រាជធានីភ្នំពេញ ៖ យោងតាមលិខិតមួយច្បាប់ ចុះថ្ងៃទី ១១ កញ្ញា ឆ្នាំ ២០១៧ ក្រុមហ៊ុនស៊ីនទ្រីបានស្នើអន្តរាគមន៍ពីសាលារាជធានីភ្នំពេញ ដើម្បីផ្សព្វផ្សាយតាមប្រព័ន្ធសារព័ត៌មាន វិទ្យុ ទូរទស្សន៍ ពាក់ព័ន្ធទៅនឹងការរក្សាទុកដាក់សម្រាមនៅក្នុងឳកាសបុណ្យភ្ជុំបិណ្ឌខាងមុខនេះ ចំនួន ៨ ថ្ងៃ គឺចាប់ពីថ្ងៃទី ១៨ ខែកញ្ញា ឆ្នាំ ២០១៧ – ២៥ ខែកញ្ញា ឆ្នាំ ២០១៧ ។
ក្រុមហ៊ុនស៊ីទ្រីបានសំណូមពរឲ្យប្រជាពលរដ្ឋ កុំបញ្ចេញសម្រាមដាក់ទីសាធារណៈ ឬដងផ្លូវ ដើម្បីសោភណ្ឌភាព អនាម័យ និងបរិស្ថាន ដោយហេតុថា យោទៅតាមសេចក្តីប្រកាសរបស់ក្រសួងការងារ និងបណ្តុះបណ្តាលវិជ្ជាជីវៈ តម្រូវឲ្យបុគ្គលិក កម្មករ ទាំងអស់បានឈប់សម្រាក ដើម្បីទៅកាន់ភូមិកំណើត ចូលរួមប្រារព្ធពិធីបុណ្យភ្ជុំបិណ្ឌ ខាងមុខនេះ ៕
