កំពង់ចាម: ឧបករណ៍ បទល្មើសនេសាទ សាច់មងក្រឡាញឹក ត្រូវបានគេដាក់ តម្រៀបពេញផ្ទៃបឹងទំនប់រលំពោធិ នេះតែម្ដងដោយសារការបង្ក្រាបរបស់សមត្តកិច្ចធ្វើឲ្យតែល្អមើល ។
ប្រភពពីប្រជាពរលរដ្ឋបានឲ្យដឹងថា៖ បទល្មើសនេសាទ កើតឡើង នៅចំណុចទំនប់រលំពោធិ ស្ថិតក្នុងភូមិកំពង់សំណាញ់ ឃុំមៀន ស្រុកពៃឈរ ខេត្តកំពង់ចាម នេះ គឺមានឈ្មោះ ទិត្យ ជាអ្នកដើរប្រមូលលុយ ពីអ្នកប្រព្រឹត្តយកទៅឲ្យមន្ត្រីជំនាញពាក់ព័ន្ធ ។ចឹងហើយបានជាពេល មានអ្នកកាសែតធ្វើការចុះផ្សាយ គេឃើញមានសមត្ថកិច្ច ចុះបង្ក្រាប ដែរតែធើម៉ាៗយកតែស៊ងដោយគ្រាន់តែយកកាំបិត ទៅវះឆូតៗ ២-៣កាំបិត ដើម្បីថតរូប បង្ហាញថ្នាក់លើ រួចត្រឡប់ទៅវិញបាត់ ពេលពួកគេបានធ្វើការដេរផ្ជិត រួចដាក់ដូចដើមវិញដដែល។ ព្រោះ ប្រសិនបើសមត្ថកិច្ចពិតជាចង់មានចំណាត់ការបង្ក្រាបមែន ចាប់ប្រមូលដាក់រថយន្តកង់១០ យ៉ាងតិចពី៣ឡានទៅ៥ឡាន ក៏ដាក់មិនអស់ដែរ ។ ករណីនេះ លោកអភិបាលស្រុកពៃឈរ លោក ឡោ ចាន់លី បានប្រាប់កាសែតតាមទូរស័ព្ទ កាលពីរសៀលថ្ងៃទី៦ វិច្ឆិកា ថា ចំពោះការប្រើប្រាស់ នូវឧបករណ៍ ខុសច្បាប់នេសាទនេះ គឺលោកគ្មានសិទ្ធិចាប់ចងអ្វីទេ ព្រោះលោកមិនមែនជាមន្ត្រីនគរបាលយុត្តិធម៌?។
ទោះជាយ៉ាងណា លោកសន្យាថាស្នើរសុំទៅខាងស្ថាប័នជំនាញ ដើម្បីឲ្យគេចុះត្រួតពិនិត្យ និងចាត់វិធានការ តាមផ្លូវច្បាប់។ដោយឡែក នាយខ័ណ្ឌរដ្ឋបាលជលផល ខេត្តកំពង់ចាម លោកអ៊ុក ណារិន មិនអាចធ្វើការទំនាក់ទំនងបានទេ ព្រោះទូរសព្ទចូលជាច្រើនដង តែគ្មានអ្នកទទួល។