ភ្នំពេញៈ ក្រសួងព័ត៌មាននៅថ្ងៃទី២១សីហាឆ្នាំ២០១៧ បានចេញសេចក្តីប្រកាសបញ្ឈប់ការផ្សាយរបស់ស្ថានីយវិទ្យុមហានគរFM93.5MHz នៅទូទាំងប្រទេសចាប់ពីថ្ងៃទី២៣សីហាដោយសារស្ថានីយ៍រំលោភកិច្ចសន្យាជាមួយក្រសួង។ការបិទការផ្សាររបស់ស្ថានីយវិទ្យុមហានគរទាំងស្រុងធ្វើឲ្យគណបក្សសង្គ្រោះជាតិ ដែលជួលស្ថានីយ៍នេះតាំងពីឆ្នាំ២០១២មានការ សោកស្តាយនិងព្រួយបារម្ភពីលទ្ធភាពឃោសនានៅឆ្នាំ២០១៨ ។
លោកស្រី ឈួន វេជ្ជនី នាយិការគ្រប់គ្រងការផ្សាយរបស់វិទ្យុមហានគរបានផ្ញើលិខិតជូនគណបក្សសង្គ្រោះជាតិដែលជាភាគីជួលម៉ោងផ្សាយឲ្យដឹងពីបញ្ហាដែលក្រសួងព័ត៌មានបានចេញប្រកាសលេខ៣២៦ព.មប្រក ចុះថ្ងៃទី២១ សីហា ឆ្នាំ២០១៧ ដោយលុបចោលប្រកាសលេខ៥៩៥ពម. ប្រក ចុះថ្ងៃទី២៩ ធ្នូ ឆ្នាំ២០១៤ដែលអញ្ញាតឲ្យបើកដំណើរការស្ថានីយវិទ្យុមាហនគរ និងស្ថានីយវិទ្យុផ្សាយបន្ត នៅតាមបណ្តាខេត្តនានា។«នាងខ្ញុំសូមសម្តែងនូវការសោកស្តាយ និងសុំទោសយ៉ាងក្រៃលែង ដល់ គណបក្សសង្គ្រោះជាតិ ចំពោះការផ្អាកស្ថានីយវិទ្យុ ត្រូវផ្អាកដំណើរ ការនៃការផ្សាយ ទាំងស្រុ ងរបស់ខ្លួនចាប់ពីថ្ងៃនេះតទៅ»។
សេចក្តីប្រកាសចុះហ្តថលេខាដោយលោក ខៀវ កាញារីទ្ធ រដ្ឋមន្ត្រីក្រសួងព័ត៌មានចុះផ្សាយនៅ ថ្ងៃទី២១សីហា បានសម្រេចលុបប្រកាសលេខ៥៩៥ពម. ប្រក ចុះថ្ងៃទី២៩ ខែធ្នូ ឆ្នាំ២០១៤ របស់ក្រសួងព័ត៌មាន ដែលអនុញ្ញាតឲ្យលោកស្រី ឈួន វេជ្ជនី បើកស្ថានីយវិទ្យុ មហានគរ FM 93.50MHz មានកម្លាំង ផ្សាយ10KW បង្គោលអត់តែនកម្ពស់១២០ម៉ែត្រ ទីតាំងស្ថិ ត នៅរាជធានីភ្នំពេញ និងស្ថានីយវិទ្យុផ្សាយបន្ត FM93.50MHzនៅខេត្តកំពង់ឆ្នាំង ពោធិសាត់ កំពត តាកែវ កណ្តាល ព្រៃវែង ស្វាយវៀង ត្បូងឃ្មុំ និងខេត្តកំពង់ស្ពឺ ។
លិខិតបន្តថា ស្ថានីយវិទ្យុបានផ្សាយបន្តតាមវិទ្យុFM93.75MHzនៅខេត្តប៉ៃលិន ,កំពង់ធំ , ស្ថានីយវិទ្យុផ្សាយបន្ត FM93.25MHz ខេត្តឧត្តមានជ័យ ,សៀមរាប និងស្ថានីយ វិទ្យុផ្សាយបន្តFM106.25 MHzនៅខេត្តបាត់ដំបង់ ដែលសាម៉ីខ្លួនបានរំលោភប្រកាសអនុញ្ញាតឲ្យប្រើប្រាស់ អាជីវកម្មរបស់ក្រសួងព័ត៌មាន និងកិច្ចសន្យាដែលបានតម្កល់ទុកជាផ្លូវការនៅក្រសួងព័ត៌មាន។
លោក យឹម សុវណ្ណអ្នកនាំពាក្យុគណបក្សសង្គ្រោះជាតិ បានសសេរលើបណ្តាញសង្គមហ្វេសប៊ុកនៅថ្ងៃទី២៣ សីហា ២០១៧ ថា «គ្មានវាចានឹងថ្លែង! ក្រសួងព័ត៌មាន បានប្រកាសបញ្ឈប់ការផ្សាយរបស់ស្ថានីយវិទ្យុមហានគរ FM 93.5 ទូទាំងប្រទេស ចាប់ពីថ្ងៃនេះតទៅ»។
លោកបន្តថា គណបក្សសង្គ្រោះជាតិ បានទិញម៉ោងផ្សាយនៅវិទ្យុនេះ តាំងពីឆ្នាំ២០១២ ។ ចាប់ពីថ្ងៃនេះតទៅ ទាំងគណបក្សសង្គ្រោះជាតិ ទាំងវិទ្យុVOA ទាំងវិទ្យុអាស៊ីសេរីមិនមានការផ្សាយកម្ម វិធីរបស់ខ្លួន តាមរលកធាតុអាកាស តាមវិទ្យុនេះទៀតទេ។
លោកយឹមសុវណ្ណបានសំដែងការព្រួយថា “ខ្ញុំមិនដឹងថា ការបោះឆ្នោតជាតិឆ្នាំ២០១៨ ខាងមុខ នឹងប្រព្រឹត្តទៅដោយសេរី និងយុតិ្តធម៌របៀបណា?។ សូមបងប្អូនជនរួមជាតិមេត្តាជ្រាបជាព័ត៌មាន និងពិចារណាតាមការគួរ »៕
