ពោធិ៍សាត់៖កូនត្រីចម្រុះរាប់រយតោនក្នុងមួយថ្ងៃៗដែលបានមកពីការដាក់ឆ្នុកនៅក្នុងតំបន់បឹងទន្លេសាបនារដូវបិទនេសាទរបស់ជនជាតិយួនបាននឹងកំពុងធ្វើសកម្មភាពដាក់រាយបន្តគ្នានៅវេលាយប់ដូចភ្លើងបណ្ដែតប្រទីតដោយប្រើឧបករណ៍ឆ្នុក(មុងផ្ងាជើងង)បំពាក់ដោយអំពូលភ្លើងពណ៏ខៀវ(អំពូលស្នេហ៍)ដាក់អោយសត្វល្អិតចុះហើយលើកចាប់យក។
ទីតាំងនេសាទ ខុសច្បាប់នេះបានកើតនៅចំណុចចាប់ពីមុខកំពង់ថ្គោល កំពង់ឃ្នាស កំពង់ប្រាក់ កោះក្អែក ផាត់សណ្ដោងរាំងទិលនិងដីរនាតក្នុងភូមិសាស្ត្រទឹកដីស្រុកក្រគរនិងស្រុកកណ្ដៀងខេត្តពោធិសាត់។ សេចក្ដីរាយការពីប្រជាពលរដ្ឋបានអោយដឹងថា៖សព្វថ្ងៃគេសង្កេតឃើញក្រុមឈ្មួញដឹកកូនត្រីនុយរាប់រយពាន់តោនតាមទូកឌុកយឿទិញត្រីយកមកលក់អោយឈ្មួញធំៗនៅស្រុកគ្រគរខេត្តពោធិសាត់នឹងឈ្មួញក្រៅផ្សេងទៀត។
ប្រភពបន្តថា កូនត្រីទាំងនោះត្រូវបានថៅកែនៅស្រុកគ្រគរទិញយកលក់អោយអ្នករកស៊ីចិញ្ចឹមត្រីឆ្ដោរនៅស្រុកក្រគរនិងថៅកែខ្លះទៀតទិញលក់បន្តទៅភ្នំពេញនិងដឹកបន្តទៅស្រុកយួនក្នុងតម្លៃចាប់ពី១៥០០រៀលក្នុង១គីឡូឡើងទៅ។ ប្រជានេសាទចោទថា៖ថាការដឹកជញ្ជូនកូនត្រីនុយនឹងការប្រើឧបករណ៍នេសាទខុសច្បាប់ប្រភេទឆ្នុកនេះអាចធ្វើបានដោយរលូនបែបនេះបើមិនមានមការបកភ្លើងខៀវពីលោកភុំ វិមលនាយខ័ណ្ឌជលផលពោធិ៍សាត់ដែលមានលោកភុន វណ្ណានាយសង្កាត់ជលផលកន្ដៀងនិងនាយសង្កាត់ជលផលកំពង់លួងជាអ្នកប្រម៉ូលលុយអោយពួកមេៗទេក៏ធ្វើមិនបានដែរ។
ពាក់ពន្ធ័នឹងករណីនេះដែរអ្នកយកពតិមានយើងបានទំនាក់ទំនងសុំការបំភ្លឺពីលោកនាយសង្កាត់ទាំងពីនាក់នោះផងដែរតែទូរសព្ទ័មិនអាចទាក់ទងបាន។
ប្រជាពលរដ្ឌបានសម្ដែងការរិះគុណបែបអស់សង្ឃឹមថាការបើកអោយមានការចិញ្ចឹមត្រីឆ្ដោរឡើងវិញគឺបានបង្កអោយពូជមច្ឆាជាតិកាន់តែឆាប់រលាយបាត់បង់ព្រោះឈ្មួញរកស៊ីចិញ្ចឹមត្រីឆ្ដោរគេយកត្រីនុយ(កូនត្រីចម្រុះ)ធ្វើជាចំណីត្រីមិនមែននុយសិប្បនិមិត្តនោះទេ។
ចំណែកសមត្ថកិច្ចជំនាញវិញមួយឆ្នាំៗគេមិនដែលឃើញមានមន្ត្រីជលផលស្នេហាជាតិណាមួយចុះទៅបង្ក្រាបបទល្មើសនេសាទដាក់ឆ្នុកនេះម្ដងណាឡើយ។បើចុះគឺគេចុះទៅយកតែលុយចែកគ្នាឬចុះបង្ក្រាបគ្រាន់តែជាលែសម៉ាៗយកតែរបាយការណ៍ជូនមេតែប៉ុណ្ណោះ៕