បន្ទាយមានជ័យ៖ លោកវួច អូន មកគ្រងតំណែងប្រធានស្នាក់ការត្រួតពិនិត្យច្រកទ្វារអន្តរជាតិប៉ោយប៉ែតបានជិតមួយអាណត្តិហើយតែហាក់ដូចជាមិនទទួលបានលាភយស់នៅឡើយផងក៏បែករឿងចាស់ ធ្លាក់ពីលើមេឃមកផ្ទួនៗទៅវិញ។សេចក្តីទុក្ខបុកម្នេញបានមកឲ្យលោកចេញមុខទទួលខុសត្រូវលើបញ្ហា វិបត្តិដាច់ទឹកញឹកញ៉ាប់និងករណីស្ទះបង្គន់ក្នុងអគារស្នាក់ ការកើតមានជាបន្តបន្ទាប់ ហើយបានរងនូវការរិះគន់ពីមជ្ឈដ្ឋានយ៉ាងស្ពឹកមុខ ថាលោកគ្មានមធ្យោបាយដោះស្រាយ ។
មិនត្រឹមតែស្ទះបង្គន់និងខ្វះទឹកបន្ទោបង់លាមកនោះទេ គឺខាងក្រុមហ៊ុនអានកូ របស់លោក ឧកញ៉ាកុកអាន គេផ្តាច់ទឹកភ្លើងតែម្តងពេលនោះ លោកវួន អូន បានចាត់មន្ត្រីក្រោមឱវាទ ដើម្បីអន្តរាគមន៏ទៅក្រុមហ៊ុនទឹកនិងភ្លើង ឲ្យមកតភ្ជាប់ចរន្ត តែខាងក្រុមហ៊ុនគេបានតបមកថា បើចង់តភ្ជាប់ចរន្តឡើងវិញ លុះត្រាណា ខាងស្នាក់យកសាច់ប្រាក់មកទួទាត់ជាមុនសិនទើបក្រុមហ៊ុនគេតឲ្យសាជាថ្មី ទើបបែកធ្លាយព័ត៌មានថា ប្រធានស្នាក់ការ២អាណត្តិមុនៗ មិនដែលបានបង់ថ្លៃទឹកភ្លើងសូម្បីតែ០១សេនក៏គ្មានបង់ដែរ គឺមកអង្គុយធើ្វការយកតែលុយ ។
ដូច្នេះសំពាយកម្មនេះពិតជាបានធ្លាក់សង្កត់កលោកវួច អូន តែម្នាក់យ៉ាងធ្ងន់ធ្ងរ ខណៈអតិតមន្ត្រីប្រធាន២ជំនាន់មុនៗ គំនិតធូថ្លៃ ឬថាគេចេះឆ្លាត ។
សេចក្តីរាយការណ៏បានបង្ហើបថា៖ ថ្លៃភ្លើងដែលស្នាក់ការបានជំពាក់ក្រុមហ៊ុននោះមានប្រមាណជាង៥០ម៊ឺនបាតស្មើនិងជាង៦០ខែ ចំណែកថ្លៃទឹកក៏មិនណយដែរគឺមិនចាញ់ភ្លើងទេ ។
