បន្ទាយមានជ័យ ៖ បមន្ត្រីនៃការិយាល័យទំនាក់ទំនាក់ទំនងព្រំដែនកម្ពុជា បានលើកឡើងឲ្យអ្នកសារព័ត៌មានដឹង ថា ប្រធានការិយាល័យទំនាក់ទំនងព្រំដែនកម្ពុជាថៃ ដែលមានទីតាំងនៅក្រុងប៉ោយប៉ែខេត្តបន្ទាយមានជ័យនោះសព្វថ្ងៃដឹកនាំដោយលោក ឧត្តមសេនីយ៏ទោ ពេជ្យ វណ្ណា ជាប្រធានមានភាពមិនប្រក្រតីក្នុងការដឹកនាំ ។ រាល់ការអនុវត្តិន៏កិច្ចការ
មួយចំនួន បានធើ្វផ្ទុយពីឋានានុក្រម របស់នាយកទីចាត់ការការងារព្រំដែន ដែលមានលោកឧត្តមសេនីយ៏ឯក សៀក សុជាតិ ជានាយក ។ មិនដឹងជាសព្វថ្ងៃនេះ លោកប្រធានការិយាល័យទំនាក់ទំនងព្រំដែនកម្ពុជា ថៃ ដឹងនាំតាមរបៀងណានោះទេ ? ។ ព្រោះសូម្បីតែប្រធានស្តីទី ការិយាល័យក៏លោកមានសិទ្ធិតែងតាំងបាន ដោយលោកមិនខ្វល់ ពីសេចក្តីណែនាំរបស់ក្រសួងការពារជាតិ ដែលបានកំណត់នោះឡើយ ។
យោងតាមសម្តី របស់មន្ត្រីម្នាក់សុំមិនបញ្ចេញឈ្មោះ បានលើកឡើងថា៖ ប្រធានការិយាល័យទំនាក់ទំនងព្រំដែនកម្ពុជា ថៃ គ្មានសិទ្ធិអ្វីដើម្បីធើ្វការតែងតាំមន្ត្រីមយោធានានាដែលនៅចំណុះក្នុងអង្គភាពបានឡើយ ។ ប៉ុន្តែថ្មីៗនេះ លោកប្រធានការិយាល័យ លោកបែជាក្លាហាន ហ៊ាន តែងតាំងមនុស្សជំនិតរបស់ខ្លួនឲ្យឈរជាប្រធានស្តីទីជំនួសថ្នាក់លើ លើសពីនេះ លោកក៏បានប្រើអំណាចឥទ្ធិពលក្នុងនាមលោកជាប្រធានការិយាល័យ ទំនាក់ទំនងព្រំដែនកម្ពុជាថៃ បានស៊ីញ្ញេតែងតាំងប្រធានក្រុមការងារតាម ច្រកតំបន់នានា និង ច្រកអន្តរជាតិមួយចំនួន ឲ្យក្លាយជាប្រធានស្តីទី នៃការិយាល័យខ្លួនឯងទៀតផង ។
មន្ត្រីមិនសប្បាយចិត្តនិងទង្វើបោះសន្ទួចរំលងភ្នំរបស់ លោក ពេជ្យ វណ្ណា នោះ បានបន្ត ថាការងារតែងតាំងប្រធានស្តីទី តាមច្រកនីមួយៗ អ្នកដែលមានសិទ្ធិតែងតាំងមានតែ នាយកទីចាត់ការការងារព្រំដែនទើបលោកមានសិទ្ធិ ព្រោះនាយកលោកទទួលបទ បញ្ជានិងក្តោបក្តាប់ការងាររួម និងថែមទាំងមានសិទ្ធិផ្តល់សេចក្តីទុកចិត្តដល់មន្ត្រីណាម្នាក់ក៏បាន ។
ផ្ទុយទៅវិញគេមិនដឹងថា តើលោកប្រធានការិយាល័យទំនាក់ទំនងព្រំដែនកម្ពុជាថៃ ម្នាក់ នេះលោក មានសំអាងលើច្បាប់ណានោះទេ ? បានជាហានសញ្ញេតែងតាំមន្ត្រីយោធាដោយខ្លួនឯងបែបនេះ ? ។
ដោយឡែកប្រភពមួយបានបង្ហើបឲ្យដឹងបន្ថែមទៀតថា៖ កន្លងទៅ មនុស្សដែលស្និទ្ធស្នាលជាមួយ លោកពេជ្យ វណ្ណា ហើយមានឋានន្តរសក្តិ ខ្ពស់ផងនោះ បានឃុបឃិតជាមួយនាយទាហាន ពោលគឺ ជនជំនិតនោះ បើកយកប្រាក់បៀវត្សន៏របស់នាយទាហានជាថ្នូរ និងមិនមកបំពេញការងាររយៈពេលប្រមាន១ឆ្នាំ ហើយបញ្ហានេះ ត្រូវបានជននោះបិទបាំងព័ត៌មានបានជិតទៀតផង ។
បើបែបនេះមែននោះថ្នាក់លើគប្បីប្រញាប់មានវិធានការជាបន្ទាន់ដើម្បីទប់ស្កាត់ ទង្វើល្ងង់ខ្លៅនៃជនបក្សពួកនិយមនោះ ឲ្យប្រែក្លាយជា អង្គភាពមួយដែលស្អាតស្អំ សមគួរជា នាយទាហានដែលពោពេញដោយផ្នត់គំនិតស្នេហាជាតិមាតុភូមិនិងការពារពោរណភាពទឹកដីជាកងខេមរភូមិន្ទ ។ទាក់ទិនរឿងរ៉ាវខាងលើមន្ត្រីជាច្រើនរូបដែលមានមុខងារនិងទូនាទីឋានានុក្រមជាអនុប្រធាន ការិយាល័យទំនាក់ទំនងព្រំដែនកម្ពុជាថៃ ដែលកន្លងទៅ នាយកទីចាត់ការការងារព្រំដែនលោក បានតម្រូវឲ្យលោកឧត្តមសេនីយ៏ទោ ពេជ្រ វណ្ណាតែងតាំងជាប្រធានស្តីទីនោះ បែជាលោកពេជ្យ វណ្ណា មិនចាត់តាំងតាមនោះទេ ? ។
កត្តានេះគេសង្ស័យថា ប្រហែលជាលោកពេជ្យ វណ្ណា ខ្លួនឯង ខ្លាចបាត់បង់ចំណូលក្រោមតុហើយមើលទៅ ? បានជាលោក សុខ ចិត្ត ប្រគល់ទូនាទីប្រធានស្តីទី ទៅមនុស្សជិតក្លៀកលោកបែបនេះ ? ។ ហើយជាងនេះទៅទៀត ប្រភពថា លោក ពេជ្យ វណ្ណា ជាមនុស្សប្រកាន់ បក្សពួកនិយម យកបងប្អូនខ្លួន ឲ្យមកធើ្វជាប្រធានច្រកស្ទើគ្រប់ច្រក ។
ពាក់ពន្ធ័ករណីខាងលើ នៅព្រឹកថ្ងៃទី១៥ខែតុលា ឆ្នាំ២០១៧នេះ អង្គភាពសារព័ត៌មានយើងមិនទាន់អាចស៊ំឲ្យលោក ឧត្តម សេនីយ៏ទោ ពេជ្យ វណ្ណា ដែលរងនូវការប្រតិកម្ម ពីមន្ត្រីក្រោមឱវាទនោះបកស្រាយបានយ៉ាងណានៅឡើយនោះទេជ៊ំវិញ ព័ត៌មានដែលប្រភពបានបង្ហើបថា លោកបានតែងតាំប្រធានច្រក នានា និងប្រធានស្តីការិយាល័យដោយខ្លួនឯងផ្ទាល់ផងនោះ ? ។
សូមបញ្ជាក់ថា៖ ទីតាំងផ្ញើម៉ូតូមួយកន្លែងដែលនៅជាប់និងស្នាក់ការត្រួតពិនិត្យច្រកទ្វារអន្តរជាតិប៉ោយប៉ែតនោះដំបូងឡើយ នាយទាហានម្នាក់ ដែលមានបញ្ហានិងគ្រួសារក៏មកស្នាក់នៅកន្លែងធើ្វការ ដែលជាទីកន្លែងសម្រាប់បំពេញការងាររបស់មន្ត្រីទំនាក់ទំនងព្រំដែនកម្ពុជាថៃ ។ កាលណោះនាទាហាននោះបានរៀបចំទីធ្លានោះធើ្វជាកន្លែងផ្ញើម៉ូតូ ដើម្បីបានប្រាក់ហូបបាយព្រឹកល្ងាច តមកស្រាប់តែអ្នកភូមិចេញចូលផ្សារថៃ នាំគ្នាសំរុកយកម៉ូតូមកផ្ញើ សរុប១ថ្ងៃបានប្រាក់ជិត៣០០០បាតប្រាក់ថៃ ។
មិនយូប៉ុន្មាននាយទាហាននោះត្រូវថ្នាក់លើកោះហៅទៅសួរនាំ ដោយបង្គាប់ឲ្យខ្លួនយកប្រាក់ចំនួន៧០០០០បាតប្រាក់ថៃឡើងឲ្យមេជាប្រចាំខែ ប៉ុន្តែនាយទាហាននោះគ្មានប្រាក់ឡើងឲ្យមេតាមការចង់បានរបស់មេនោះទេ ក្រោយមកមេក៏បញ្ឈប់ទាហាននោះ មិនឲ្យស្នាក់នៅកន្លែងដូចមុនទៀតឡើយ ចំណែកទីតាំងផ្ញើម៉ូតូនោះត្រូវគេរៀបចំដាក់មនុស្សថ្មីជំនួស ។
សព្វថ្ងៃនេះត្រូវបានប្រភពបង្ហើបមកថាកន្លែងផ្ញើម៉ូតូនោះលោកពេជ្យ វណ្ណា បានតម្រូវឲ្យកូនចៅក្រោមឱវាទរបស់ខ្លួន យកទីតាំងធើ្វការ ដាក់ធើ្វជាកន្លែងផ្ញើម៉ូតូដោយ ក្នុង១ខែៗ ត្រូវឡើងលុយឲ្យលោក ចំនួន៧ម៊ឺនបាតប្រាក់ថៃ បើទោះជាមានការរិះគន់ពីមជ្ឈដ្ឋាន មហាជនជ៊ំទិសយ៉ាងណាក៏លោកមិនខ្វល់ សំខាន់ បានលុយដាក់ហោប៉ៅ តែប៉ុណ្ណោះ ៕
