្ជូនត្រីរបស់ថៅកែ ឡេង យូ សព្វថ្ងៃនេះកំពុងធ្វើឲ្យប៉ះពាល់ប្រជាពលរដ្ឋ និងកំពុងតែបំផ្លិចបំផ្លាញផ្លូវសាធារណៈ និងវត្តអារាម ស្ថិតក្នងភូមិព្រែកស្បូវ ឃុំសំពៅពូន ស្រុកកោះធំ ខេត្តកណ្តាល ដែលនៅជាប់ព្រំដែនកម្ពុជា-វៀតណាម។
បគណៈកម្មការអាចារ្យវត្ត និងប្រជាពលរដ្ឋប្រមាណជាង ២០០នាក់ បានផ្តិតមេដៃតវ៉ាសុំឲ្យអាជ្ញាធរ ស្រុកកោះធំ ជួយទប់ស្កាត់កុំឲ្យក្រុមហ៊ុនដឹកជញ្ជូនត្រី របស់លោក ឡេង យូ ឆ្លងកាត់មុខព្រះវិហារ ដែលបង្កឲមានការបះពាល់ដល់ទីអារាម ដែលជាទីគោរពសក្ការៈរបស់ប្រជាពិទ្ធបរស័ទដែរតែគ្មានចំណាត់ការឡើយគឺលោក ឡេង យូ នៅតែដឹកត្រីកាត់វត្ត ធ្វើប្រេះស្រុតខឿនព្រះវិហារនិងជាក់ស្តែងបុករបាំងចែកផ្លូវថែមទៀតផង។
លោក អេង មោក អភិបាលស្រុកកោះធំ ធ្លាប់អះអាងថា លោកធ្លាប់បានដោះស្រាយ និងបញ្ជាឲ្យក្បួនរថយន្តនេះប្រើផ្លូវផ្សេង គឺមិនត្រូវដឹកកាត់មុខព្រះវិហារទៀត ប៉ុន្តែប្រសិន បើលោក ឡេង យូ នៅតែបន្តដឹកកាត់មុខព្រះវិហារនោះ លោកនឹងមានវិធានការតែឡេងយូមិនស្តាប់ធើអីយូ។ ទោះជាយ៉ាងណាបរមីវត្តក្តៅក្រហាយ ជាពិសេស ត្រូវបណ្ដាសារបស់ពុទ្ធបរិស័ទវត្តវាំងកែវព្រែកស្បូវ ទើបក្បួនរថយន្តដឹកត្រីតែងតែជួបគ្រោះថ្នាក់ជាក់ស្តែងផ្អើលគេឯងចឹងទៅ៕