កោះកុង ៖ កាលពីម៉ោងជាង៣រសៀលថ្ងៃទី២៨ វិច្ឆិកាមន្ត្រីនគរបាល ដែលយាមកាមនៅសាខាធនាគារ អេស៊ីលីដា ត្រូវបានគេឃើញស្លាប់នៅ ក្នុងបន្ទប់ទឹកនៃធនគារដែល ស្ថិតក្នុងភូមិ១ សង្កាត់ស្មាច់មានជ័យ ក្រុងខេមរភូមិន្ទ ខេត្តកោះកុងជាមួយកាំភ្លើងស្វាយបត់ធុនអាកា៤៧របស់ខ្លួន ។ ជងរងគ្រោះត្រូវបានគេស្គាល់ថា៖ជាមន្ត្រីនៃស្នងការដ្ឋាននគរបាលខេត្តកោះកុង ពាក់ស័ក្តិ២ ឈ្មោះ ផេង គ្រី អាយុ៤០ឆ្នាំបម្រើការងារនៅការិយាល័យនគរបាលអន្តរាគមន៍។ មានការបញ្ជាក់ពីមន្ត្រីមួយចំនួនថា មន្ត្រីនគរបាលយាមនៅធនាគារ អេស៊ីលីដា ខត្តកោះកុង បានសម្លាប់ខ្លួនឯង ប៉ុន្តែប្រភពពតិមានឲ្យដឹងថា៖ប៉ូលិសជំនាញនៅតែមិនទាន់អស់ចិត្ត ពោលកំពុងបន្តកោសល្យវិច័យ និងអង្កេតបន្ថែម។
ករណីនគរបាលទៅស៊ីឈ្នួលយាមឲ្យធនាគារឯកជនស្លាប់ដោយគ្រាប់កាំភ្លើងអាកា៤៧នេះនៅកន្លែងកើតហេតុ គេសង្កេតឃើញថាមានការភ្ញាក់ផ្អើលយ៉ាងខ្លាំង និងមានប្រជាពលរដ្ឋ សមត្ថកិច្ចចោមរោមយ៉ាងច្រើន ។ សមត្ថកិច្ចក៏បានរកឃើញបណ្ដាំចុងក្រោយរបស់ជនរងគ្រោះផងដែរ ដែលសរសេរនៅលើអាវ ដោយមានខ្លឹមសារថា «ការស្លាប់ ខ្ញុំមិនបានពាក់ព័ន្ធជាមួយនរណាទាំងអស់ គឺស្លាប់ដោយខ្លួនឯង ពីខ្ញុំ ផេង គ្រី។
លាហើយអ្នកទាំងអស់គ្នា»តើហេតុអីបានជានគរបាលរូបនេះសម្លាប់ខ្លួនឯងនោះនៅមិនទាន់ស្រាវជ្រាវដឹងនៅឡើយ។សូមបញ្ជាក់ដែរថា៖សាខាធនាគារអេស៊ីលីដាខេត្តកោះកុហនេះធ្លាប់បានបង្កគ្រោះថ្នាក់ដល់ជិវិតចំពោះកម្មករម្នាក់ដែលទៅដោះស្លាកឡូហ្គោរូបហង្សរបស់ធនាគារអេស៊ីលីដាដែលសម្តេចហ៊ុនសែនឲ្យដកចេញដើម្បីកុំឲ្យប្រជាពលរដ្ឋច្រឡំថាជាធនាគារបស់រដ្ឋនោះម្តងហើយ៕
