មណ្ឌលគីរី ៖ មានសេចក្តីរាយការណ៍មកថា៖កាលពីយប់ថ្ងៃទី១៨ ខែតុលា ឆ្នាំ២០១៧ មានឈ្មួញដឹកជញ្ជូនឈើប្រណីតប្រភេទធ្នង់តាមរថយន្តឡង់គ្រឺស័រចេញទៅស្រុកយួនតាមច្រកនេះប្រមាណ១០គ្រឿង។ប្រជាពរដ្ឋវាយតម្លៃថា៖ ការដែលឈ្មួញអាចដឹកជញ្ជូនឈើចេញទៅស្រុកយួនយ៉ាងរលូន ចឹងបើមិនមានការឃុបឃិតបើកដៃពីសំណាក់លោក សំរិត ណយ មេប៉ុស្ដិ៍នគរបាលច្រកណាំលៀ ឬប៉ុស្ដិ៍៧ធើមិនបានទេ។
ប្រជាពលរដ្ឋនិងមន្ត្រីអាជ្ញាធរក្នុងស្រុកពេជ្រាដា បានឲ្យដឹងថា ឈើប្រណីតមិនតិចជាង១០រថយន្តឡង់គ្រឺស័រ ឈ្មួញបានដឹកចេញពីចំណុចស្រែអំពូម ស្រុកពេជ្រាដា ខេត្តមណ្ឌលគិរី ហើយចេញទៅស្រុកយួនតាមច្រកណាំលៀ ឬតាមប៉ុស្ដិ៍៧ដែលជាំដែនសមត្តកិច្ចគ្រប់គ្រងដោយលោក សំរិត ណយ មេប៉ុស្ដិ៍ណាំលៀ(ប៉ុស្ដិ៍៧។
បើចឹងមែនហេតុអីលោក អ៊ុក សំណាង ស្នងការនគរបាលខេត្តមណ្ឌលគិរី បណ្ដែតបណ្ដោយឲ្យមន្ត្រីក្រោមឱវាទធ្វើអ្វីៗស្រេចតែអំពើចិត្តចឹង?ឬមួយក៏លោកស្នងការមិនដឹង? ។ ប្រភពខ្លះបានរិះគន់ថា បើគ្មានការឃុបឃិតបើកដៃពីសំណាក់លោក អ៊ុក សំណាង ស្នងការនគរបាលខេត្តមណ្ឌលគិរីទេនោះ គឺលោក សំរិត ណយ មិនមែនហ៊ានធ្វើអ្វីៗស្រេចតែអំពើចិត្តឡើយ។
មានការកត់ សម្គាល់ថា៖ទោះបីមានការផ្លាស់ប្ដូរតំណែងស្នងការនគរបាលខេត្ត និងតំណែងនាយខណ្ឌរដ្ឋបាលព្រៃឈើខេត្តយ៉ាងណាក៏ដោយ ក៏បទល្មើសកាប់ឈើនិងដឹកជញ្ជូនឈើខុសច្បាប់ចេញទៅស្រុកយួនចេញពីអាណាចក្រខេត្តំណ្ឌលគិរីនៅតែកើតឡើងយ៉ាងអនាធិបតេយ្យ។
ជាក់ស្ដែងលោក សំរិត ណយ មេប៉ុស្ដិ៍ណាំលៀ(ប៉ុស្ដិ៍៧) នៅតែបើកដៃឲ្យឈ្មួញដឹកជញ្ជូនឈើចេញទៅស្រុកយួនយ៉ាងពេញបន្ទុក ហើយលោក ស្វាយ សំអ៊ាង ជាអភិបាលខេត្ត លោក អ៊ុក សំណាង ជាស្នងការនគរបាលខេត្ត និងនាយខណ្ឌរដ្ឋបាលព្រៃឈើខេត្តមណ្ឌលគិរី បែជាបានរក្សាភាពស្ងប់ស្ងាត់ទៅវិញ៕
