បន្ទាយមានជ័យ៖ ក្រុមបុគ្គលិកផ្នែកអនឡាញខុសច្បាប់នៅក្នុងកាស៊ីណូមួយយីហោ ប៉ោយប៉ែតផាលេសផ្លាស់ស្ថិតក្នុងភូមិក្បាលស្ពាន១សង្កាត់និងក្រុងប៉ោយប៉ែតខេត្តបន្ទាយមានជ័យស៊ីដាច់ប្រាក់ខែ ។ពួកគេបានឲ្យដឹងថា៖ ធើ្វការឲ្យថៅកែខ្មែរម្នាក់ឈ្មោះ ប៊ុន ឡុង ដែលបានបើកអនឡាញឈ្មោះវីក្លិប ជួលបន្ទប់នៅជាន់ទី០៤ ក្នុងតម្លៃ៣០០០០ បាតក្នុង១ខែ។
ក្រុមបុគ្គលិកបន្តទៀតថា នាដើមខែកញ្ញា២០១៧ថ្ងៃទី០៩ហើយពួកគាត់នៅមិនទាន់បានបើកប្រាក់ខែនៅឡើយទេ ហើយប្រាក់ខែរបស់ពួកគាត់ម្នាក់ៗស្មើនិង ១១០០០បាតប្រាក់ថៃ ។ ក្រុមកម្មករដដែលថា បើថៅកែមិនព្រមបើកប្រាក់ឲ្យទេ ពួកគាត់និងចេញមុខប្តឹងថៅកែនោះទៅសមត្ថកិច្ចមូលដ្ឋានដើម្បីទាមទាររកភាពយុត្តិធម៌ ។
នៅត្រឹមល្ងាចថ្ងៃទី០៩កញ្ញ២០១៧ បុរសឈ្មោះប៊ុន ឡុង ដែលមានភាគហ៊ុននៅក្នុងមុខរបរបើកអនឡាញខុសច្បាប់នោះ បានលើកឡើងថា មូលហេតុដែលនាំឲ្យយឺយយ៉ាវនៃដំណើរការបើកប្រាក់ឲ្យបុគ្គលិករបស់ខ្លួននោះ គឺរងចាំឲ្យម្ចាស់ភាគហ៊ុនថ្មីមកសាង បន្ទាប់មកខ្ញុំនឹងបើកប្រាក់ឲ្យពួកគាត់តែម្តង ។
ដោយឡែក ភាគីតំណាងឲ្យក្រុមហ៊ុនកាស៊ីណូ ឈ្មោះ ប្រុសបានឲ្យដឹងថា ឈ្មោះឡុង ជាអ្នកមកជួលបន្ទប់កាស៊ីណូ ក្នុងតម្លៃ៣ម៊ឺនបាតប្រាក់ថៃក្នុង១ខែ ហើយមកទល់និងថ្ងៃនេះ ឈ្មោះនូវមិនទាន់ទូទាត់ប្រាក់ថ្លៃបន្ទប់នៅឡើយទេ ។ ពាក់ពន្ធ័និងបញ្ហាស្មុគស្មាញនេះ នាសព្វថ្ងៃបនល្បែងកាស៊ីណូខុសច្បាប់បានកំពុងតែវិវឌ្ឍន៍ខ្លួនពាសពេញក្រុងប៉ោយប៉ែតដដែលធ្វើឲ្យគេសង្ស័យថា ពួកគេបានឃុបឃិតគ្នាជាលក្ខណៈប្រពន្ធ័ជាមួយអាជ្ញាធរ និងសមត្ថកិច្ច បើពុំនោះទេ ច្បាស់ណាស់ថា ក្រុមអ្នកបើកមុខរបរអនឡាញនឹងមិនអាចបន្តអាជីកម្មដោយគ្មានច្បាប់បានឡើយ ។
ជាក់ស្តែង សណ្ឋាគារប៉ោយប៉ែតផាលេសផ្លាស់ និងផ្ទះរបស់លោកមេបញ្ជាការរងប៉េអឹម ខេត្តបន្ទាយមានជ័យ ម៉ែន ភីរម្យ នៅផ្សារកណ្តាលក្បែរការិយាល័យ ប្រៃសណីយ៍ក្រុងប៉ោយប៉ែត ក៏ជួលឲ្យពួកចិនស្នាក់នៅនិងបើក អនឡាញ ក្រៅពីនេះទៀតសោត សណ្ឋាគារ របស់លោក សាន ស៊ានហូ អភិបាលស្រុកអូរជ្រៅ ដែលស្ថិតក្នុងសង្កាត់ផ្សារកណ្តាលនោះ ក៏ជួលឲ្យចិនបើកបនល្បែងខុសច្បាប់អនឡាញដែរ ។
ពាក់ពន្ធ័និងបញ្ហានេះ ប្រជាពលរដ្ឋបានទទួចស្នើឲ្យប្រមុខរាជរដ្ឋាភិបាលមានវិធានការផ្លូវលើបនល្បែងខុសច្បាប់ទាំងនោះ ដើម្បីលើកស្ទួយច្បាប់ស្តីពីភូមិឃ៊ំមានសុវត្ថិភាពរបស់កម្ពុជាឲ្យមានតម្លៃនិងប្រសិទ្ធភាពខ្ពស់ ។ ចំណែក លោក អាត់ខែម ស្នងការនគរបាលខេត្តបន្ទាយមានជ័យ នៅព្រឹកថ្ងៃទី០៩កញា២០១៧នេះ អង្គភាពយើងមិនអាចសុំឲ្យលោកជួយបំភ្លឺបានទេ ជុំវិញបនល្បែងខុសច្បាប់នៅក្រុងប៉ោយប៉ែតបានឡើយ ៕
