ភ្នំពេញ ៖ តុលាការកំពូលនៅវេលាម៉ោងជាង៥សៀលបានសម្រេចរំលាយគណបក្សសង្គ្រោះជាតិ ដោយបិទផ្លូវតវ៉ាតាមពាក្យបណ្តឹងរបស់ក្រសួងមហាផ្ទៃដែលចោទថាក្បត់ជាតិព្រោះឃុបឃឹតជាមួយចនបរទេសរៀបចំធ្វើបដិវត្តន៍ពណ៍ដោយបានហាមថ្នាក់ដឹកនាំ និងគណៈកម្មការនាយកគណបក្សសង្គ្រោះជាតិ១១៨រូប(ក្នុងមានតំណាងរាស្ត្រផង) មិនឲ្យធ្វើនយោបាយ៥ឆ្នាំដោយស្ងាត់ស្ងៀម ។
ចាប់តាំងពីម៉ោងជិត៩ព្រឹកថ្ងៃទី១៦ ខែវិច្ឆិកា ឆ្នាំ២០១៧ តុលាការកំពូល បានបើកសវនាការជាអសាធារណៈលើបណ្តឹងសុំ «រំលាយបក្សសង្គ្រោះជាតិ» ដោយមានចៅក្រម៩រូប ដឹកនាំដោយលោក ឌិត មុន្ទី ប្រធានតុលាការកំពូលនិងតំណាងមហាអយ្យការមួយរូប ក្រឡាបញ្ជីមួយរូប និងមានមេធាវីដើមបណ្តឹងតំណាងក្រសួងមហាផ្ទៃ៤រូប ។
សម្តកិច្ចក្រោយពីការប្រកាសសាលក្រមរំលាយគណបក្សសង្គ្រោះជាតិនៅវេលាម៉ោងប្រមាណ៧យប់មសម្តេចតេជោហ៊ុនសែននាយករដ្ឋមន្ត្រីក្នុងនាមប្រមុខស្ថាបន័និតិប្រតិបត្តិបានប្រកាសគាំទ្រសាលក្រមតុលាការកំពូល(ទាហ៊ាប៉ូលិសប្រកាសគាំទ្រតាមបន្ត)។សម្តេចហ៊ុនសែនជាមួយនិងការអំពាវឲ្យពលរដ្ឋរក្សាភាពស្ងប់ស្ងាត់សម្តេចតេជោហ៊ុនសែនប្រធានគណបក្សប្រជាជនកម្ពុជាបានប្រកាសជាថ្មីទៀតបន្តទទួលយកពួកកូនទាហ៊ានគណបក្សសង្គ្រោះជាតិដែលបាក់ទព័ដោយសាបែកបន្ទាយឲ្យចូលគណបក្សប្រជាជនពីសេសមេឃុំចៅសង្កាត់និងសមាជិកទាំងអស់ដោយសម្តេចទុកពេលឲ្យប្រមាណជតិ១០ថ្ងៃទៀត។
តេជោសែនបានប្រកាសការពារការចាំត្រងយកអតីតមន្ត្រីគណបក្សសង្គ្រោះជាតិដែលមានមេឃុំចៅសង្កាត់៤៨៩នាក់រួមនិសមាជិកប្រមាណជិត៥ពាន់នាក់ឲ្យចូលមកគនបក្សប្រជាជនថាមិនមែនជាការទិញដូរអីទេគឺគ្រាន់តែចង់ជួយឲ្យបន្តការងារបំរើប្រជាជនបន្តទៀតតែប៉ុណ្ណោះ។សូមបញ្ជាក់ដែរថា៖សវនាការ គឺមិនអនុញ្ញាត ឲ្យថតសំឡេង និងថតរូបភាពទេ ហើយអ្នកចូលរួមតាមដានអាចកត់ត្រាបាន ។ពេលសវនាការមានការពង្រាយកម្លាំងប្រដាប់អាវុធនិងបិទផ្លូវជុំវិញតុលាការកំពូល។សមុំត្តកិច្ចក៏បានចាប់បណ្តេញចេញកញ្ញឡេងឡែនអតីបុគ្គលឹកកាសែតកាំបូឌាដេលីផងដែរដោយសំអាងគ្មានកាតកាសែត។
ទោះជាយ៉ាងណាគនបក្សសង្គ្រោះជាតិបានចេញសេចក្តីថ្លែងការណ៍នៅរសៀលថ្ងៃទី១៦វិច្ឆិកានេះដែរដោយបដិសេធមិនទទួលស្គាល់សេចក្តីសម្រេចរបស់តុលាការកំពូលព្រោះលោកឌឺតមន្ទីរប្រធាតុលាការជាសមាជិកអចិន្ត្រៃគណបក្សប្រជាជននិងលោកជីវកេងជាប្រធាក្រុមការងារគណបក្សប្រជាជននៅខេត្តតាកែវ។សេចក្តីថ្លែងការណ៍ក៏បានអំពាវនាវឲ្យសមាជិករបស់ខ្លួនតវ៉ាដោយស្ងាត់ស្ងៀមនិងអំពាវនាវឲ្យអន្តរជាតិជួយអន្តរាគមដើស្រាយបញ្ហាផងដែរ។
លោក ម៉ៅ មុនីវណ្ណ តំណាងរាស្ត្រគណបក្សសង្គ្រោះជាតិដែលទើបត្រូវបានរំលាយនៅថ្ងៃនេះ បានបញ្ជាក់ប្រាប់កាសែត ថា ពេញមួយថ្ងៃព្រហស្បត្តិ៍នេះ ដែលជាថ្ងៃប្រកាសសាលដីការំលាយគណបក្សសង្គ្រោះជាតិ មិនមានការជួបជុំប្រមូលផ្តុំពីសំណាក់មេឃុំ ចៅសង្កាត់ ក្រុមប្រឹក្សាឃុំ សង្កាត់ មកពីគ្រប់រាជធានីខេត្ត រួមទាំងសកម្មជន និងអ្នកគាំទ្រ គណបក្សសង្គ្រោះជាតិ នៅឯទីស្នាក់ការកណ្តាលគណបក្សសង្គ្រោះជាតិ ស្ថិតនៅសង្កាត់ចាក់អង្រែ រាជធានីភ្នំពេញនោះទេ ។
លោក ម៉ៅ មុនីវណ្ណ បញ្ជាក់ថា៖ គណបក្សសង្គ្រោះជាតិ មានបទពិសោធន៍ច្រើន និងភាពចាស់ទុំផ្នែកនយោបាយ ដូច្នេះហើយគណបក្ស នឹងធ្វើការតស៊ូមតិដោយអហឹង្សា ពោលគឺតាមលទ្ធិប្រជាធិបតេយ្យជំនួសវិញ ដើម្បីជៀសវាងការប្រឈមមុខដាក់គ្នា ឬការឈានដល់ការប្រើប្រាស់អំពើហិង្សាណាមួយកើតឡើង។
លោក ម៉ៅ មុនីវណ្ណ ឲ្យដឹងថា៖ចាប់តាំងពីមុនថ្ងៃប្រកាសសាលក្រមតំណាងរាស្ត្រ ៧ រូប មកពីគណបក្សសង្គ្រោះជាតិ បានទៅជួបសន្ទនា ជាមួយលោក ជាសមាជិកព្រឹទ្ធសភា នៃសហរដ្ឋអាមេរិក និងជាប្រធានអនុគណៈកម្មាធិការកិច្ចការទ្វីបអាស៊ី ភាគខាងកើត ក្នុងគណៈកម្មាធិការកិច្ចការបរទេស នៃព្រឹទ្ធសភាសហរដ្ឋអាមេរិក។
សូមបញ្ជាក់ថា៖គណបក្សសង្គ្រោះជាតិត្រូវបានបង្កើតឡើងនៅថ្ងៃទី១៧ ខែកក្កដា ឆ្នាំ២០១២ ដោយការច្របាច់បញ្ចូលគ្នារវាងគណបក្ស សម រង្ស៊ី ដែលមានរូបសញ្ញាភ្លើងទៀន ដែលដឹកនាំដោយ លោក សម រង្ស៊ីមានតំណាងរាស្ត្រសរុបចំនួន២៦រូប និងគណបក្សសិទ្ធិមនុស្ស មានរូបសញ្ញាព្រះចន្ទពេញវង់ចំនួន៣រូប ដឹកនាំដោយលោក កឹម សុខា នៅទីក្រុងម៉ានីល ប្រទេសហ្វីលីពីនដោយកំណត់យក រូបសញ្ញាគណបក្សសង្គ្រោះជាតិជារូបព្រះអាទិត្យវិញ ដោយលោក សម រង្ស៊ី ធ្វើជាប្រធាន និងលោក កឹម សុខា ជាអនុប្រធាន។
ក្រោយពីការចាប់ដៃគ្នាបង្កើតទៅជាគណបក្សសង្គ្រោះជាតិនេះក្នុងការបោះឆ្នោតឆ្នាំ២០១៣បានទទួលការគាំទ្ររហូតដល់៥៥អាសនៈ ។ក្រោយមកចូលរួមបោះឆ្នោតឃុំសង្កាត់គនបក្សសង្គ្រោះជាតិទទួលបានអសនៈក្រុកប្រឹក្សាឃុំសង្កាត់ប្រមាណជិត៥០០០នាក់ក្នុងនោះបានធ្វើជាមេឃុំចៅសង្កាតចំនួន៤៨៩ឃុំសង្កាត់។គណបក្សប្រជាធិបតេយ្យមូលដ្ឋានបានចេញសេចក្តីថ្លែងការណ៍សម្តែងការសោកស្តាយចំពោះការរំលាយគណបក្សសង្គ្រោះជាតិដោយតុលាការកំពូល។តែបានអំពាវនាវឲ្យអ្នកនៅបាយសង្គ្រោះជាតិរួមគ្នាតស៊ូជាំថ្មីទៀតដែរ។